Galeetiya 4

1Ya lee n nyaasi. Ka biso n di kapite na niŋini biya, o niŋini maa giruŋŋu. A kpali bo, halli ka kapite maa zooya, 2o ki tee n niŋi seŋ, ama ba guuna u, ka naa kapite maa zaali, o pa ti karigi. 3O gbinni n ŋa. Ti n daa n niŋi biisi, ti daa n niŋini maa girunsi, a baŋŋi durinye ŋa zaaligusi maa wusigu ko. 4Ama o jemani n daa n ti paa, Naawunni daa n tumi o biya, ka ti poga dogi u, a yi seesi n paara zaaligusi maa zu, 5o bii maa o ti moligi ti seesi n daa n baŋŋi zaaligusi maa paabu ko, ti ti loobi Naawun biisi. 6Ka, a kpali ti n niŋi o biisi la zu, o ti ti sufusi niŋi maa o bii Yeesu, a boona u, Ti ba, ti ba. 7A zu, ya bi lee n niŋi maa girunsi, ama o biisi, ka seema ya n niŋi o biisi maa, o ni ti ya binseesi o n ya n ti o biisi la. 8Ya nyaasi. Saŋa la ya daa n bi baŋŋi Naawunni, ka niŋi maa girunsi n tumina siseesi n ka daama Naawun saani la. 9Ama pimpariŋa ya pa baŋŋi u, ka o gba baŋŋi ya. A zu, o bi veela ya n lee n loobi n niŋi siseesi n ka kpeeŋu ni daama la girunsi. 10Ama, a yi ŋmerisi ni yuma zaa, ya dira dabora ga, a kpabira moligirisim. 11M fe maa, m daa n tumi ya saani putoom. 12M taaba, m suusira ya ni, ya be seema ni be ŋa, a kpali bo, m gba bani seema ya n be. Ni daa n ba ya saani la, ya daa n bi niŋi ma yabee zaa. 13Ka ya mi baŋŋi maa, ni daa n piili n ta ya saani, a ti wusira ya Yeesu baarusuma la, toora n taasi. 14Ama halli ka m beebu daa n ba toom ya saani, ya daa n bi niŋi ma siya, koo, a tu ma, ama ya daa n dee ma,daa n bi baŋŋi Naawunni, ka niŋi a maa ni niŋi Naawun malaki, koo Yeesu Kristu. 15Ka ya sufusi n daa n peligi la bi lee n peligi. Wula? Yamonsi n na, ka ya daa n di n tee n nyisi ya nimbiisi ti ma, ya daa n di n niŋi lala. 16Ama pimpariŋa, a kpali seema ni wusira ya yamonsi, m loobini ya dimma? 17Ya nyaasi. Halli ka seesi n yomsira ya la kpabira ya yela, ba bi niŋina nene, a kpali bo, ba kpabira ba barigi m ni ya, ya ti paara ba zu. 18Ama ka niriba niŋina nene, o veela ya paara ba zu, halli ka m ba niŋi, koo, m ka niŋi. 19Ya niŋini maa m biisi, ka seema poga yi n ya n dogi, ka nyaara beerim, lala beerim n na ma nyaara, a kpali ya zu, ya pa ti be maa Kristu. 20Ya yela tiri ma ga, o veela m di n ba ya saani pimpariŋa, a togsira ya nufu niŋi. 21Ya seesi n kpabira ya paara zaaligusi maa zu, ya wumi seema zaaligusi maa n yetira. 22A yetira maa, Ibrahim daa n marini biisi bayi. Yindaana ma daa n niŋini giruŋŋu, ka so n che la ma daa n bi niŋi giruŋŋu. 23Giruŋŋu maa daa n dogi o bii maa, a maa seema nisaaldima yi n dogira, ama biso n che la wune, poin ka ba dogi u, Naawunni daa n ti Ibrahim noori, ni o ni dogi u. 24N ŋa niŋini maa kiŋaasa, ka o gbinni n ŋa. Pogiba bayi maa niŋini maa soya ayi, seesi Naawunni n daa n zaali la. A yindaana niŋini zaaliguseesi Naawunni n daa n ti Juusi dima, a yi zotintaa, so ba n boona Sayinai, ka ba Areebiya paaligu puu la. Soori ŋa niŋini maa Ibrahim giruŋŋu poga maa, so ba n boona Heega, ka o dogira girunsi la. O mi niŋi maa Jiruusilim tiŋŋa puwa, a ni Juusi dima, seesi n paara zaaligusi maa, a kpali bo, ba niŋini maa girunsi. 26Ama Jiruusilim yindaana, so n ba Alizaana puu la niŋini maa Ibrahim pogso n bi niŋi giruŋŋu la, ka wune n niŋi ti ma. 27A maa seema ba n daa n sebi n digili, a yeli, Pogso n yuu, ka na bi dogi bii zaa, o mari sufupeeli, a tasira. A kpali bo, pogso o sira n zagsi mari biisi, a gaari pogso n kulisira. 28M taaba, ti wune niŋini Naawun biisi, a kpali o notiibu maa zu, a maa seema Ibrahim bii Isaaka n daa n be. 29Ama biso ba n daa n dogi maa seema nisaaldima yi n dogira la daa n namsi biso ba n daa n dogi seema Naawun sii n daa n ti noori la. Ka lala yi niŋina pimpariŋa. 30Ama ya wumi seema Naawun buku n daa n yeli, ni ba kari giruŋŋu poga maa ni o biya, a kpali bo, giruŋŋu bii ki tee n nye bunso pogso n bi niŋi giruŋŋu la bii di n nye. 31A zu, m taaba, ti bi niŋi maa giruŋŋu poga maa biisi, ama so n bi niŋi giruŋŋu la.

will be added

X\