Juusi dima 2

1N ŋa zu, o veela ti n dee yaseesi ti n wumi maa nene, ka da tami a. 2A kpali bo, yaseesi malakisi n daa n yeli kusu zaa la niŋi yamonsi, ka so zaa n daa n bi paara a nye tubiri darigirisim. 3A zu, ka ti bi dee seema Yeesu n moligira ti ga la di, ti gba ni nye tubiri darigirisim. Wune ti duuma Yeesu n daa n piili n wusira o yela, ka seesi n wumi a maa mi wusi ti, 4ka Naawunni gba niŋi mamaachi yela ni yatintaasi, ka lee n naag o gbagba sii daamasi ti nisaaldima seema o n kpabira, o ti wusi maa yela maa niŋi yamonsi. 5Ya nyaasi, durinyeso n ya n ta, so yela ti n togsira la, Naawunni ki sagi malakisi nyaasira u, 6ama a yi seela ba daa n yeli maa, Halli ka nisaaldima niŋi bimbilisi, nyini Naawunni kpabira ba, ka nyaasira ba, 7ka ti malakisi mari daama gaari ba daba ayi, ka ti ba daama ni jilima ga, 8ka nyaŋŋi bunso zaa ti ba. Naawunni n nyaŋŋi bunso zaa ti nisaaldima la, o nyaŋŋi a zaa nyam. Ama seema ti n nyaara, o bi niŋi maa, o nyaŋŋi bunso zaa, 9ama ti nye Yeesu. Naawunni daa n ti Yeesu daama sigi n gaari malakisi daama daba ayi, ama pimpariŋa Yeesu mari daama ni jilima ga, a kpali seema o n daa n nye nam kpi la, o kum maa o ti moligi so zaa, seema Naawunni n tira barika putoom. 10Ya nyaasi, Naawunni, so n daa n maali bunso zaa ti o maŋŋa la, o veela seema o n daa n ti Yeesu nye nam, a baasi o yela zaa, o ti moligi nivudamta, ba loobi Naawun biisi, a nye Naawun daama. 11Wune Yeesu, so n moligira ba yi ba yabeeri niŋi, a ni seesi o n moligira la, Naawunni daa n maali ba zaa. N ŋa zu n na o peri Yeesu o booli ba o taaba, 12a yetira, Naawunni, m ni yetira m taaba e yela, ka kpeesira i, a yi ba zaa puwa. 13Ka o lee n yeli, M ni niŋi Naawunni yeride. Ka lee n yeli, Ya nyaasi, mani n na, a ni biseesi Naawunni n daa n ti ma la. 14Ama biisi maa niŋini nisaaldima, a zu, Yeesu gba daa n loobi nisaala, o ti kpi, a saami Sitaana, so n ti nisaaldima kpiira la, 15ka ti moligi seesi zaa n ba durinye puwa, ka zora kum, a maa seema girunsi n zora ba yidaana dabeem. 16Ya nyaasi, pa malakisi n na Yeesu moligira, ama o taaba maa, Ibrahim yaŋsi. A zu, a daa n tiriya o loobi nisaala nene, a maa barima, o ti tumina Naawunni maa buŋkobkuuriba zudaana, so n zora nimbaa, ka mari yeride, ka kpisira niriba yabeeri. 18Lala n na, a kpali o gba daa n nye nam, ka Sitaana yomsi u je, o di niŋi yabeeri la, o ni tee n moligira seesi Sitaana n yomsira ba niŋi yabeeri la.

will be added

X\