Jeemsi 4

1M ya n yeli ya ni bunso zu ya n dira amore, ka zabira taaba. Ya kiperi kpabirisim la zu n ti ya niŋina taaba n ŋa. 2Ya nye, binseesi ya n kpabira, ka bi nyaara la n ti ya zabira, ka niŋina yabeeri ga. Ama ya bi nyaara a, a kpali ya n bi suusira. 3Koo, ya suusira, ka bi nyaara a, a kpali binseesi ya n suusira maa niŋini ya ko kiperi, ka bi petira Naawunni. 4Lala n na ya bi lee n paara o zu nene. So zaa n kpabira durinye yela bi kpabira Naawun yela. A zu, ya gba, ka ya kpabira durinye yela, ya bi kpabira Naawun yela. 5A koo ya fe maa, yaso ba n daa n sebi n digili Naawun buku puu la bi niŋi yamonsi, ni ti siisi n ba ti puu la mari pubeerim ga. 6Ama Naawunni tira daama, seema ba n daa n sebi n digili, ni Naawunni bi kpabira seesi n kpalimina la, ka tira seesi n mari jilima la daama. 7A zu, ya niŋi aniya paara Naawun zu, ka zagsira Sitaana yela, ka o gba ni zo n gaari, ka che ya. 8Lala n na, ya loobi n paara Naawunni zu, ka o loobi n moligira ya. Ya seesi n niŋi yabeniŋiniba, ya da lee n niŋina yabeeri. Koo ya seesi n feera feri ayaayi, ya da lee n feera yabeeri. 9Ya ti ya sufusi saami, ka kumina, ka ti ya laari ni pupeelim loobi kumsi ni sufusaaŋu, a kpali ya yabeeri niŋinisim zu, 10ka tira ti duuma Naawunni jilima, ka o ni ti ya yuya duura. 11M taaba, ya da saamina taaba yuya, a kpali bo, so n saamina o todaana yuuri wusira maa, o todaana liya, ka mi saamina Naawun zaaligusi yuya, a wusira maa, a bi veela. Ama ka ya niŋina n ŋa, ya bi niŋina seema zaaligusi maa n wusira. 12A kpali bo, Naawunni ko n daa n zaali ti zaaligusi maa, ka o ni di ti seriya, a moligira, koo, a kuura. Ama ka e naag e gbagba daama wusira maa, e todaana liya, lala veela? 13Ya wumi, ya seesi n yetira, ni dindaso ya ni gaari seela wa ti ba niŋi maa yumini, a dira yawu, a nyaara ligiri, 14ya bi baŋŋi soosa zu. Ya feera ya nyevuya yela, a niŋini maa wulugu n ba niŋi beela, ka lee n kpe. 15A zu, ya da yetira lala, ya yetira, ni ka Naawunni sagiya, ti ni mari nyevuri, ka niŋina yaseesi. 16Ama pimpariŋa ya kpalimina, ka kpaliminisim maa zaa niŋi yabeeri. 17So zaa n baŋŋi bunso n veela, ka zagsi o niŋinisim, o niŋi yabee.

will be added

X\