Luuka 11

1Dindaso n na, Yeesu daa n ba seela togsira Naawun saani. O n togsi n baasi, o nyaaŋpaariba maa yindaana yeli u, M duuma, wusi ti ti togsira Naawun saani, seema Jon Baatisi n daa n wusi o nyaaŋpaariba la. 2Yeesu yeli ba, Ka ya togsira Naawun saani ya yeli, Ti ba Naawunni, ti kpabira e yuuri du, ka e naalim o ta. 3Taaru zaa tira ti ti bindira, 4ka che ti yabeeri paŋina ti, a kpali ti n che n paŋina seesi n niŋina ti yabeeri la, ka da ti Sitaana daama o yomsi ti niŋi yabeeri puwa. 5Niŋi n na, Yeesu yeli ba, Ka dindaso tunsuwa saana ta e yiri, ka e ka bindirigu zaa, e ti u, ka gaari e zo yiri, a wa ti yeli u, M zo, saana n ta m yiri, m mi ka bindira, m ti u, m suusira i ni, ti ma paanusi ata, m ti u. 7Ka e zo maa, o yeli, a yi o dii puwa, Cheli ma, m dii kparini, ka m ni m biisi n do, m ki tee n nyisigi n naa bunso zaa ti i. 8Ya nyaasi, m ya n yeli ya ni, ka daba maa n ba yaŋŋa la zagsi, ka bi gaari, ka kpari n suusira, o zo maa ni nyisigi n naa bunso zaa o n kpabira ti u. O ki niŋi n ŋa a kpali o n niŋi o zo zu. O ni niŋi n ŋa, a kpali o n zagsi, ka na suusira la. 9A zu, ma ya n yeli ya, ya suusira, ya ni nye, ya kpabira, ya ni nye, ya kpaasira, o ni yoo. 10A kpali bo, niso zaa n suusira ni nye, so n kpabira ni nye, so n kpaasira o ni yoo. 11Ya nye, ka ya so zaa mari biya, ka bii maa yeli u, ni o kpabira koroto, o ki naa waafu ti u. 12Koo, bii maa yeli, ni o kpabira jilli, o ki naa noŋŋu ti u. 13Lala n na, ka ya wune n niŋi nivubeeri naa bunsuma tira ya biisi, ya ba Naawunni n ba Alizaana puu la gba ni naag o sii ti seesi n suusira u. 14Niŋi n na, dindaso,Yeesu daa n katira kikpaarigusi n ti dabso niŋi namu. Kikpaarigusi maa n ti yi, namu maa togsi, a ku niriba noya. 15Ka ba seesi yeli, O kari kikpaarigusi basira, a kpali kikpaarigusi naaba, so ba n boona Beezibu la n ti u kpeeŋu zu. 16Ka seesi mi kpabira ba niŋi u nyaasi, o niŋi mamaachi yela, a yi Naawun zu. 17Ka Yeesu baŋŋi ba ferisi zaa, ka yeli ba, Ka paaliguluŋko zabira, o ka niŋi, o ti maali zaa. Koo, ka dogim luŋko niriba zabira taaba, dogim maa ki mari kpeeŋu. 18Koo, ka Sitaana ko barigi o maŋŋa zabira, o naalim ni lee n mari kpeeŋu? Akayi. Ka ya yeli, ni m karini kikpaarigusi basira, a kpali kikpaarigusi naaba, so ba n boona Beezibu la n ti ma kpeeŋu zu. 19To, ka ya yeli n ŋa, ŋani kpeeŋu n na ya biisi mi naa n kari kikpaarigusi basira? A zu, ya biisi ni di ya seriya. 20Koo, ka m katirini kikpaarigusi, a kpali Naawun kpeeŋu zu, Naawun naalim paa ya saani. 21Yeesu lee n yeli, Ka dabso n mari kpeeŋu naag o toowa bini nyaasira o yiri, o bini zaa yi ba niŋini boin. 22Ama ka dindaso niso n gaari u ti mari u zabi, ka nyaŋŋi u, o yi deeni o toowa binseesi o n daa n ma n zabira la, ka barigi o dii puu bini maa naa n gaari. 23Niso n bi paara m zu zabira ma ni, ka niso n bi paasi m niŋi n laŋsira pisimina a ni. 24Niŋi n na, Yeesu lee n yeli, Ka kikpaarigu ti yi nira niŋi, o ni dee kokpagu ziisi gaa n kpabira seela o n di n kpe. Ka o bi nye zii zaa, o ni fe feri, ni o ni lee n pori n gaa seela o n yi la. 25O pa ti paa niŋi, o ni nye o seela zaa n veela, 26ka wa ti booli kikpaarigusi ayapoin n be n gaari u, a zaa lagimi n du nira maa. A zu, nira maa ni nye nam ga, a gaari piiligu la. 27Yeesu n yeli n ŋa, pogiyindaana n ba zamu maa puu tasi n yeli u, Pogso n dogi i, e n nyisimi o bisa la mari pupeelim. 28Ka Yeesu yeli, Pa lala, seesi n wumina Naawun yela, ka deeg a la n mari pupeelim. 29Niŋi n na, zamu maa lee n zoogira ga, Yeesu yeli, Pimpariŋa dima niŋini nivubeeri, ba yi kpabirini m niŋi Naawun zu yela, ba nyaasira, ba mi ki nye yelli zaa, ka pa Naawun chaame Joona yelli la ko. 30Seema kusu zaa Joona n daa n nyisigi n naa Naawun yela wa ti wusi Niniva dima la, lala n na, mani Naawun Nisaala gba ni niŋi n wusi pimpariŋa dima. 31Ya nyaasi, dindaso Naawunni n ya n ti di durinye seriya, Siiba pogso n daa n niŋi naaba la ni nyisigi, ka pimpariŋa dima ba mi nyisigi, o yeli ba, ni ba liya. A kpali bo, kusu zaa o daa n yini wogilawogila ti wumi naaba Sulimaana yam, ama pimpariŋa niso n gaari Sulimaana ba kpe, ka ya baga ka niŋi. 32Ya lee n nyaasi, dindaso Naawunni n ya n ti di durinye seriya la, Niniva dima ni nyisigi, ka pimpariŋa dima ba mi nyisigi, Niniva dima ba yeli, ni pimpariŋa dima liya. A kpali bo, kusu zaa Naawun chaame Joona daa n weni Niniva wa ti wusi ba Naawun yela, ba dee ba saamiya, ka pimpariŋa niso n gaari Joona ba kpe, ka ya baga ka niŋi. 33Niŋi n na, Yeesu lee n bo kiŋaasa yeli, Niso zaa ki sagi n kusi katulli naa n sogi, koo, a naa ŋmamini pili u, ka pa o naa n tomi seela nira zaa n ya n ti kpe, ka nye u. 34E nimbiri niŋini maa e niŋa katulli. Ka e nimbiri veela, e niŋa zaa ni mari paaligu. Ama ka e nimbiri bi veela, e niŋa zaa ni mari ligu. 35A zu, fe feri nye e niŋa, o mari paaligu, koo ligu. Ka e niŋa zaa mari paaligu, ka seela zaa bi niŋi ligu, o zaa mari paaligu nene, a maa katulli paaligu. 37Yeesu n togsira n ŋa, Farisii dabyindaana ti yeli, ni o ta ba di. Yeesu wa ti kpe n zi, a ya n di, ka bi pegi o nuusi. 38O n bi pegi maa zu, a ku Farisii daba maa noori. 39Yeesu yeli u, Ya Farisii niriba yi pegi pireetesi ni kopusi nyaana, ka be puu niŋi ga, a kpabira ya zuura bini ga. 40Ya niŋini zolisi. So n daa n maali nyaaŋa maa n maali puu niŋi maa gba. 41A zu, ya niŋi aniya pi piini tira nandaandima, ka ya yaso zaa o veela. 42Ya Farisii dima, ya sagini pa ti zaaligusi zu, halli ka ya yi po, koo, a tugsi ziya zaa, ya yi barigi a bupiiya, ka nyisi luŋko ti Naawunni, ka bi kpabira u ya sufusi niŋi, ka bi dira seriya nene wune. A zu, ya ni nye nam. A veelini ya n kpabira Naawunni, ka dira seriya nene, ka mi lee n barigi bini tira Naawunni. 43Ya Farisii dima ni nye nam. A kpali bo, ya kpabira zisuma ziisi, a yi laŋsigu diisi puwa, ka kpabira niriba ba puusira ya nene, a yi daa puwa. 44Ya Farisii dima ni nye nam. A kpali bo, ya niŋini maa kaasi, seesi niriba n bi nye, ka chaŋŋi a zu gaatira, ka bi baŋŋi. 45Niŋi n na, zaaliguwusira yeli Yeesu, Karichi, ka e yeli n ŋa e tuurini ti gba. 46Yeesu yeli u, Ya zaaliguwusiriba ni nye nam. A kpali bo, o niŋini maa, ya ti niriba ziira zitimsa, ka bi sagi n paasira ba beela zaa. 47Ya zaaliguwusiriba ni nye nam. A kpali bo, Naawun chaamesi ya yaadima n daa n ku la, ya me ba kaasi nene ga. 48A zu, ya niŋini ya yaadima dansiyasi, ka sagi n pa ba zu, a kpali ba n daa n ku ba, ka ya me ba kaasi la. 49A zu, kusu zaa Naawunni daa n ti ba sebi n digili, a yi bukuso ba n boona Naawun yam la puwa, ni o ni tumi o chaamesi ni tumusi ba ta, ka niriba ba namsi seesi ga, ka ku seesi. 50Ka seema ba n daa n sebi n digili maa niŋi. A zu, chaamesi maa zaa ba n daa n ku, a yi durinye piiligu la, pimpariŋa dima yela n na. 51Yamonsi ma ya n yeli ya, a yi jemanso ba n daa n ku Yeebu, a ti paa jemanso ba n ku Zakariya, a yi Naawun dii, seela Naawun zii n be la, a ni seela ba n kuura buŋkobiri la sunsuu niŋi la, pimpariŋa dima gba nuusi ba a niŋi. 52Ya zaaliguwusiriba ni nye nam. A kpali bo, ya bi paasi niriba ba baŋŋi yamonsi. Ya gbagba bi kpabira ya baŋŋi yamonsi maa, ka katira niseesi n kpabira ba baŋŋi. 53Yeesu n togsi n baasi, o yi yiri maa puwa. O n wara, zaaliguwusiriba ni Farisii dima maa zabira u ga, ka boosira u yadamta, 54a niŋi u nyaasi, o yeli yaso n bi maali, ba yeli o liya.

will be added

X\