Afesu 1

1Ya Naawun niriba n niŋina Yeesu Kristu yeride, mani Pool puusira ya. Naawun kiperi la zu, m niŋini Yeesu Kristu tumu. 2Ti ba Naawunni ni ti duuma Yeesu Kristu ti ya zaa barika, a ni niŋgbirimaasim. 3Ya cheli ba kpeesira Naawunni, so n niŋi ti duuma Yeesu Kristu ba, a kpali bo, a yi Kristu niŋi, o ti ti ni barika zaa n ba Alizaana puwa. 4Lala n na, poin ka o daa n maali durinye ŋa, o daa n nyisi ti, a kpali Kristu zu, ti ti ba niŋi seema o n kpabira, a maa ti na n bi niŋi yabee zaa. 5Lala n na, o kpabira ti, ka daa n zaali ti, ti ti niŋi o biisi, a kpali Yeesu Kristu zu, a ni o gba kiperi, 6o ti nye kpeesigu, a yi seema o n tira ti barika ga putoom, a kpali o bikpabirigu Yeesu zu. 7Ka wune Yeesu kum zu ti nyeni moligirisim, a ni ti yabeeri che n paŋinisim, a kpali seema Naawunni n tira ti barika ga la. 9Ka a kpali o yam ni baŋinisim zaa zu, o ti ti baŋŋi o kiperi n daa n sogi la, a yi seema o n daa n tumi Kristu, o niŋi o kiperi la. 10Lala n na o zaali daa, o ti bunso zaa n ba Alizaana ni durinye ŋa puwa loobi luŋko, Kristu o niŋi a zudaana. 11A kpali wune Kristu zu, Naawunni, so n niŋina bunso zaa seema o n kpabira la daa n nyisi ti, ka zaali ti ti ti nye tama maa, ti n di n nye moligirisim, a yi Kristu niŋi, niriba ba kpeesira wune Naawunni, a ti o yuuri du. 13Ka ya wune, a kpali Yeesu Kristu zu, ya daa n wumi yamonsi, seesi n tira moligirisim, ka niŋi wune Kristu yeride, Naawunni sii o duligi ya, ya niŋi Kristu toori, a maa seema Naawunni n daa n ti noori la. 14Ka, a kpali sii maa zu, ti mari tama maa, ti n di n nye bunso Naawunni n daa n ti noori la, a yi jemanso ti n di n loobi o toori, o yuuri o ti du. 15A kpali yela ŋa, a ni seema ya n niŋina ti duuma Yeesu yeride, ka kpabira ya taaba Naawun niriba zaa nene la zu, 16m yi kpeesira Naawunni, ka suusi u tira ya, 17ni wune Naawunni, so n niŋi ti ba, ka mari daama ga, ka ti duuma Yeesu Kristu n daa n wusira o yela la, o ti ya o siya, ya ti baŋŋi o yela, ka mari yam ni baŋinisim, 18ya Naawun niriba sufusi a pa baŋŋi yaseesi o n nyisi ya, ya ti nye, a ni seema a n veela ga, a yi ya saani, 19a ni seema o naag o daama ga, a moligira ti seesi n niŋina u yeride la. Daama maa ka ŋmeŋsirisim, o naag u nyisigi Yeesu Kristu, a yi kum puwa, ka ti o zi wune Naawunni nudii zu, a yi Alizaana puu la. 21A zu, wune Yeesu Kristu mari daama gaari nadima ni kpemba ni zaaligusi zaa, ka o yuuri du n gaari yuya zaa, halli a yi durinye ŋa puwa, koo a yi durinyeso n ya n ti ta la. 22Ka Naawunni nyaŋŋi bunso zaa ti u, o loobi a zudaana, a moligira chaachi dima. 23Ka ti chaachi dima niŋini maa o niŋa, ka o mi niŋi ti zu, ka ba seela zaa.

will be added

X\