Juusi dima 10

1Buŋkobkuuriba zaaligusi maa yela wusira seema yasumseesi n ya n ta la n be, ama a bi niŋi yasuma maa gbagba. Ama buŋkobseesi ba yi n ku n tira Naawunni yuma zaa la ki tee n kpisi seesi n naag a tira la yabeeri zaa. 2A kpali bo, ka buŋkobkuubu maa di n tee n kpisi niriba yabeeri zaa, buŋkobkuuriba di ki lee n ku a tira Naawunni, ka niriba maa ba di baŋŋi maa, ba bi lee n niŋi yabeniŋiniba. 3Ama yuma zaa buŋkobkuubu maa ti niriba maa teesira ba yabeeri. 4A kpali bo, nagidaasi ni buusi zeema ki tee n kpisi yabeeri. 5A zu, Yeesu Kristu n daa n ya n ta durinye ŋa puu la, o daa n yeli Naawunni, Pa buŋkobkuubu koo bindira tiibu n na e kpabira. Halli ka valiga maa kabiya, koo, ba ku buŋkobiri, ba ti nye yabeeri che n paŋinisim, a bi petira i. Ama e zaali ma ni durinye niŋa. 7Ka o lee n yeli, Naawunni, nyaasi, m tani m ti niŋi e kiperi, seema kusu zaa ba n daa n sebi m yela digili. 8Lala n na o daa n yeli, ni halli ka ba kuura buŋkobiri, koo, a tira bindira, koo, a niŋina yaseesi la, a maa seema buŋkobkuuriba zaaligusi n yetira la, Naawunni bi kpabira a yela, ka a bi petira u. 9Ama o lee n yeli, M tani m ti niŋi e kiperi. Lala n na o kpisi piiligu soori maa, a ti zaali sopaali. 10Ka sopaali maa tee n ti ti loobi Naawun nivusuma, a wara saŋa ni saŋa zaa, a kpali seema Yeesu Kristu n daa n naag o maŋŋa ti Naawunni buluŋko la zu. 11Ya nyaasi. Taaru zaa buŋkobkuuriba maa yi ku buŋkobiri gaa ga tira Naawunni, ama a ki tee n kpisi ba yabeeri. 12Ama Yeesu Kristu n daa n naag o maŋŋa ti Naawunni kpisi yabeeri buluŋko la, o daa n wa ti bani Naawun nudii zu, 13Naawunni o ti nyaŋŋi o dindima zaa ti u. 14Lala n na, Yeesu daa n naag o maŋŋa ti Naawunni buluŋko, a kpisi niseesi yabeeri zaa nyam, ba loobi Naawun nivusuma, a wara saŋa ni saŋa zaa. 15Ka Naawun sii mi daa n wusi ti, a yeli, 16Ti duuma yeli, ni a yi jemani maa, o ni zaali ba sopaali, ka ti ba sufusi kpabira o zaaligusi. 17Ka o lee n yeli, ni o ki lee n teesi ba yabeeri. 18A zu, ka nira nye n ŋa yabeeri che n paŋinisim, o ki lee n ku buŋkobiri tira Naawunni, o ti nye yabeeri che n paŋinisim. 19A zu, ti taaba, Yeesu zeem maa ti ti dabilim ti dee sopaali kpeera Naawun saani, a kpali seema Yeesu n daa n naag o maŋŋa zaali ti sopaali la, ka na mari daama. Yeesu mi niŋa niŋini maa Naawun tanti dii patisa maa, a ti ti soori ti kpeera Naawun saani. 21Ka wune Yeesu niŋi ti zudaana, a nyaasira Naawun niriba. 22A zu, ya cheli ti kpabira Naawun yela, a ni yamonsi, a ni yeride niŋinisim tama, a ni sufupeeli, a maa ba n naa zeem wuri ti, a kpisi ti yabeeri, ka su ti kosuŋŋu. 23Ya lee n cheli ti wusira bunso zu ti n mari tama maa, ka da zagsira, a kpali bo, so n ti ti noori la ni niŋi a paali. 24Ka ya lee n cheli ti feera seema ti ni tee n duusira taaba zuuri, ti ti kpabira taaba nene, ka niŋina yasuma, 25ka da zagsira taaba laŋsigu, a maa seema seesi n niŋina, ama, a kpali ti duuma buyi taabu n leena la zu, ya duusira taaba zuuri nene. 26Ya nyaasi. Ka ti so zaa baŋŋi yamonsi ŋa, ka lee n zagsi o yela, soori zaa lee n ka niŋi di n ti o lee n nye yabeeri che n paŋinisim. 27Ama dabeem ni gbaag u, a kpali bo, Naawunni ni darigi o tubiri, a kusi o ni Naawun dindima zaa bugum. 28Ya lee n nyaasi. So zaa n daa n zagsi Musa zaaligusi, ka niriba bayi koo bata loobi dansiyasi, ni yamonsi n na, ba daa n bi zora u nimbaa, ama ba yi ku u ni. 29A zu, ka so zaa loobi Naawun nivusuŋŋu, ka lee n zagsi Naawun bii Yeesu, o ni nye tubiri darigirisim gaari n ŋa, a kpali bo, o saamini Yeesu zeem so n zaali sopaali, ka ti o loobi nivusuŋŋu la, ka mi niŋi Naawun siso n tira barika putoom la yabee. 30Ka ti baŋŋi maa, n ŋa niŋi yamonsi, a kpali bo, ti baŋŋi Naawunni, so n daa n yeli, Ka nira niŋi yabee, mani ni darigi o tubiri. Ka o daa n lee n yeli, Duuma ni di o niriba seriya. 31Yamonsi n na, ka Naawunni gbagba darigira nira tubiri, dabeem yela n na. 32Ya lee n teesi seema ya n daa n nyaara nam ga, a yi jemanseesi ya n daa n pa n ti baŋŋi Naawun yela. 33Ba daa n tuura ya, koo, a namsira ya, a yi niriba nufu niŋi, koo, ya daa n moligira seesi n nyaara nam, 34koo, a zora seesi ba n yo dii nimbaa. Koo, ka ba daa n zu ya bini, o bi ti ya mari sufusaaŋu, a kpali ya baŋŋi maa, ya tono ka a puwa, ka ya tono maa ka baasigu. 35A zu, ya da zagsi tama maa niŋinisim, a kpali bo, o mari tono ga. 36Ya mi mari kenyiti, a ti niŋi Naawun kiperi, ka nye yaseesi o n daa n ti noori la, ni 37A che beela, ka so n ya n ta la ni ta, ka ta yoom. 38Ka m nivusuma ni niŋi mani Naawunni yeride, ka nye nyevuri. Ama ka ba so zaa zagsi ma, m gba ki lee n kpabira o yela. 39Ama ti wune ki zagsi, a we bugum ziya, ama ti niŋina Naawunni yeride, ka ni nye nyevuriso n ka baasigu la.

will be added

X\