Kolosi 2

1Ya nyaasi. M kpabira ya baŋŋi seema ni tumina ga, a tira ya, a ni Kristu nyaaŋpaariba n ba Loodisiya tiŋŋa puwa, a ni seesi zaa na n bi nye ma, 2m ti duusi ya zuuri, ya niŋi luŋko, a kpabira taaba, ka mari tama ga, a baŋŋi yaseesi zaa Naawunni n daa n ti Kristu niŋi la. 3Ka, a yi wune Kristu niŋi, yam ni baŋinisim zaa ba niŋi. 4M yelini n ŋa, so zaa o da nye daama togsira naŋgbanmeesim yomsira ya. 5Halli ka m ka ya saani, m yi feera ya yela, a maa ni ba niŋi, ka yi mari pupeelim, a kpali bo, ya yaniŋisa ni ya Kristu yeride niŋinisim veela. 6Ya nyaasi. Seema ya n daa n dee ti duuma Yeesu Kristu yela, a niŋina u yeride la, ya na niŋina lala pimpariŋa, a kpa nyaga Kristu niŋi, a mari kpeeŋu, seema ba n daa n wusira ya la. Ka ya yi kpeesira Naawunni. 8Ya lee n nyaasi. So zaa n bi naa Kristu yela, ka naa durinye puu yam yela, koo o yaayela, koo kikpaarigusi yela, ya da ti o yomsi ya ya deeg a, a ka tono zaa. 9A kpali bo, Kristu marini Naawun daama zaa, 10ka mi niŋi nadima ni kpemba zaa zudaana, ka ti ya nye nyevuri zaa, 11a yi seema o n daa n cherigi ya. Cherigirisim maa bi niŋi maa seema nisaaldima n ŋmaara yoya, ama o daa n cherigi ya sufubeeri, ya da lee n niŋina yabeeri, 12ka ba su ya koom. Koom suubu maa gbinni n ŋa, ya ni Kristu n na ba daa n ku, a pi ya, ka, a kpali ya n niŋi Naawunni yeride la zu, ya lee n nyisigi. 13Saŋa la ya daa n niŋina yabeeri, ka bi paara Naawun zu. Lala n na o daa n niŋi maa ya n kpi, ka Naawunni che ya yabeeri zaa paŋŋi ya, ka nyisigi ya ni Kristu zaa, a yi kum puwa. 14O n daa n niŋi lala, o niŋini maa, ba n daa n sebi ti yabeeri zaa digili, Naawunni o ti di ti seriya, ama o kpisi a zaa basi, a kpali Kristu kum maa zu, 15ka mi nyaŋŋi kikpaarigusi ni buga kpeeŋu, niriba ba baŋŋi maa, a lee n ka kpeeŋu, a kpali Kristu zu. 16A zu, ka so zaa yeli, ni yarima n niŋina yabeeri, a kpali ya n bi chisira bindira ni binyuura, ka bi dira dabora, seesi ba n dira yuma ni ŋmerisi ni bakwai zaa la zu, ya muuri ba. 17A kpali bo, bindira ni binyuura ni dabora yela ka tono, a yi yaseesi n ya n niŋi maa puwa. Kristu ko n mari tono, a yi a puwa. 18Lala n na, ka so zaa lee n yeli, ni o zaasi zaasima, a baŋŋi maa, ya bi niŋina nene, a kpali ya n bi suusira malakisi, koo, a leera noya ga, ya muuri u, a kpali bo, o durinye feri feera n ti o kpalimina putoom, 19ka bi dee Kristu yela. Wune Kristu niŋini maa ti zu, ka ti mi niŋi o niŋa. Ka niŋa maa zaa niŋi luŋko, a kpali o marini tomsi ziisi ni jiila, ka o zu maa tira u bindira ni kpeeŋu, o karigira nene. Lala n na Kristu niŋi maa ti zu, a ti ti karigira seema Naawunni n kpabira. 20Ya nyaasi. A kpali ya ni Kristu n kpi la zu, kikpaarigusi ni buga lee n ka daama ya saani, ya da lee n paara a zu, ka da chisira durinye puu chisa, 21halli diibu, koo bini siisigu. 22A kpali bo, ka nira dira bunso zaa, a zaa ni saami o puu niŋi. A zu, ti baŋiya maa, chisa maa niŋini nisaaldima yaayela. 23Ama ba feera maa, ka ba suusira malakisi, ka leera noya ga, a nyaara nam la, ba mari yam. Ama ba ka yam, a kpali bo, yela maa ki tee n ti niriba cheli ba yabeeri niŋinisim.

will be added

X\