Luuka 17

1Niŋi n na, Yeesu daa n yeli o nyaaŋpaariba, M niŋi tama, ni yaseesi n taasi niriba niŋina yabeeri la ni niŋi, ama niso n taasi ba niŋina yabeeri maa ni nye nam ga. 2Ka ba di naa kugitimsigu le o nuŋgori lobi n niŋi koom niŋi, o di, lala n so o n ba niŋi, a wusira biisaa yabeeri. Ya dasi ya maŋsi niŋi. 3Ka e todaana niŋi i yabeeri, yeli u. Ka o deeg o saamiya, e che n paŋŋi u. 4Halli dindaluŋko, ka o niŋi i yabeeri buyapoin, ka loobi buyapoin yeli i, ni o deeg o saamiya, e mi che n paŋŋi u. 5Duuma Yeesu tumusi maa yeli u, Ti ti niŋi Naawunni yeride ga. 6Duuma yeli ba, Ka ya niŋi duuma yeride, a maa bumburibila, ya ni tee n yeli tiyaa, ni o va, a wa ti sabi mogiri puwa, o niŋi. 7Ka Yeesu lee n yeli, Ka so zaa mari giruŋŋu, ka dindaso o koora, koo, a kpagira peeri, ka tumi o tuma maa baasi, ka yi pu ta, o yidaana maa ni yeli u, ni o ta yoom ti di? 8Akayi. O ni yeli u, ni o dugi n ti u, ka pili o waje, ka naa bindira maa ti u, o ti di, ka ŋu poin, giruŋŋu maa mini o pa di, ka ŋu. 9Ka giruŋŋu maa niŋi seema o yidaana n yeli o niŋi la, o ni puusi u? Akayi. 10Lala n na, ka ya niŋi yaso zaa Naawunni n yeli ya niŋi, ya yeli, Ti niŋini girunsi, ka ka tono, ti niŋini seema n daga ti niŋi. 11Dindaso Yeesu n daa n wara Jiruusilim maa, o dee Samaariya ni Galili paaligusi sunsuu niŋi. 12O n wa ti kpe tiŋyindaana, korite dima pii nye u, ka za wogila, 13ka tasi n yeli u, Ti duuma Yeesu, zo ti nimbaa. 14Yeesu n nye ba, o yeli ba, Ya naa ya maŋsi wa ti wusi buŋkobkuuriba. Ba n wara maa ba toora maa baasi soori, ka ba niŋasi maali. 15Ba yindaana niŋini Samaariya daba, ka ti nye, ka o toora maa baasiya, o pori n wara Yeesu saani, ka tasi n kpeesira Naawunni. O n wa ti paa Yeesu, o li o yii puusira u. 17Yeesu boosi u, Ya seesi n mari korite, ka nye alaanfiya la, ya bi paa niriba piiya? Ka bawai la ba ya? 18A niŋini wula, ba bi pori n ti kpeesi Naawunni, ka che dabaa n bi niŋi Juusi daba, o ko ta? 19Niŋi n na, Yeesu yeli u, Nyisigi n wara, e yeride niŋinisim ti e nye alaanfiya. 20Niŋi n na, Farisii dima boosi Yeesu jemanso Naawunni naalim n ya n ta. Yeesu yeli ba, Ka o ya n ta, niriba ki baŋŋi. 21Ba mi ki yeli, Nyaasi kpe, koo, Nyaasi ziyaa niŋi. A kpali bo, naalim maa bani ya sufusi niŋi. 22Niŋi n na, Yeesu yeli o nyaaŋpaariba, Jemanso ni ta, ya kpabira ya lee n nye mani Naawun Nisaala beela, ka ya mi ki nye. 23Ka seesi ni yeli ya, Ya nyaasi kpe, koo, Ya nyaasi ziyaa niŋi. Ka ba yeli n ŋa, ya da pa ba zu. 24A kpali bo, mani Naawun Nisaala taabu maa ni niŋini maa, saa n nyagsi, ka peligi saazu zaa. 25Poin, ka yela ŋa niŋi, mani Naawun Nisaala ni nye nam ga, ka pimpariŋa dima, ba zagsi ma. 26Ya nyaasi, kusu zaa, Nuhu jemani la, ba daa n dira, ka ŋuura, ka naagira pogiba, ka kulisira dabsi, a ti paa jemanso Nuhu n daa n kpe ŋarintintaa puwa, ka saa ta, koom di ba zaa la. Lala n na, ba ni niŋina, ka mani Naawun Nisaala jemani o ti paa. 28Ya lee n nyaasi, kusu zaa, Loti jemani la, ba daa n dira, ka ŋuura, ka daara, ka koosira, ka butira, ka meera diisi, 29a ti paa jemanso Loti n daa n yi Sodom puwa, ka bugum kuga yi saazu ti di ba zaa n che la. 30Lala n na ba ni niŋina, ka mani Naawun Nisaala lee n yi paaligu. 31Ka jemani maa ti ta, ka so n ba pii zu, ka o bini ba dii puwa, o da sigi n ti kaasi a gaari. Koo, ka so n ba pu, o da pori nyaaŋa. 32Ka ya da tami yaso n daa n niŋi Loti poga, seema o n daa n loobi n nyaasi nyaaŋa, ka kpi la. 33So zaa n kpabira o moligi o nyevuri ni basi u, ka so zaa n basi o nyevuri ni moligi u. 34M yeli ya ni, a dindaari yiiŋu, dabsi bayi ni do gideu zu gbisira, ba ti naa yinni, ka che yinni, 35koo, ka pogiba bayi lagimi n neemina, ba ti naa yinni, ka che yinni. 37Ba boosi Yeesu, Ya n na yela ŋa ya n niŋi? O yeli ba, Seela kpiiŋu n do, nisaaniŋi zugusi laŋsira.

will be added

X\