Afesu 2

1Ya nyaasi. O daa n niŋini maa ya n kpi, a kpali ya yabeeri zu. 2A jemani maa ya daa n niŋina yabeeri maa durinye dima, a paara kikpaarigusi naaba Sitaana zu, so n ti niriba zagsira yasuma. 3Lala n na, ti daa n ba niŋi, a niŋina ti gba kiperi, a maa seema ti niŋasi ni sufusi zaa n daa n kpabira. A zu, ti daa n ya n nye tubiri darigirisim, a maa seesi zaa n che la. 4Ama Naawunni, halli ka ti daa n niŋini maa ti n kpi, a kpali ti yabeeri la zu, o daa n kpabira ti yela, ka ti ti barika moligi ti, ti nye nyevuri, a maa Kristu. O niŋini n ŋa, a kpali o zora nimbaa ga, 6ka a kpali Yeesu Kristu zu, o nyisigi ti ni nu zaa, ti ti ba Alizaana, 7o ti tira ti jilima, a wara saŋa ni saŋa zaa, a kpali wune Yeesu Kristu zu. Lala n na o ni wusi seema o n tira barika ga, a wara. 8Ya nyaasi. A kpali Naawunni ti ya barika, ka ya niŋina u yeride la zu, ya nyeni moligirisim. O bi niŋi maa ya yaniŋisa zu, ama Naawunni pi ya piini. 9Yaniŋisa ki tee n moligi n ŋa, so zaa o da nye daama kpalimina. 10Ama, a kpali Yeesu Kristu zu, Naawunni maali ti n ŋa, ti ti niŋina yasuma, seesi o n daa n zaali ti kusu zaa la, ti ti niŋina a. 11Ya nyaasi. Juusi dima ŋmaara yoya, ka ba boona ba saŋkariŋmaasi dima, ka ba mi boona ya baligusi, kusoolisi. 12Saŋa la ya kusoolisi dima daa n bi baŋŋi Kristu yela, ka bi niŋi niseesi Naawunni n nyisi la dima, ka bi baŋŋi noseesi Naawunni n daa n ti la, ka bi mari tama maa, ya n di n nye moligirisim, ka bi baŋŋi Naawunni, a yi durinye ŋa puwa. 13Ama pimpariŋa, a kpali Yeesu Kristu, a ni o kum maa zu, ya seesi n daa n ba wogila la pa leelini. 14Ka o mi tira ti niŋgbirimaasim, a kpali seema o n daa n saami bunso n daa n barigi saŋkariŋmaasi dima ni kusoolisi dima, ba zaa ba niŋi luŋko, ka da lee n niŋi dindima. 15Seema o n daa n niŋi yela la n ŋa. A kpali o kum maa zu, o daa n ti buŋkobkuuriba zaaligusi ni yaniŋisa, a da lee n mari daama zaa, o ti naa Juusi dima ni baligusi zaa, ba paara o zu, a loobi luŋko, a mari niŋgbirimaasim. 16Ka o kum maa zu mi ti ba bayi maa zaa ba da lee n niŋi Naawun dindima, ama ba niŋi luŋko, a loobi Naawun zodima. 17Lala n na, o daa n naa niŋgbirimaasim yela wusi ya baligusi, seesi n daa n ba wogila la, a ni Juusi dima, seesi n daa n leeli u la. 18Lala n na, a kpali o zu, ti ni ya zaa mari Naawun siya, ka Naawunni mi niŋi ti zaa ba. 19Ya bi lee n niŋi maa saamba, ama ya ni Naawun niriba niŋini luŋko, ka niŋi o biisi. 20Ti zaa niŋini maa dii, ka o piiligu gondaa niŋini Naawun tumusi ni chaamesi, ka ti duuma Yeesu Kristu mi niŋi o zaaziya, 21so n ti o mari kpeeŋu, a za nene, dii maa zaa o loobi Naawun dii. 22Ka wune ti duuma Yeesu mi ti ya zaa ba gondaasi maa niŋi, dii maa zaa o niŋi seela Naawun sii n be.

will be added

X\