Kolosi 4

1Yidaandima, ya guuna ya girunsi nene, a kpali bo, ya gba mari ya yidaana, a yi Alizaana puwa. 2Ya moo nufu togsira Naawun saani, ka da gbisira, ka kpeesira u, 3ka suusi u tira ti, ni ti nye daama wusira Kristu yela, so zu ba n yo ma dii la, 4ka wusira a gbina nene, seema n veela. 5Ama ka ya ba seesi n bi paara Kristu zu la saani, ya mari yam, ka da ba niŋi jaga, 6ka yi togsira jilima tiri, a ni bunye, ya tee n baŋŋi seema ya n di n sagi n wusi ba. 7M ni tumi ti todaana Tikika, o ta ya saani, a ti yeli ya ti yela zaa, ka duusi ya zuuri. O niŋini ti duuma tumtumina, a tumina nene, ka ti kpabira u. 9O ni ti todaana Anesima ni ta. Wune Anesima niŋini ya yindaana, ka mi tumina ti duuma nene, ka ti mi kpabira u. Ba ni yeli ya baaruso zaa n ba kpe. 10Ti todaana Aritaaka puusira ya. M ni nu zaa ba yo dii. Baanaba sunzo Maaki gba puusira ya. M tee n yeli ya o yela, ni ka o pa ti ta ya saani, ya deeg u. 11Yeesu so ba n boona Jusita la gba puusira ya. A yi niseesi n tumina m saani, a wusira Naawun naalim yela la, dabsaa koluŋko niŋi Juusi dima, ka ba duusira m zu. 12Yeesu Kristu tumtumina Apafira so n niŋi ya yindaana la puusira ya. Ka o yi ti togsira Naawun saani, o yi suusira ya yela ga, ni ya za nene, ka mari tama, a yi bunso zaa Naawunni n kpabira. 13M niŋini dansiya, a maa seema o n tumi n tira ya ga, a ni ti taaba n ba Loodisiya ni Hayarapoli tiŋsi puusi. 14Dokita Luuka so ti n kpabira la, a ni Deema puusira ya. 15Ya puusi ti taaba n ba Loodisiya tiŋŋa puwa, ka mi puusi chaachi dima n ba Nimfa yiri. 16Ba ti karimi gbaŋaa ya nufu niŋi, ya cheli ba karimi u, a yi Loodisiya chaachi puu niŋi, ka ya mi karimi gbaŋso ni sebi n ti ba la paasi. 17Ka ya yeli Arikipu, ni o tumi tumso ti duuma n ti u la baasi. 18Ya nyaasi, mani Pool n naa m nuu sebira baasigaa. Ya da tami m yela, ni ba niŋi ma ni abanasi. Naawunni ti ya barika.

will be added

X\