Galeetiya 6

1M taaba, ka ya nye niso n niŋina yabee, ya seesi n mari Naawun sii nene la, ya wusi u yamonsi, a ni jilima. Ama ya dasi ya maŋsi niŋi, ya gba ya da pa ti niŋi yabee maa, 2ama ka ziira taaba ziirisi, a kpali bo, n ŋa Kristu kpabira ya niŋina. 3Ama ka nira feera maa o niŋina nene, ka bi niŋina, o yomsirini o maŋŋa. 4A zu, so zaa o nyaasira o gbagba yaniŋisa. Ka a veela, pa o todaana kpeesigu n na, ama o gbagba toori. 5Lala n na, so zaa o ziira o gbagba ziiri. 6Ya lee n nyaasi. Ka nira wusira o todaana baarusuma maa, so n bamsira maa, o naag o binsumseesi tira so n wusira u maa. 7Ya da yomsira ya maŋsi, a maa ya n di n tee n yomsi Naawunni. A kpali bo, yaso zaa nira n niŋina, o ni nye o laada. 8Lala n na so n niŋina o niŋa kiperi ni nye tubiri darigirisim. Ama ka nira niŋina Naawun sii kiperi, sii maa ni ti u nyevuriso n ka baasigu la. 9A zu, ti da zagsira yasuma niŋinisim, koo, a ti a fiigira ti, ka a jemani ti paa, ti ni nye a laada. 10Lala n na, ka ti nyaara soori, ya cheli ti niŋina niseesi n niŋina Kristu yeride la yasuma, a ni niriba zaa. 11Ya nyaasi seema ni naa m nuu sebi sebirisim tintaasi tira ya n ŋa. 12Ya lee n nyaasi. Niseesi n kpabira ba tira ba jilima, a yi durinye ŋa puwa, barima n naa yoya ŋmaabu yela bobira ya, ba da ti nye namsigu, a kpali Kristu kum maa zu. 13Ka seesi n ŋmaara yoya la gba bi paara Naawun zaaligusi zu nene, ama ba kpabira ya ŋma ya yoya, ba ti naag a kpalimina, a nye kpeesigu, a yi seesi n ŋmaara yoya la saani. 14Ama ma wune, m ki sagi n naa bunso zaa kpalimina, ama ti duuma Yeesu Kristu kum maa yela ko. Ka a kpali o zu, durinye ŋa lee n ka daama m saani, ka m gba bi lee n kpabira durinye ŋa yela. 15O bi tiri, ka ya yoya ŋmaya, koo, a bi ŋma, ama yaso n tiri niŋi ya mari nyevuripaali maa. 16Naawun niriba, seesi n paara n ŋa zu, o ti ba niŋgbirimaasim, ka zora ba nimbaa. 17A yi zinni wara, so zaa o da lee n namsira ma, a kpali bo, tumseesi ni daa n tumi n ti Yeesu la ti ma tee n nye kpalaga, a yi m niŋa niŋi. 18M taaba, ti duuma Yeesu Kristu ti ya barika.

will be added

X\