Luuka 9

1Dindaso Yeesu daa n booli o nyaaŋpaariba pii ni bayi maa, a laŋsi, ka ti ba kpeeŋu, a ni daama, ba yi n katira kikpaarigusi, ka tibira toorasi, 2ka tumi ba ba wa ti wusira Naawun naalim yela, ka tibira seesi n beera. 3Ka mi yeli ba, Ka ya wara, ya da lee n naa bunso zaa paasi, ya da naa daŋkpalli, koo koligu, koo bindira, koo ligiri, koo bimpinna ayi. 4Seela zaa yiri ya n wa ti kpe, ya ba niŋi, ama ya yini tiŋŋa maa puwa. 5Ka seela zaa ba n zagsi ya, ka ya ti yi tiŋŋa maa puwa, ya pisigi ya noba tana basi, ba baŋŋi, ba n bi niŋi nene. 6Niŋi n na, nyaaŋpaariba maa naa n chaŋŋi n gaari tiŋsi, ka seela zaa ba n we, ba wusira yasuma maa, ka tibira. 7Niŋi n na, naaba ba n boona Herodi la wumi yela maa zaa, ka bi baŋŋi a gbinni. Seesi yeli, ni Jon Baatisi nyisigini, a yi kum puwa. 8Seesi mi yeli, ni Alayija lee n tani. Seesi mi yeli, ni Naawun chaamesi la yindaana n kpi kusu zaa la lee n nyisigini. 9Ka naaba maa yeli, M daa n ti ba ŋma Jon Baatisi zu, ka ŋani n lee n niŋina yela ŋa ma wumina? A zu, naaba maa kpabira o nye Yeesu. 10Nyaaŋpaariba maa n pori n gaari Yeesu saani, ba yeli u yaseesi zaa ba n niŋi. Ka o mari ba yi zamu maa puwa, a gaari tiŋyindaana ba boona Beseeda. 11Zamusi maa n ti baŋŋi, ba wa ti paag u, o puusi ba, ka wusi ba Naawun naalim yela, ka tibi seesi n beera. 12Wuluŋu n ti liira, o nyaaŋpaariba pii ni bayi maa ti yeli u, ni o ti zamu maa pisimi n gaari tiŋsi ni puuri, ba wa ti nye bindira ni diisi, a kpali bo, nisaaniŋi ka diisi ni bindira. 13Yeesu yeli ba, Ya ti ba bunso ba di. Ba yeli u, Ti marini paanusi anu, a ni korotosi ayi ko, ka dabsi maa mi paa tusa anu. A zu, ka ti bi wa ti da bindira, ba zaa ki nye n di. Yeesu yeli o nyaaŋpaariba, Ya barigi niriba maa ziili pisinu anu, pisinu anu. 15Ba niŋi n ŋa, ka ti ba zi tiŋŋa, 16ka Yeesu naa paanusi anu ni korotosi ayi la, a nyaasi saazu, ka suusi Naawunni, ka ŋmaasi a ti nyaaŋpaariba la, ba naa n tori zamu maa, 17ba zaa ŋobi n piri, ka ba piisi bincheesi la, a paali peeri pii ni ayi. 18Dindaso Yeesu daa n togsira Naawun saani, o ni o nyaaŋpaariba ko n ba niŋi, o boosi ba, ?ani n na niriba yeli m niŋiya? 19Ba yeli u, Seesi yeli e niŋini Jon Baatisi, ka seesi mi yeli e niŋini Alayija, ka seesi mi yeli Naawun chaamesi la yindaana n lee n nyisigi. 20Yeesu boosi ba, ?ani n na ya mi yeli m niŋiya? Piita yeli, E niŋini Kristu, so Naawunni n daa n nyisi la. 21Yeesu kpaasi ba tuba ba da yeli nira zaa yelaa, 22ka lee n yeli ba, ni wune Naawun Nisaala ni nye nam, ka kpemba ni buŋkobkuuriba kpemba ni zaaliguwusiriba la ba zagsi u, ka ti ba ku u, ka o daba ata daari Naawunni o nyisigi u. 23Niŋi n na, o yeli niriba maa zaa, Ka nira zaa ya n pa m zu, o da lee n niŋina o kiperi, ka taaru zaa o yi niŋini Naawun kiperi, a paara m zu. 24So zaa n kpabira o moligi o nyevuri ni koŋŋi u, ka so zaa n koŋŋi o nyevuri kpali m zu ni moligi u. 25Bo tono n na nisaala ya n nye, ka o su durinye zaa, ka koŋŋi o nyevuri? 26Ka niso zaa zagsi maa, a ni yaseesi ni wusira ŋa, ka mani Naawun Nisaala pa lee n ta, a ni m kpeeŋu, a ni m ba Naawunni ni o malakisi kpeeŋu, m gba ni zagsi u. 27Yamonsi ma ya n yeli ya, niseesi n za kpe ŋa seesi ki kpi, halli ka ti nye Naawun naalim poin. 28A n ti niŋi daba anii, Yeesu daa n mari Piita ni Jon ni Jeemsi du zotintaa zu, o wa ti togsi Naawun saani. 29O n togsira maa, o nufusee cherigi, ka o bimpinna mi loobi n peligi n nyagsira, 30ka dabsi bayi ti togsira o saani. Ba niŋini Musa ni Alayija, ka ba veela ga, ka togsira seema Yeesu n ya n kpi, a yi Jiruusilim. 32Yela maa n niŋina maa, gbeem mari Piita ni o taaba, ba n bi gbisira, ka nye Yeesu veelim maa, a ni dabsi bayi la. 33Dabsi bayi maa n ya n gaari, ka che Yeesu, Piita yeli Yeesu, M duuma, yasuŋŋu n na ti ba kpe, cheli ti ti suga ata, nyini n su yindaana, Musa n su yindaana, Alayija n su yindaana. Piita mi bi baŋŋi seema o n yetira maa. 34O na n togsira, sagbaŋŋu pili ba, dabeem gbaa ba, 35ka goo yi sagbaŋŋu maa niŋi, a yeli, M bii n na la, ma nyisi, ya wumi n ti u. 36Goo maa n ti togsi n baasi, ba nyeni Yeesu ko. A jemani ba muuri, ka bi yeli nira zaa yaseesi ba n nye maa. 37A n daa n kaa bee, ba sigi zoo maa zu, zamusi tuusi ba. 38Niŋi n na, dabyindaana yi zamusi maa puu tasi n yeli Yeesu, Karichi, m suusira i ni e nyaasi m biduwa, m ka bii paasi o niŋi, 39ka kikpaarigusi duura u, o yirimi n chaatira, ka damtira, funfugsi ti yi o noori, ka namsi u ga, ka bi kpabira o cheli u. 40A zu ma suusi e nyaaŋpaariba ba kari a, ba kari a je. 41Niŋi n na, Yeesu yeli, Yarima bi niŋina Naawunni yeride, ka ya sufusi mi bi lee n veela. M yuuni ya saani, a ni kenyiti, ka ya bi niŋi ma yeride, lala veela? Ka yeli daba maa, ni o mari bii maa ta. 42Bii maa n chena, kikpaarigusi maa du u, a damtira u. Ka Yeesu kari kikpaarigusi maa, a tibi bii maa, ka naag u ti o ba. 43Yela maa ku ba zaa noya, a kpali Naawun kpeeŋu maa zu. Niriba maa na n daa n za n togsira mamaachi yaseesi zaa Yeesu n niŋina la, o yeli o nyaaŋpaariba, 44Ya wumi yaseesi ni ya n yeli ya ŋa, ka da tami a. Dindaso ba ni ti ba gbaa mani Naawun Nisaala. 45Nyaaŋpaariba maa mi bi baŋŋi o gbinni, a kpali bo, Naawunni sogi yela maa gbinni, ba da baŋŋi. Ba mi zora dabeem ba di boosi Yeesu o gbinni. 46Niŋi n na, nyaaŋpaariba maa dira amore ba so n mari daama ga. 47Yeesu n ti baŋŋi ba feri feera, o naa bii zaali o lugimini, 48ka yeli ba, Niso zaa n ti dee biyaa m yuuri zu, mani n na o dee, ka so zaa n dee ma, so n tumi ma la n na o dee. A zu, so n niŋi bibilidaana, a yi ya puwa, wune n gaari ya zaa. 49Jon yeli Yeesu, Duuma, ti nyeni dabyindaana naag e yuuri katira kikpaarigusi, ka bi paara ti zu, ti kari u. 50Yeesu yeli ba, Ya da kari u, a kpali bo, niso n bi niŋi ya dimma, wune n niŋi ya summa. 51Jemanso Naawunni n ya n naa Yeesu du Alizaana la n daa n ti paagira, Yeesu ŋme o sufu gaari Jiruusilim. 52O n wara maa, o tumi niriba ba pa o yiya, a wa ti niŋi siriya, o chena. Niŋi n na, niriba maa wa ti kpe Samaariya dima tiŋyindaana, ba niŋi siriya, 53ka tiŋŋa maa dima bi sagi Yeesu kpe ba yiri, a kpali bo, o ŋmeni o sufu o gaari Jiruusilim. 54Yeesu nyaaŋpaariba, Jeemsi ni Jon, n ti nye, ka niriba maa zagsi la, ba boosi Yeesu, Duuma, e kpabira ti booli bugum, a yi saazu, o ti di ba? 55Ka Yeesu loobi n yeli ba, ni ba cheli. 56Ka ba lee n gaari tiŋyindaana. 57Ba n daa n chaŋina soori maa puwa, dabyindaana yeli Yeesu, Seela zaa e n wara, m ni pa e zu. 58Yeesu yeli u, Buŋkobiri mari a voya, niinsi mari a sona, ka mani Naawun Nisaala bi mari seela m di n do. 59Ka Yeesu yeli dabyindaana, ni o pa o zu, ka daba maa yeli, Cheli m wa ti pi m ba poin. 60Yeesu yeli u, Cheli seesi n ka nyevuri pi ba seesi n kpi, ka e wa ti wusira Naawun naalim yela. 61Yindaana mi yeli, Duuma Yeesu, m ni pa e zu, cheli m wa ti kali niseesi n ba m yiri. 62Yeesu yeli u, Ka e mari naagi koora, ka nyaasira nyaaŋa, e ki ko n tooli. Wune niŋi, e nyaasira nyaaŋa, e bi daga e n di n kpe Naawun naalim puwa.

will be added

X\