Juusi dima 7

1Kusu zaa Mekizade daa n niŋini Salim naaba, ka tumi Naawunni kpeeŋu daana tira niriba. Dindaso Ibrahim ni o toozabiriba daa n zabi nadimseesi ni ba toozabiriba, ka nyaŋŋi ba, ka pori n chena, ka Mekizade tuusi ba soori, a niŋi barika niŋi Ibrahim niŋi. 2Ka Ibrahim daa n barigi o bunso zaa bupiiya, ka ti u luŋko. Mekizade gbinni niŋi yasuma naaba, ka Salim naaba mi gbinni niŋi niŋgbirimaasim naaba. 3So zaa bi baŋŋi Mekizade ba, koo o ma, koo o yaadima, koo o dogim yela, koo o kum yela. A zu, o niŋini maa Naawun biya, ka tumi Naawunni tira niriba, a wara saŋa ni saŋa zaa. 4Ti baŋiya maa, Mekizade daa n niŋi nivukarigu, a kpali bo, ti yaa Ibrahim daa n barigi bini maa, ka ti u luŋko la. 5O niŋini maa seema Naawunni n daa n ti Ibrahim yaŋŋu Liivai mi yaŋsi ba niŋi buŋkobkuuriba, a tumina wune Naawunni, ka daa n ti ba taaba Ibrahim yaŋsi gba ba barigira ba bunso zaa bupiiya, ka naa luŋko tira buŋkobkuuriba maa. 6Ama Mekizade daa n bi niŋi Liivai yaŋŋu, ka Ibrahim daa n barigi n ti u buluŋko la, ka Mekizade mi ti Ibrahim so Naawunni n daa n ti noori la barika la. 7Ama ti baŋŋi maa, ka nira ti yindaana barika, so n niŋi kpeema n tira barika maa. 8Ya lee n nyaasi. Buŋkobkuuribaseesi n deegira bunluŋko toori la niŋini nisaaldima, ka kpiira. Ama ba yetira Mekizade yela, ni o na ba niŋi. 9O niŋini maa, Liivai so yaŋsi ba n barigi n tira la gba daa n barigi n ti Mekizade, a kpali bo, Liivai daa n niŋi Ibrahim yaŋŋu, 10ka a yi jemanso Mekizade n daa n tuusi Ibrahim la, o daa n niŋini maa Liivai na ba Ibrahim puwa. 11Ya lee n nyaasi. A yi jemanso Naawunni n daa n ti Liivai yaŋsi piili n loobi buŋkobkuuriba la, o mi daa n zaali ba taaba Juusi dima zaa o zaaligusi, ni ba paara a zu. Ama ka buŋkobkuuriba maa yaniŋisa di n tee n ti niriba loobi seema Naawunni n kpabira, o di bi lee n tiri yindaana n niŋi maa Mekizade, ka kuri buŋkobkuuriba n niŋi Liivai yaŋsi la o nyisigi n wusi niriba seema ba n di n loobi maa seema Naawunni n kpabira. 12Ama seema Mekizade ni buŋkobkuuriba maa n kuri, lala n na zaaligusi maa ba n paara maa gba mi kuri. 13Ka ti duuma Yeesu, so yela ti n yetira, ka niŋi maa Mekizade la, o bi niŋi Liivai yaŋŋu, ama Liivai sunzo Juuda yaŋŋu. Ka Juuda yaŋsi zaa daa n bi tumina buŋkobkuuriba tuma, a yi Naawun dii, ka Musa mi daa n bi yeli, ni Juuda yaŋsi di n loobi buŋkobkuuriba. 15Ya lee n nyaasi. Ti baŋiya maa, yela maa kurini, a kpali bo, Yeesu daa n nyisigi, ka tumina Naawunni, a maa seema Mekizade n daa n tumina la. 16Pa a kpali o yaa zu n na o tumina tuma maa, ama a kpali o n mari daama, ka ki tee n kpi zaa. 17A maa seema ba n daa n yeli o yela, E ni tumina Naawunni maa Mekizade, a wara saŋa ni saŋa zaa. 18Lala n na, ba daa n kari buŋkobkuuriba zaaligusi maa, a kpali bo, a lee n ka daama zaa, 19ka ki tee n ti niriba ba loobi seema Naawunni n kpabira. Ama pimpariŋa ti nyeni soyindaana n mari daama, a ti ti leena Naawunni. 20Yeesu n daa n loobi zudaana maa, Naawunni daa n ti u noori, a yeli kpeeŋtiri, ni Yeesu ni niŋi zudaana, a wara saŋa ni saŋa zaa, ka n ŋa ka cherigirisim. Ama kusu zaa, ka Naawunni daa n piili n nyisi buŋkobkuuriba maa, o daa n bi ti ba noori n ŋa. 22A zu, Yeesu ni tee n ti niriba nye tono ga, a gaari tonoso buŋkobkuuriba ni tee n ti niriba nye. 23Ya lee n nyaasi. Buŋkobkuuriba maa zooya, a kpali bo, ba kpiira, ka ki lee n tee n tumi ba tuma maa. 24Ama Yeesu wune ni ba niŋi, a wara saŋa ni saŋa zaa, ka so zaa ki deeg o zudaana maa ziya. 25A zu, o ni tee n moligi seesi zaa n naag o daama leena Naawunni la nene. A kpali bo, o ni ba niŋi, a wara saŋa ni saŋa zaa, a suusira Naawunni tira ba. 26O veela Yeesu o niŋi ti zudaana, a kpali bo, o niŋini maa Naawunni, ka bi niŋi yabee zaa, ka lee n ka yabeniŋiniba saani, ama o nyisigi n ba Alizaana puwa. 27Wune n bi niŋi maa buŋkobkuuriba zudaandima la, seesi n ku buŋkobiri tira Naawunni taaru zaa, a kpali ba ni niriba yabeeri cheebu la zu. Ama Yeesu wune, buluŋko n na o daa n naag o maŋŋa ku n ti Naawunni, niriba ba ti nye yabeeri che n paŋinisim. 28Ya lee n nyaasi. Nisaaldima ka daama, ama buŋkobkuuriba zaaligusi yi ti nisaala niŋi buŋkobkuuriba zaa zudaana. Ama zaaligusi maa zaanisim n ti niŋi yuma seem, Naawunni daa n ti noori, ka noori maa daa n ti o bii Yeesu niŋi zudaana,ka pimpariŋa Yeesu mari daama zaa, a wara saŋa ni saŋa zaa.

will be added

X\