Jeemsi 2

1M taaba, seema ya n paara ti duumasuŋŋu Yeesu Kristu zu, ya da gamsira taaba. 2Ya nyaasi, ka ya ti laŋsi n kpeesira Naawunni, ka bindaana ti kpe, a ni o bimpinsuma, a ni o suga beŋbilisi, ka nandaana gba, a ni o kparicheesi mi ti kpe, 3ka ya ti bindaana maa jilima, a yeli u, ni o ti zi zisuŋŋu ziya, ka mi yeli nandaana maa, ni o wa ti za seela, koo, o wa ti zi tiŋŋa, 4ya mari gamsigu yi ya puwa. Lala n na ya feera feribeeri, ni yindaana so o todaana. 5M taaba, ya wumi, Naawunni nyisini nandaandima nivudamta ba mari yeride ga, a yi Yeesu Kristu niŋi, ka o ni ti ba kpe o naalim puwa, seema o n ti so zaa n kpabira u la noori. 6Ama ya gba bi tira nandaandima maa jilima. Ya nyaasi. Bindaandima n namsira ya, ka samina ya nayiya, 7ka tuura yusuŋso Naawunni n naa n ti ya la. M ŋmaarini jiri? 8Ya lee n nyaasi, ka ya yi niŋini Naawun zaaliguso kusu zaa ba n daa n sebi n digili, ni nivu o kpabira o todaana seema zaa o n kpabira o gbagba la, ya niŋina aniya. 9Ama ka ya gamsira, ya niŋina yabeeri, a kpali Naawun zaaligusi wusiya maa, lala bi veela. 10Halli ka nivu paara Naawun zaaligusi maa zaa zu, ka ti niŋi yabeluŋko gba, o liya zaaligusi maa zaa niŋi. 11A kpali bo, Naawunni daa n yeli, ni niriba ba da kpabira ba taaba pogiba, koo siriba, ka lee n yeli, ni ba da kuura. Lala n na, ka nivu bi kpabira o todaana poga, koo sira, ka ku niso, o saamini zaaligusi maa zaa. 12A zu, bunso zaa ya n yetira, ka niŋina, ya niŋina a zaa maa seesi seriya Naawunni n di n di, ba nye moligirisim. 13Seriya diibu maa jemani n ti paa, ka nivu bi zora o taaba nimbaa, Naawunni gba ki zo u nimbaa. Ama so n zora o taaba nimbaa, Naawunni ni zo o gba nimbaa. 14M taaba, ka niso yeli, ni o niŋina Naawunni yeride, ka bi niŋina yasuma, lala veela? O yeride niŋinisim maa ni moligi u? Akayi. 15Ya nyaasi, ka ya taaba nyaara nam, a bi mari bimpinna ni bindira, 16ka ya yindaana yeli ba, Naawunni ti ya barika, ya wa ti di, ka wunna bugum, ka o bi ti ba binseesi ba n kpabira maa, lala veela? 17Lala n na, ka nivu yeli, ni o niŋina Naawunni yeride, ka bi niŋina yasuma, o yeride niŋinisim maa ka tono zaa. 18Ama ya yindaana ni yeli, ni yindaana niŋina Naawunni yeride, ka yindaana mi niŋina yasuma. Nyaasi, ka e bi niŋina yasuma, wula n na e n di n tee n wusi maa, e niŋina Naawunni yeride la? Ama m yasuma niŋinisim ni wusi maa, m niŋina Naawunni yeride. 19E baŋŋi maa, Naawunni niŋi luŋko? Lala veela, ama kikpaarigusi gba baŋŋi lala, ka zora dabeem. 20E zoligini, cheli m wusi i maa, ka e yetira, ni e niŋina Naawunni yeride la, ka bi niŋina yasuma, e yeride niŋinisim maa ka tono. 21Nyaasi ti yaa Ibrahim yela. Kusu zaa Naawunni daa n yeli u, ni o wa ti korigi o biluŋko Isaaka ti u, ka Ibrahim bi zagsi weebu maa. Lala n na Ibrahim daa n bi niŋina yeride ko, koo, a niŋina yela ko, o daa n niŋina a zaa, a loobi Naawun nivusuŋŋu. 23N ŋa n niŋi seema kusu zaa ba n daa n sebi n digili la gbinni, ni Ibrahim daa n niŋina Naawunni yeride, a loobi niso Naawunni n boona nivusuŋŋu, ka ba mi booli u Naawun zo. 24E bi nye? Yeride niŋinisim ko ki tee n ti nivu loobi nivusuŋŋu yi Naawun saani, ama yeride niŋinisim ni yasuma niŋinisim zaa. 25Ya lee n nyaasi jagimilu Areeha yela. Wune n daa n moligi niriba bayi ba n daa n tumi la, ka wusi ba soyindaana. A kpali o yaniŋisa maa zu o daa n loobi Naawun nivusuma la yindaana. 26Lala n na, ka niso yetira, ni o niŋina Naawunni yeride, ka bi niŋina yasuma, o ka tono, a maa niŋa n ka nyevuri.

will be added

X\