Luuka 12

1A jemani maa niriba tusa daa n laŋsi, a noora taaba. Ka Yeesu loobi n yeli o nyaaŋpaariba ko, Ya dasi Farisii dima yomsigu niŋi, o niŋini maa seema ba n naa yiisi niŋi paanu niŋi. 2Yaso zaa n pili, o ni yoo, koo, yaso zaa n sogi, ba ni nye u. 3Yaso zaa ya n yeli ligu niŋi, ba ni wumi paaligu niŋi, koo, yaso ya n waasi n yeli dii puwa, ba ni za piisi zuuri tasi n yeli. 4Ka Yeesu lee n yeli, M zodima, m ya n yeli ya ni yaso. Ya da zora seesi n tee n kuura ya niŋasi, ka ba ti ku ya, ba ki lee n tee n niŋi ya yela zaa. 5M ya n yeli ya ni, ya zora so ni tee n ku ya, ka lee n mari daama di n tee n ti ya siisi kpe bugum niŋi. Yamonsi ma yeli ya, ya zora u ga. 6Yeesu lee n yeli ba, Ya nyaasi. Jelinjeesi ka ligiri, Naawunni baŋŋi a zaa yela, 7ka mi baŋŋi ya zukoba gba seema a n sagi. Ama ya wune ya mari tono gaari jelinjeesi ga, a zu, ya da zora dabeem. 8Ka Yeesu lee n yeli, M ya n yeli ya ni, so zaa n kpabira ba baŋŋi o n paara m zu, mani Naawun Nisaala ni yeli Naawun malakisi, ni o niŋi nene. 9Ka so zaa n zagsi ma, a yi niriba saani, m gba ni zagsi u, a yi Naawun malakisi saani. 10Ka so zaa n tuura mani Naawun Nisaala, o yabeeri ni tee n che n paŋŋi u. Ama so zaa n tuura Naawun siya, o yabeeri ki che n paŋŋi u. 11Ka ba ya n di ya so zaa seriya, a yi laŋsigu diisi puwa, koo, a yi nadima saani, koo, a yi gominasi saani, ya da ti yaso ya n ya n yeli maa tiri ya. 12A kpali bo, Naawun sii ni wusi ya seema ya n ya n yeli. 13Niŋi n na, zamu maa yindaana yeli Yeesu, Karichi, yeli m beeri o barigi o kapite ti ma. 14Yeesu yeli u, M zo, ŋani n ti ma daama m dira e seriya, koo, a barigira e kapite? 15Ka Yeesu yeli zamu maa, Ya dasi, ka da kpabira bini ga. A kpali bo, pa bini ga matigu n niŋi nyevuri. 16Ka Yeesu bo ba kiŋaasa yeli, Dabso n nyisigi, ka mari ligiri ga. Dindaso o pu yi bindira ga, 17o fe o sufu niŋi, M ka zii m zaali m bindira, ka wula ma ya n niŋi? 18Ka yeli, M baŋŋi seema m di n niŋi, m ni tuu m kiŋkana basi, ka lee n maali bintintaasi, ka naa m bindira, a ni m bunso zaa niŋi nisaaniŋi, 19ka yeli m maŋŋa, ni m mari bini ga, a ni paa yuma seem, a zu, m ni vuusi, a dira, ka ŋuura, ka dira m maŋŋa. 20Ka Naawunni yeli u, E zoligiya ga. Yiiŋaa m kpabira e siya, ka binseesi zaa e n nye la, e ki di a tono. 21Lala n na, so zaa n zaali bini ga, ka ka tono Naawun saani zoligi ga. 22Ka Yeesu lee n yeli o nyaaŋpaariba, A zu, m ya n yeli ya ni, ya da ti bunso ya n di n di, a ni ya bimpinna yela, a tiri ya nyevuri puwa. 23A kpali bo, nyevuri gaari bindira, ka niŋa mi gaari bimpinna. 24Ya nyaasi niinsi, a bi butira, a bi cheera, a bi mari kiŋkana, koo, seela zaa a n zaana bindira, ka Naawunni tira a bindira. A zu, o ni ti ya bindira, a kpali bo, yarima n gaari niinsi. 25Ya lee n nyaasi, halli ka nyevuri yela tiri ya ga, ya ki tee n nye nyevuri beela paasi. 26Ka ya ki tee n niŋi yabila ŋa, ya da ti yaseesi n che tiri ya. 27Yeesu lee n yeli ba, Ya niŋini seesi n bi niŋina Naawunni yeride nene. Ya lee n nyaasi puuma, seema a n karigira. A bi koora, a bi miira, ama m yeli ya, naaba Sulimaana, a ni o bimpinsuma daa n bi paag a veelim. Ya lee n nyaasi moori. Naawunni ti a veelim, a ba niŋi zinni, ka soosa ba naag a niŋi bugum. A zu, o ni naa bimpinna ti ya, a gaari a. 29Ka ya da ti bunso ya n di n di, ka ŋu, koo yela zaa tiri ya. 30A kpali bo, durinye puu niriba zaa kpabira a, ka ya ba Naawunni mi baŋŋi ya n kpabira a. 31A zu, ya wa ti kpabi o naalim poin, ka o naa bini maa paasi ya. 32Ka Yeesu lee n yeli ba, M pebilisi, ya da zora dabeem. Ya ba Naawunni kpabirini ya niŋi o naalim kpemba. 33A zu, ya koosi ya bini, ka naag a ligiri ti nandaandima. Ka ya niŋi n ŋa, ya ni nye ligiri borosi, a yi Alizaana puwa. A ki saami, ka a ligiri ki baasi. Tayugsi ni leela mi ki ba niŋi saamina bini. 34Seela ya bini n be, nisaaniŋi yela n na ya feera. 35Ka Yeesu lee n yeli, Ya niŋi aniya niŋi siriya, a maa seema girunsi n niŋi siriya ba yidaana o ta la. Ba ni kirisi, ka kusi katula, ka zi n guri u, o yi o zo yiri ti kpaasi, ba yoo n ti u. 37Yidaana maa ti yi, ka ta, ka o girunsi bi gbisira, o ni ti ba barika. Yamonsi ma yeli ya, yidaana maa gba ni kirisi, ka ti ba zi, ka naa bindira ti ba. 38Halli, ka o yuuya, ka ta tunsuwa, ka nye, ka seesi bi gbisira, o ni ti ba barika. 39Yeesu lee n yeli, Ka yiri daana baŋŋi jemanso tayugu n ya n ti kpe o yiri, o ki sagi n gbisi, ka tayugu maa ti kpe n saami o bini. 40A zu, ya gba, ya niŋi siriya, a kpali mani Naawun Nisaala ni ta jemanso ya n bi fe ma. 41Niŋi n na, Piita boosi u, M duuma, ti ko n na e bo kiŋaasa maa ti, bee, so zaa? 42Ka Yeesu yeli ba, Yidaana zaa yi nyisini tumtuminiso n mari yeride, a ni yam, o loobi tumtuminiba maa zaa kpeema, ka yi tori o taaba maa bindira tira ba. 43Dindaso, ka yidaana maa gaa seela, ka ta, ka tumtumina maa tumina nene, o ni nye barika. 44Yamonsi ma yeli ya, yidaana maa ni ti o nyaasira o bini zaa. 45Ama ka yidaana maa n gaari la, ka tumtumina maa fe o sufu niŋi, ni o ni yuu, ka ki ta yoom, ka buura o taaba tumtuminiba, dabsi ni pogiba, ka dira, ka ŋuura, ka kuuna, 46o yidaana maa ni ta dindaso, a ni jemanso o n bi fe u, ka darigi o tubiri, ka naag u niŋi seesi n bi niŋina Naawunni yeride la puwa. 47Ka Yeesu yeli, Tumtumina zaa n baŋŋi seema o yidaana n kpabira o niŋi, ka bi niŋi, ka mi bi niŋi siriya, ba ni bu u ga. 48Ka tumtumina zaa n bi baŋŋi seema o yidaana n kpabira o niŋi, ka niŋi yaso n daga ba n di n bu u, ba ni bu u beela. Lala n na, so zaa ba n ti ga, ba ni dee ga, a yi o saani, ka so zaa ba n lee n ti n paasi, ba ni dee ga paasi, a yi o saani. 49Yeesu lee n yeli, M tani m ti kusi bugum durinye puwa, a di yeli o sali n kusini. 50Nam ba niŋi, ba ya n ti m nye, a di yeli o sali n baasini. 51Ya fe maa, m marini niŋgbirimaasim ta durinye puwa? Akayi, m yeli ya ni, m ya n ti barigi u ni. 52A yi zinaa, ka niriba banu ba yiri puwa, ba bata ni barigi, a zabira bayi, koo, ba bayi ni barigi, a zabira bata. 53Daba ni o bii ki mari naŋgbanluŋko, ka zabira taaba. Poga ni o bii ki mari naŋgbanluŋko, ka zabira taaba. Poga ni o deempoga ki mari naŋgbanluŋko, ka zabira taaba. 54Niŋi n na, Yeesu loobi n yeli zamusi maa, Ka ya nye sagbaŋŋu, a yi wuluŋu li ziya, a puli maa niŋi, ya yi yeli, ni saa ni ta. 55Koo, ka sau vaara, a yi kiŋkagili, a puli maa niŋi, ya yi yeli, ni zibiiŋu ni ta, ka a mi yi niŋi. 56Yomsiriba ŋa, ya baŋŋi tiŋŋa ni saazu yaniŋisa gbina. Ka wula niriba niŋi ya ya bi baŋŋi yaso n niŋina pimpariŋa gbinni? 57A di veela ya waligi yasuma, a yi yabeeri puwa. 58Ya nyaasi, ka so zaa dimma sami u, ba wa ti di o seriya, ka o ni nu wara, o cheli ba yatoga, a niŋi luŋko. A kpali, ka o bi sagi n ŋa, o ni sami u, ba wa ti di o seriya, ka seriyadira maa, o mi naag u ti pirisi, pirisi maa, o yo u dii. 59Yamonsi n na, ba ki ti o yi zaa, ama o yoni o samini zaa baasi.

will be added

X\