Juusi dima 4

1Pimpariŋa Naawunni ti ti ni noori, ti ya n nye vuusim so o n tira la, a zu, cheli ti dasi ti maŋsi niŋi, ba da dira ya so zaa seriya, a yeli, ni o ki tee n nye vuusim maa. 2A kpali bo, ti gba wumini baarusuma, a maa seema ba gba n daa n wumi la, ama yaseesi ba n daa n wumi la daa n bi moligira ba, a kpali seema ba n daa n bi niŋina Naawunni yeride la. 3Ama ti seesi n niŋina Naawunni yeride ya n nye vuusim maa, a maa seema o n daa n yeli, Ni daa n je suuri, m daa n yeli kpeeŋtiri, ni ba ki tee n nye vuusim so ni tira. Halli wune Naawunni daa n maali durinye ŋa baasi, ka lee n ka tuma zaa, o daa n yelini n ŋa. 4Ka o tuma maa baasigu niŋini maa seema ba n daa n sebi daba ayapoin daari yela digili seela, ni daba ayapoin daari Naawunni daa n vuusi, a yi o tuma zaa niŋi. 5A yi nisaaniŋi maa, o lee n yeli, ni ba ki tee n nye vuusim so o n tira la. 6To, ti baŋiya maa, nivuseesi ni nye vuusim maa, ama seesi n daa n piili n wumi baarusuma maa daa n zagsi a, ka bi nye vuusim maa. 7A zu, yuma seem lee n ti paa, Naawunni daa n lee n zaali dayindaana, a ti naaba Dawuda yeli, Zinni, ka ya wumi o goo, ya da mari zagsigu, seema ni tee n sebi n digili la. Lala n na Naawunni daa n zaali daa maa, ka booli u zinni. 8Ya lee n nyaasi. Kusu zaa Musa n daa n ti kpi, ka Josuwa daa n di Juusi dima maa naam, ka mari ba kpe Keenim paaligu puu la, ba daa n bi nye vuusim. Ti baŋŋi n ŋa, a kpali bo, a daa n ti niŋi yuma seem Naawunni daa n zaali dindayindaana la. 9A zu, Naawun niriba ni nye vuusim, a maa seema Naawunni n daa n vuusi daba ayapoin daari la. 10Ka so zaa n nye vuusim so Naawunni n tira la, o tumini o tuma baasi, a maa seema Naawunni gba n daa n tumi o tuma baasi la. 11A la zu, ya cheli ti niŋi aniya nye vuusim maa, so zaa o da zagsira maa ti yaadima maa, ka bi nye vuusim maa. 12Ya nyaasi. Naawun yela mari daama ga. A maa seema suso n mari naŋgbana ayi ni tee n barigi tomu ziisi, koo a kusi kobiri paa kpaam, lala n na Naawun yela ba niŋi, ka mari daama kusira nivu siya, ka baŋina o sufu feri feera zaa. 13Ka nira zaa ni bunso zaa ki tee n sogi, a yi Naawun nufu niŋi, ama wune Naawunni, so n ya n di ti seriya la nyaara so zaa, ka baŋŋi ba yela zaa. 14Ya nyaasi. Naawun bii Yeesu niŋini maa ti buŋkobkuuriba zudaana, ka mari daama gaari buŋkobkuuriba zudaana zaa, ka nyisigi n we Alizaana. A zu, ya cheli ti niŋina u yeride nene. 15Ti zudaana Yeesu maa daa n nyeni beerim ni beligirisim, ka Sitaana daa n ti yomsira u, a maa seema o n yomsira ti ŋa. A zu, o baŋŋi ti yela zaa, ka mi zora ti nimbaa. Ama o daa n bi niŋi yabee zaa. 16A zu, jemanso zaa Sitaana n yomsira ti, ya cheli ti mari dabilim suusira Naawunni, o tira ti barika, a zora ti nimbaa, ka moligira ti.

will be added

X\