Luuka 20

1Niŋi n na, dindaso, o daa n naa Naawun yela wusira niriba, a yi Naawun dii laanta, ka buŋkobkuuriba kpemba ni zaaliguwusiriba ni tiŋŋa maa kpemba ti boosi u, Yeli ti, bo daama n na e nye, ka niŋina yela ŋa, koo, ŋani n ti i daama e niŋina yela ŋa? 3Yeesu yeli ba, M gba ni boosi ya bunso, ya yeli ma. 4Jon Baatisi n daa n suura niriba koom la, ŋani n ti u daama, Naawunni, koo nisaaldima? 5Niŋi n na, ba togsi taaba saani yeli, Ee, ka ti yeli, Naawunni, o ni yeli, ni ka bo n na ti daa n bi deeg o yela? 6Ti mi lee n yeli, Nisaaldima, niriba maa ni lobi ti kuga, a kpali bo, ba baŋiya, ni Jon daa n niŋini Naawun chaame. 7A zu, ba yeli Yeesu, ni ba bi baŋŋi so n ti Jon daama. 8Yeesu yeli ba, Lala n na m gba ki yeli so n ti ma daama ŋa, ma niŋina yela ŋa. 9Niŋi n na, o bo niriba maa kiŋaasa yeli, Dabyindaana n buri tiisi, a yi o pu, a wanna yuma zaa. Dindaso o ya n wa ti yuu paaligu yindaana, ka naa tiisi maa ti niseesi nyaasira, ka a ti wali, ba barigi n ti u. O n niŋi n ŋa baasi, o naa n gaari. 10Wala maa naagirisim n ti paa, daba maa tumi o tumtumina, o wa ti deeg a ta, niriba maa moŋŋi u, ka bu u, ka kari u, o mari nuyoosi gaari. 11Niŋi n na, daba maa lee n tumi tumtumina yindaana, o gba ba bu, ka namsi u ga, ka kari u, o mari nuyoosi gaari. 12O lee n maali n tumi yindaana. ?u wune ba bu n ti u daaŋu, ka kari u basi. 13Niŋi n na, pu maa daana yeli, Ka wula ma ya n niŋi? Mani n baŋŋi. M ni tumi m biduu la, so ni kpabira ga la, a koo ba ni zo u vi. 14Niŋi n na, bii maa wa ti paa, niriba maa nye u, ka yeli taaba, Ya nyaasi, daba maa kapite dira n ŋa, ya cheli ti ku u, ka pu maa loobi ti toori. 15A zu, ba mari u yi pu maa niŋi ku. Wula n na pu maa daana ya n niŋi ba? 16O ni ti ku niriba maa, ka lee n naa pu maa ti seesi. Niriba maa n ti wumi kiŋaasa maa, ba yeli, A da pa ti niŋi. 17Yeesu nyaasi ba, ka yeli, Ka lala bi niŋi yamonsi, ya wusi ma yelaa ba n daa n sebi n digili kusu zaa la gbinni, ni birikiso meeriba n nyisi n basi, wune n loobi n niŋini birikisi maa zudaana. 18Ka so zaa fa n li biriki maa niŋi, o ni kabsi. Ka biriki maa mi lee n li so zaa niŋi, o ni merigi u ga. 19Zaaliguwusiriba ni buŋkobkuuriba kpemba n ba niŋi maa baŋŋi maa, Yeesu boni kiŋaasa maa kpali ba zu, ba kpabira ba gbaag u, ka mi zora niriba dabeem, 20ka nyaasira u, ka nyisi niriba ba wa ti niŋi mbara wumi seema o n di n niŋi n togsi n kpe ba niŋi, ba di gbaag u gaari gomina saani, o naag o daama di o seriya. 21A zu, ba yeli Yeesu, Karichi, ti baŋŋi e n togsira yamonsi, ka bi gamsira, ka yi wusira Naawun yamonsi. 22Wumbo n veela, ti yo lampoo tira Aroom naaba, koo, ti da yoora? 23Yeesu pa baŋŋi bunso zu ba n boosi u, ka yeli ba, 24Ya nyisi lagfu wusi ma. ?ani nufusee ni o yuuri n do ŋa? Ba yeli, Aroom naaba n na. 25O yeli ba, Naa Aroom naaba toori ti Aroom naaba, ka naa Naawun toori ti Naawunni. 26A kpali o n yeli n ŋa yi zamu maa puu zu, ba bi tee ba yeli, ni o yeli yabee, ka a ku ba noya, ba muuri. 27Niŋi n na, Sajusii dimseesi ta Yeesu saani. Sajusii dima yi yeli, ni nira kpiya, o ki lee n nyisigi. 28A zu, ba yeli Yeesu, Karichi, kusu zaa Musa daa n sebiya, ni dabso beeri yi kpi, ka che o poga, ka ka biya, o sunzo maa, o naa poga maa dogi biisi ti o beeri maa. 29Ka ti buŋ n ŋa? Dabso n nyisigi, ka mari sunzoba bayoobu. Dindaso daba maa naa poga, ka kpi, ka bi nye biya. 30A zu, niso n pa o zu mi naag u, o gbagba kpi, ka bi nye biya. 31Lala ba zaa niŋi, ka bi nye bii zaa. 32A ni a baasigu zaa poga maa gba kpi. 33Nyaasi, ba bayapoin maa zaa naag u, ka kpi. Ka ba pa ti nyisigi kum puwa, wumbo daana n su poga maa? 34Yeesu yeli ba, Durinye ŋa niriba n naagira pogiba, ka kulisira dabsi. 35Ama seesi n daga ba nyisigi kpiinsi puwa, a nye nyevuri maa, ki naa pogiba, koo, a kulisi dabsi. 36A kpali bo, ba ki lee n tee n kpi, ba ni malakisi ŋmaanini taaba, ka ba mi niŋi Naawun biisi, a kpali ba n lee n nyisigi zu. 37Ya lee n nyaasi seema Musa n daa n wusi, ni nivukpiima ni lee n nyisigi. O n daa n paa vatuso n daa n leegira la, o daa n booli duuma yeli, Naawunni so Ibrahim ni Isaaka ni Yakubu n tumina la. 38To, nyevuya dima Naawunni n niŋi u, o bi niŋi seesi n ka nyevuya dima Naawunni, ka o saani so zaa mari nyevuri. 39Zaaliguwusiriba yeli u, Karichi, e togsi yamonsi. 40Ka niriba maa zaa zora dabeem ba lee n boosi u yaso zaa. 41Ka Yeesu yeli ba, Bo zu n na ba yi tee n yeli, ni Kristu maa ni niŋi naaba Dawuda yaŋŋu? 42Ya nyaasi, naaba Dawuda gbagba daa n yeliya, ka ba sebi n digili Naawun buku yiima puwa, a yeli, Ti duuma yeli m duuma, Zi m nudiya, 43m ti nyaŋŋi e dindima zaa ti i. 44A kpali naaba Dawuda n yeli, ni Kristu maa n niŋi o duuma la, wula n na Kristu maa niŋi o yaŋŋu? 45Niŋi n na, so zaa daa n wumi Yeesu n yeli o nyaaŋpaariba, 46Ya dasi zaaliguwusiriba niŋi. Ba yi pilini wajesuma yi n wusira ba maŋŋa, ka kpabira niriba puusira ba ga yi kulona zu, ka kpabira zisuma ziisi yi laŋsigu diisi puusi, koo, a yi bindira ziya, 47ka zuura pogkooba bini, ka wusira ba maŋŋa togsi Naawun saani yuugira ga. Lala zu, Naawunni ni darigi ba tuba ga.

will be added

X\