Juusi dima 12

1Lala n na nivudamta wusira ti yeride niŋinisim yela. A zu, cheli ti zagsi yabeeri zaa n ba ti niŋi, ka ti ti nufu kpa Yeesu niŋi, a tumina Naawunni nene, a maa seema niso n cheegira o ti di o taaba ki mari bintimsigu zaa, ama o yi naani kenyiti cheegira nene. Ka Yeesu wune niŋini kpeema, a yi seesi zaa n niŋina Naawunni yeride, ka a kpali meesim so o n daa n ya n nye, a yi Alizaana, o daa n naa kenyiti sagi ba niŋi u vi yela, a kpa u tabi daa la, ka pimpariŋa o ba Naawun nudii zu. 3Lala n na yabeniŋiniba daa n niŋina u yabeeri, a zu, ka ba niŋina ya gba yabeeri, ya da ti ba yabeeri maa kari ya, a yi Naawun yela niŋi, 4a kpali bo, halli ka ya nyaara nam, a katira yabeeri, ba na bi ku ya. 5Ka da tami, ni Naawunni daa n booli ya o biisi, a maa seema ba n daa n yeli, M biya, ka ti duuma Naawunni darigira e tubiri, a wusira i yam, e da zagsi o noori, koo, a ti yela maa saami e sufu. 6A kpali bo, so zaa ti duuma n kpabira, koo, a loobi o biya, o tubiri n na o darigira, a wusira u yam. 7A zu, namso zaa ya n nyaara, cheli o niŋi maa ya ba Naawunni n darigira ya tuba, a wusira ya yam. A kpali bo, darigirisim maa wusira maa, o niŋina ya ni maa o biisi, ka ti baŋiya maa, badima zaa darigira ba biisi tuba, a wusira ba yam. 8Ama ka Naawunni bi darigira ya zaa tuba, a wusira yam, o niŋini maa ya seesi n bi niŋi o biisi, ama seeji biisi ko. 9Ama ti badima n daa n yi ti darigira ti tuba, a wusira ti yam, ti tira ba jilima. A zu, o veela ti niŋina ti ba Naawunni jilima, a ti nye nyevuri. 10Ka ti badima gba daa n darigira ti tuba beela ko, a kpali seema ba n feera n veela. Ama ti ba Naawunni darigira ti tuba, a wusira ti yam, o ti moligira ti, ti ti loobi maa seema o gba n be. 11A yi jemanso ti yi n nyaara tubiri darigirisim, a wumina ti ga, ama a yi ti baasi, seesi tuba n darigi la nyaara niŋgbirimaasim, ka niŋina yasuma. 12A zu, ya seesi nuusi koo noba n ka kpeeŋu, ya niŋi aniya naag a tumina, 13ka tooli n wara yiya, ya noba maa a da kpiira,ama ka nyaara kpeeŋu. 14Ya niŋi aniya mari niŋgbirimaasim niriba zaa saani, ka niŋina seema n petira Naawunni. A kpali bo, so zaa n bi niŋi n ŋa, o ki nye ti duuma. 15Ka ya dasi so zaa o nye barikaso Naawunni n tira putoom la, ya so zaa o da mari pubeerim, a saamina ya yela, a ti ya nivudamta loobi yabeniŋiniba, 16koo, a zagsi seesi n veela, koo, a zagsi Naawun yela, a maa seema Yiiso n daa n naa barikaso o n daa n ya n nye, a kpali o n niŋi kpeema la zu, a tagi bindira buluŋko diibu la. 17Ka ya baŋiya maa, yela ŋa n daa n ti baasi, ka Yiiso ba Isaaka n ya n kpi, Yiiso daa n kpabira o ba o niŋi barika niŋi u, ka bi nye. A kpali bo, halli ka Yiiso daa n kpabira o cherigi seema o n niŋi maa, a ni nintam, o bi nye daama. 18Ya nyaasi. Ya na bi niŋi n paa seela Juusi dima n daa n paa, a yi Musa jemani la. Barima n daa n paa zotintaa, n ba kiŋkiŋ, ka bugum leegira o zu, ka zimsim ni ligu ba niŋi, ka sauwa vaara ga, 19ka ba wumi ba n pemsira kabilli, ka goo togsira. Ama ba n daa n wumi goo maa, ba daa n suusi u, o da lee n togsira ba saani, 20a kpali bo, ba daa n zora yaso o n yeli maa dabeem, ni ka nira koo buŋkoowa zaa siisi zotintaa maa, ba lobi u kuga ku. 21Ka dabeem mi daa n gbaa Musa o chirimina, a kpali bunso o n daa n nye maa zu. 22Ama ya wune, ya paani Naawun gbagba saani, ka o niŋi maa zotintaa ba n boona Zayo, a ni tiŋso ba n boona Jiruusilim n ba o zu la, ka ba Alizaana puwa. Ka malakisi mi laŋsi n zoo niŋi ga, a ni pupeelim, 23Ka niseesi Naawunni n ti daama, ka ba daa n sebi ba yuya digili, a yi Alizaana puu mi laŋsi n ba niŋi. Ka Naawunni, so n niŋi niriba zaa seriya dira la mi ba niŋi. Ka nivusumseesi n loobi maa Alizaana dima mi siisi ba niŋi. 24Ka Yeesu so n daa n zaali sopaali la mi ba niŋi, a ni o zeem ba n wuri, niriba ba n nyaara ba yabeeri che n paŋinisim putoom la. Lala n veela n gaari seema Yeebu zeem n taasira. 25A zu, ya dasi, ka da zagsi so n togsira ya saani. A kpali bo, seesi n daa n zagsi so n ba durinye puu la daa n nye tubiri darigirisim. A zu, ka ti gba zagsi so n ba Alizaana puu la, ti ni nye tubiri darigirisim ga. 26A yi Musa jemani la wune Naawunni daa n ti tiŋŋa yigsira, ka pimpariŋa o tini noori, ni o ni lee n ti tiŋŋa yigsi buluŋko ko, a ni saazu gba. 27O gbinni niŋi maa binseesi o n di n ti a yigsi buluŋko ko la niŋi binseesi o n daa n maali, ka a zaa ni li n baasi, ka che binseesi n ka yigsigu zaa. 28Lala n na ti ni nye naalim, so n ka damtigu. A zu, ya cheli ti kpeesira Naawunni, ka tumina u nene, a ni jilima, a ni dabeem. 29A kpali bo, wune Naawunni niŋini maa bugum n dira bimbeeri.

will be added

X\