Maaki 10

1Niŋi n na, Yeesu daa n yi nisaaniŋi we Judiya paaligu, a ni paaligu n ba mogso ba n boona Jooda la duyindaana, ka zamusi laŋsi o saani, ka seema o n yi n wusira ba maa, o wusira ba. 2Niŋi n na, Farisii dimseesi daa n ti niŋi u nyaasi, a boosi u, O veela nivu n kari o poga? 3Yeesu boosi ba, Wula n na Musa daa n yeli? 4Ba yeli, Musa daa n sagi ba katira pogiba, ama poin ka e kari u e sebi gbaŋŋu ti u, ni o lee n ka sira. 5Yeesu yeli ba, Musa daa n yelini n ŋa, a kpali niriba bi kpabira Naawun yela. 6Ama jemanso Naawunni n daa n piili n maali niriba, o maalini daba ni poga. 7A zu, daba yi cheli o ma ni o ba, ka naa poga, o ni nu ba ba niŋi, 8ba loobi luŋko. Ba bi lee n niŋi bayi, ba niŋi luŋko. 9A zu, da ti niriba barigi bunso Naawunni n naa n loobi luŋko. 10A n daa n ti niŋi beela, ba kpe dii, ka Yeesu nyaaŋpaariba boosi u yela maa. 11O yeli ba, So zaa n kari o poga, ka lee n naa yindaana niŋi yabee, a maa o do so n bi niŋi o poga saani. 12Ka so zaa n zagsi o sira, ka lee n kulisi yindaana niŋi yabee, a maa o saami o sira dii. 13Niŋi n na, ba daa n mari biisi ta Yeesu saani, o ti siisi ba, ka o nyaaŋpaariba katira ba. 14Yeesu n ti nye n ŋa, o je suuri, ka yeli o nyaaŋpaariba maa, Ya cheli biisaa ba ta m saani, ka da kari ba. A kpali bo, Naawun naalim niŋini ba toori. 15Yamonsi n na, so zaa n bi dee Naawun naalim yela, a maa biya, o ki tee n kpe u. 16Ka Yeesu dee biisi maa, ka gbaa ba pobira o nuusi niŋi, ka naag o nuusi pa ba zuuri, a suusi Naawunni tira ba. 17Niŋi n na, Yeesu daa n yi n wara seela, ka dabyindaana chee n ti gba o yiya, ka boosi u, Karichisuŋŋu, wula ma ya n niŋi n nye nyevuriso n ka baasigu? 18Yeesu yeli u, Bo n na e booli ma nivusuŋŋu? Nyaasi, Naawunni ko n niŋina yasuma. 19E tee n baŋŋi Naawun zaaligusi la, da kuura, da kpabi e todaana poga, da zuura, da ŋmaara jiri, da puntira, niŋina e ba ni e ma jilima. 20Daba maa yeli Yeesu, Karichi, ni niŋi bii zaa, m bi niŋina a so zaa. 21Ka Yeesu nyaasira u, a ni kpabirisim, ka yeli, A kpari n che yaluŋko, e niŋi. Wa ti koosi bunso zaa e n mari, a tori nandaandima, a nye tono yi Alizaana, ka ti pa m zu. 22Daba maa n wumi n ŋa, o sufu saami, a kpali bo, o niŋini bindaana. Ka o loobi n gaari, a ni o sufusaaŋu. 23Niŋi n na, Yeesu nyaasi n poli n jili, ka yeli o nyaaŋpaariba, O ba toom ga, ka bindaandima ba kpe Naawun naalim puwa. 24Yela maa ku nyaaŋpaariba maa noya, ka Yeesu lee n yeli ba, M biisi, o ba toom ga, ka nivu kpe Naawun naalim puwa. 25Bindaana ya n kpe Naawun naalim puu ba toom ga, a gaari nyogima di n dee seerigu voori puu yi. 26Yela maa ku ba noya ga, ba yeli taaba, Ee, lala wune, so zaa ki nye moligirisim. 27Yeesu nyaasi ba, ka yeli, Nisaaldima ki tee n ti nira kpe, ka pa Naawunni, a kpali bo, Naawunni ni tee n niŋi bunso zaa. 28Piita yeli Yeesu, Nyaasi, ti cheli bunso zaa, ka pa e zu. 29Yeesu yeli, Yamonsi n na, so zaa n che o diisi, koo o mabiisi, koo o ma, koo o ba, koo o biisi, koo o puuri, a kpali m ni m baarusuma la zu, 30wune ni nye tono ga durinye puwa, a lee n nye diisi ni mabiisi ni madima ni biisi ni puuri ga, a ni nam, ka soosa zu o ni nye nyevuriso n ka baasigu la. 31Ka nivudamta n pa yii pimpariŋa ni loobi n pa nyaaŋa, ka seesi n pa nyaaŋa ni loobi n pa yiya. 32Dindaso Yeesu ni o nyaaŋpaariba daa n ba soori, a wara Jiruusilim, ka Yeesu pa yiya, o yela ku ba noya, dabeem gbaa ba, ba paara nyaaŋa. Ka Yeesu loobi n togsi o nyaaŋpaariba pii ni bayi maa, ka yeli ba bunso n ya n niŋi u, 33a yeli, Ya nyaasi, ti warini Jiruusilim. Nisaaniŋi n na ba ni gbaa mani Naawun Nisaala gaari buŋkobkuuriba kpemba ni zaaliguwusiriba saani, ba yeli, ni a veela ba n ku ma. A zu, ba ni naa ma ti Aroom dima, 34ba niŋi ma siya, ka tusi nuntoori wuri ma, ka feebi ma, ka ku ma, ka m daba ata daari m ni lee n nyisigi. 35Niŋi n na, Jeemsi ni o sunzo Jon, Zebidi biisi, daa n we Yeesu saani, ka yeli u, Karichi, bunso n na ti kpabira e niŋi ti ti. 36Yeesu boosi ba, Bo n na ya kpabira m niŋi ti ya? 37Ba yeli, Ka e pa ti zi e naam la puwa, a yi Alizaana, ti kpabira ti zi e saani, luŋko e nudiya, luŋko e nuzaa. 38Yeesu yeli ba, Ya bi baŋŋi bunso ya n suusira n ŋa gbinni. Ya ni tee n di wahaala so ni ya n di? 39Ba yeli Yeesu, Ti ni tee n di. Yeesu yeli ba, Wahaala so ni ya n di, ya ni di u, 40ama m ki tee n nyisi niso n di n zi m nudiya, a ni m nuzaa. Naawunni ni naa ziisi maa ti niseesi o n nyisi. 41O nyaaŋpaariba piiseesi n che maa n wumi n ŋa, ba je suuri niŋi Jeemsi ni Jon. 42Ka Yeesu booli ba zaa laŋsi, ka yeli ba, Ya wumi, ba seesi ba n boona paaligusi zudaandima ni nadima mari daama gaari niriba zaa, ka yi bobira ba seema ba n di n niŋi, 43ama, a yi ya saani, ya ki niŋi lala, so n ya n niŋi yipaara, cheli o tumina o taaba zaa. 45A kpali bo, mani Naawun Nisaala bi ta, ba ti tumina ma, m tani m ti tumina ba, ka ti naa m nyevuri tagi nivudamta ba nye nyevuri. 46A jemani maa Yeesu ni o nyaaŋpaariba daa n dee Jeriko, ka yi n wara, ba ni zamutintaa, ka zooma ba n zi sogbarimini, a dibira, ba boona u Baatimiya, a ni Timiya biya. 47O n ti baŋŋi maa, Yeesu n yi Nazire la n na, o tasi n yetira, Yeesu, naaba Dawuda yaŋŋu, zo ma nimbaa. 48Ka nivudamta zabi u, ni o cheli vu. Ka o lee n maali n tasi ga, a yeli, Naaba Dawuda yaŋŋu, zo ma nimbaa. 49Niŋi n na, Yeesu za, ni ba booli u. Ba wa ti yeli u, ni Yeesu booli u, o nyisigi n ta, a ni sufumaagirisim. 50A puli maa niŋi, o gbari n nyisigi, ka che o waje, ka we Yeesu saani. 51Yeesu yeli u, Bo n na e kpabira m niŋi n ti i? Zooma maa yeli u, M duuma, m kpabira m nyaara. 52Yeesu yeli u, Wara, e yeride niŋinisim zu e nye alaanfiya. A puli maa niŋi, zooma maa nyaara, ka beeli Yeesu soori.

will be added

X\