Afesu 3

1A kpali mani Pool n tumina Yeesu Kristu, a tira ya baligusi zu, ba yo ma ni dii. 2Ka ya wumiya maa seema Naawunni n daa n ti ma wusira ya o barika yela. 3M gba daa n bi baŋŋi a, ama wune n daa n wusi ma a yela, ka ma tee n sebi a seesi digili. 4A zu, ka ya karimina a, ya ni baŋŋi seema m Kristu yela baŋinisim n be. 5Saŋa la Naawunni daa n bi naa yela maa wusi niriba, a maa seema pimpariŋa o n ti o sii naag a wusi o tumusi ni chaamesi. 6Ka yela maa gbinni n ŋa, baligusi ni Juusi dima zaa niŋini luŋko, ka ba zaa ni nye noso Naawunni n daa n ti, a yi Yeesu Kristu baarusuma maa niŋi. 7A zu n na Naawunni daa n naag o daama, a ti ma o barika, m loobi n wusira baarusuma maa. 8Halli ka m niŋi Naawun niriba zaa bibilidaana, o daa n ti ma o barika maa, m ti naa Yeesu Kristu yela, a ni seema a n mari tono ga, a wusira ya baligusi, 9ya ti baŋŋi yaso Naawunni n daa n ya n niŋi la. Saŋa la Naawunni, so n daa n maali bunso zaa la daa n bi ti niriba baŋŋi a yela, 10a kpali bo, o kpabira malakisi ni daamadima zaa n ba Alizaana puwa, ba nye o yam zaa, seema o n niŋina, a yi chaachi dima puu pimpariŋa. 11N ŋa n na o daa n ya n niŋi, ka pimpariŋa a loobi yamonsi, a yi ti duuma Yeesu Kristu niŋi. 12Ka, a kpali wune Yeesu, a ni seema ti n niŋina u yeride la zu, ti mari dabilim, a suusira Naawunni. 13A zu, m yetira ya ni, ya da pa ti zagsi, a kpali namso ni nyaara ya zu ŋa. A zaa niŋini ya yuya duubu. 14A zu, m gba tiŋŋa suusira ti ba Naawunni, 15so n ti baligusi zaa n ba Alizaana ni durinye ŋa puu la yuya, 16ni, a kpali o daama ga la zu, o ti ya o siya, ya sufusi a mari daama, 17ka o lee n ti ya niŋina Yeesu Kristu yeride, o ba ya puwa, ya yi ti kpabira taaba nene, 18ya ni Naawun niriba zaa ya mari daama, a baŋŋi seema Yeesu Kristu n kpabira ya ga, a ni seema o kpabirisim maa n gaari bunso zaa, ya ti nye daama ni tono zaa Naawunni n kpabira o ti ya. Ama nisaaldima ki tee n baŋŋi seema Yeesu n kpabira ba ga la zaa. 20Naawunni, a kpali seema o n tira ti daama la ni tee n niŋi n gaari yaseesi zaa ti n suusira, koo, a feera. 21Ya cheli o nye kpeesigu, a ni yuuri duubu, a yi chaachi dima puwa, a ni Yeesu Kristu saani, a wara saŋa ni saŋa zaa.

will be added

X\