Jeemsi 1

1Ya Juusi dima n paara Yeesu zu, ka zi baligusi puwa, mani Jeemsi puusira ya. M tumina Naawunni ni ti duuma Yeesu Kristu. 2M taaba, jemanso zaa ya yi ti nye nam, ya mari pupeelim ga. 3A kpali bo, ya baŋiya maa, ka ya nyaara nam, ka bi zagsira Yeesu yeride niŋinisim, a ni ti ya mari kenyiti paasi. 4Ya moo nufu niŋina kenyiti maa, ka da zagsira, ya ti loobi seema zaa Naawunni n kpabira. 5Ama, ka ya so zaa ka yam, o suusi Naawunni o naa n ti u, o ni ti u, a kpali bo, wune Naawunni tira so zaa n suusira u, ka bi zabira ba. 6Ama o n suusira u la, o niŋi tama ni o n di n nye, ka da feera yela ayaayi, a kpali bo, so n feera yela ayaayi la niŋini maa teeku koom, seema sauwa n daagira a wara yii ni nyaaŋa. 7Lala daana ki tee n mari tama, ni Naawunni ni ti u bunso o n suusi u maa, 8a kpali o yela ayaayi feri feera maa, a ni seema o sufu yi n bi za ziluŋko la zu. 9Ya nyaasi, ya nandaandima, ya mari pupeelim, a kpali Naawunni ti ya yuya du. 10Ya bindaandima gba ya mari pupeelim, a kpali Naawunni ti ya yuya sigi. Seema moori puuma n liira la, ya gba ni kpi. 11Wuluŋu n ti bii, moori yi zagi, ka puuma maa liira, ka a lee n ka veelim. Lala n na bindaandima tumina ba tuma, ka kpiira. 12Ya nyaasi, ka ya so zaa naa kenyiti nyaŋina nam, o mari pupeelim, a kpali bo, o ni nye nyevuriso Naawunni n daa n ti noori, ni o ni ti niseesi n kpabira u la. 13Ka niso ya n niŋi yabee, o da yeli, ni Naawunni n ti o ya n niŋi yabee maa, a kpali bo, yela zaa ki tee n ti Naawunni niŋi yabee, ka o gba ki taasi nivu niŋi yabee. 14Yaseesi niso n kpabira la gba n ti o ya n niŋi yabee, ka yabeeri kpabirisim maa mi karigira, ka o pa ti niŋina a, a miili u, a ti o kpi. 16M taaba, ya da sagi ba yomsi ya. 17Bunso zaa n veela, Naawunni ko n tira a. O daa n maali bunso zaa n ba saazu n tira paaligu la. ?arima yi loobira ligu, ama wune ka cherigirisim zaa. 18O kiperi la zu o wusi ti yamonsi, ti loobi o biisi, ti yuya a du, a yi binseesi zaa o n maali maa niŋi. 19A zu, m taaba, ya dasi yela ŋa niŋi, so zaa o yi wumina, ka da togsira ga, koo, a nyisigira suuri yoom. 20A kpali bo, suuri daandima bi niŋina yaseesi n petira Naawunni. 21A zu, ya da lee n niŋina yabeeri zaa, ama ya ba boin, a dee yaseesi ba n wusi ya la di. ?arima ni tee n moligi ya siisi. 22Ya da yomsira ya maŋsi, a wumina ko, ama ya niŋina seema ba n wusi ya la. 23A kpali bo, so n wumina, ka bi niŋina, o niŋini maa niso n nyaasira digi, ka nye o nufusee o niŋi, 24ka o yi n gaari, o wa ti tami seema o nufusee n be la. 25Ama so zaa n wumina Naawun zaaligusuma n moligira la, ka moo nufu paara a zu, ka bi tamina bunso o n wumi maa, ka niŋina a, o ni nye barika a yi o niŋinisim maa puwa. 26So zaa n fe maa, o tumina Naawunni, ka yetira yabeeri, o yomsira o maŋŋa, ka tumi u je. 27Seema ti ba Naawunni n kpabira seesi n tumina u la n ŋa, ba moligira kpiusi ni pogkooba, a yi ba nam niŋi, ka da niŋina durinye dima yabeeri. Lala niŋinisim veela ga, a yi Naawun saani.

will be added

X\