Afesu 5

1A kpali ya niŋini Naawun biisi, ka o kpabira ya la zu, ya yi niŋina seema o n niŋina, 2a kpabira taaba, a maa seema Yeesu Kristu n daa n kpabira ti, a naag o maŋŋa ti Naawunni, o ti moligi ti, a maa seema n petira wune Naawunni. 3Ama ya da niŋina yadagiri, koo yabeeri zaa, koo, a nyelimina bini ga, ka da togsira a yela, a kpali bo, o bi veela Naawun niriba n togsira a yela, ka da lee n togsira zolim, koo, a tuura, a kpali bo, lala bi veela, ama ya yi kpeesira Naawunni. 5Ya nyaasi, yabeniŋiniba ni seesi n nyelimina bini ga kpabira durinye yela, a gaari Naawunni, ka ki tee n kpe Kristu ni Naawunni naalim puwa. 6Ama ya wune ya da ti so zaa naa zolim yomsi ya, a yi yela ŋa niŋi, a kpali bo, seesi n niŋina yela ŋa zagsini Naawun yela, ka Naawunni ni darigi ba tuba. 7Ya da dira ba zoolim, 8a kpali bo, ya daa n ba ligu niŋi, ama pimpariŋa ya loobini ti duuma niriba, a ba paaligu niŋi, a zu, ya niŋi aniya niŋina maa seesi n kpabira paaligu maa, 9a nye paaligu maa tono, so n niŋi yasuma ni yamonsi zaa, 10ka niŋi aniya a baŋŋi seema n petira ti duuma, 11ka da niŋina maa seesi n ba ligu niŋi. Ba yaniŋisa bi veela, ka ka tono, ya wusi ba paaligu maa yela. 12Ama yaseesi ba n sogi n niŋina, o bi veela ti n yetira a yela gba. 13Ama ka bunso zaa yi ligu niŋi, a wa ti ba paaligu niŋi, so zaa nyaara u, 14o pa loobini paaligu toori. A zu, ba yetira, Gbegbisira, nyisigi saa, a yi kum puwa, ka Yeesu Kristu ni ti i paaligu, e nyaara. 15A zu, ya dasi seema ya n niŋina, ka da niŋina maa zolisi, ama yambaŋiniba, 16a yi niŋina yasuma, a yi daamaso zaa ya n nyaara, a kpali bo, yabeeri ba niŋi ga. 17A zu, ya da niŋi zolisi, ama ya yi kpabira ya baŋŋi ti duuma kiperi. 18Ya da kuuna, a kpali bo, a ni ti ya cheera jaga. Ama ya cheli Naawun sii o ba ya niŋi ga, 19ya ti naa Naawun yiima puusira taaba, ka yiimi n tira ti duuma, a ni ya sufusi zaa. 20Ka ya yi naa ti duuma Yeesu Kristu yuuri kpeesira ti ba Naawunni, a yi yaso zaa niŋi. 21A kpali ya n tira Yeesu Kristu jilima, ya mi tira taaba gba jilima. 22Pogiba, ya tira ya siriba jilima, a maa seema ya n tira ti duuma la. 23A kpali bo, daba zaa niŋini o poga zudaana, a maa seema Kristu n niŋi maa chaachi dima zu, ka ba mi niŋi o niŋa, ka o moligira ba. 24Ka seema chaachi dima n paara Yeesu Kristu zu, ya pogiba gba ya paara ya siriba zu, a yi bunso zaa niŋi. 25Siriba, ya kpabira ya pogiba, a maa seema Kristu gba n daa n kpabira chaachi dima, a sagi o dindima daa n ku u la, 26o ti chaachi dima niŋi seema n petira Naawunni. O niŋini maa o daa n su ti chaachi dima koom, ka ti ti noori, 27ti ti loobi o toori, a ni jilima, ka ka yabeeri zaa, ka niŋi seema Naawunni n kpabira. 28Lala n na, siriba, ba kpabira ba pogiba, a maa seema ba n kpabira ba gbagba niŋasi. A kpali bo, dabso n kpabira o poga kpabirini o maŋŋa. 29Yamonsi n na, so zaa bi zagsira o gbagba niŋa, ama o yi tira u bindira, ka nyaasira u nene, a maa seema Kristu n nyaasira chaachi dima, 30a kpali ti n niŋi maa o niŋa wula la zu. 31A zu, daba yi cheli o ba ni o ma, ka naa poga, o ni nu ba loobi luŋko. 32Yatintaa n na, ka m baŋiya maa, Kristu ni o chaachi dima yela n na. 33Ama daba zaa o kpabira o poga, a maa o gbagba, ka poga maa gba o tira u jilima.

will be added

X\