Niŋinisim 8

1O kuubu maa mi peri Sool. Niqi n na, Naawun niriba naa Sitiivin kpiiqu maa pi, ka kumi o kuuri ga. A yi dindaari maa Jiruusilim dima daa n piili n namsira chaachi dima ga, ba zaa zo n yaari Judiya paaligu ni Samaariya paaligu niqi, ka che tumusi maa ko ba Jiruusilim. 3Ka Sool mi namsira chaachi dima ga, ka kpe ba yiyasi gbaagira ba, pogiba ni dabsi, a wa ti yoora dii. 4Niqi n na, seesi n yaari maa gaa n chaqqi n wusira Yeesu yela gaatira. 5Ba yindaana ba n boona Filipi wa ti zi Samaariya paaligu tiqqa, ka wusi ba, ni Yeesu niqini Kristu, so Naawunni n daa n nyisi la. 6Ka tiqqa maa nivudamta mari sufuluqko deeg o yela di, a kpali ba n wumi o wusigu, ka nye mamaachi yaseesi o n niqina, 7halli o kari kikpaarigusi yi nivudamta niqi, ba tasira, ka o tibi boobisi ni wausi ga, 8pupeelim ba tiqqa maa puu ga. 9Niqi n na, dabyindaana daa n ba niqi, ba boona u Simon. Kusu zaa o daa n niqina akiibisi, a kuura Samaariya dima noya, ka yetira, ni o marini daama ga, 10a zu, niriba maa zaa, kpemba ni biisi, daa n yi wumina o noori, ka yetira, ni o mari Naawun daama, a ni o kpeequ ga. 11Lala n na o daa n niqina, a paa yuma seem, a kuura ba noya, ka ba wumi n tira u. 12Ama Filipi pa n ti ta, a wusira Naawun naalim ni Yeesu Kristu yasuma yela la, ba deeg a di, o su ba koom, dabsi ni pogiba. 13Ka Simon gbagba deeg a di, Filipi su u koom, o mi pa Filipi zu, ka nye mamaachi yela ni tumtintaasi Filipi n niqina, a ku o noori. 14A jemani maa Yeesu tumusi maa n ba Jiruusilim puu la wumini maa, Samaariya paaligu dima deeni Naawun yela la. Ba nyisi Piita ni Jon ba we nisaaniqi. 15Ba n wa ti paa niqi, ba baqiya, ni Filipi suni nivudamta koom, a yi duuma Yeesu yuuri zu, ka Naawun sii maa na bi ta ba saani. A zu, Piita ni Jon suusi Naawunni, ni o naag o sii ti ba, 17ka mi naa ba nuusi pa ba niqi, sii maa kpe ba niqi. 18Simon n nye yela maa, o yeli Piita ni Jon, 19ni ka ba ti u daama, o naag o nuusi pa niriba niqi, Naawun sii o kpe ba niqi n qa, o ni ti ba ligiri. 20Piita yeli u, Naawunni naag e ni e ligiri zaa basi bugum ziya. A kpali bo, e feni maa, e n di n tee n da bunso Naawunni n tira. 21A zu e ka torim yi yaso ti n niqina a niqi, ka e feri feera mi bi lee n petira Naawunni. 22E yabeegaa zu, dee n saamiya, ka suusi Naawunni, a koo, o naag e feribeegaa che n paqqi i. 23M nyeni, e zabira quuri ga, ka yabeeri miili i. 24Simon yeli, Suusi ya duuma ti ma, yaseesi e n yeli la, a liqini zaa, o da pa ti niqi ma. 25Niqi n na, Piita ni Jon togsi duuma maa yela, ka pori n wara Jiruusilim. Ba n wara maa, ba kpeni tiqdamta yi Samaariya paaligu puwa, ka togsi Yeesu yasuma, a wusira ba. 26Niqi n na, Naawun malaki daa n yeli Filipi, ni o nyisigi n wara kiqkagili, a wa ti paa soori, soso n do Jiruusilim, a sigi n pulli dalimpii paaligu puwa, a wara Gaaza la. 27Filipi we niqi, a wa ti paa dabyindaana n yi Etoopiya paaligu, ka daa n we Jiruusilim wa ti puusi Naawunni, ka kunna. O mi niqi nivumaqa, ka tumina Etoopiya paaligu naaba n niqi poga, ka ba boona u Kandeesi la, a nyaasira o ligiri zaa. 28O n kunna maa, o zini tirooko puwa, buqkobiri darigi u wara, ka o karimina bukuso Naawun chaame Azaya n daa n sebi kusu zaa la. 29Ka Naawun sii yeli Filipi, ni o wa ti paa tirooko maa. 30O chee n wa ti paag u, ka wumi daba maa n karimina chaame Azaya buku la, ka boosi u, Seema e n karimina n qa, e baqqi o gbinni? 31Daba maa yeli, M bi baqqi o gbinni, ka pa nira o wusi ma. O yeli Filipi, o kpe tirooko maa ba zi. 32Naawun buku seela o n karimina maa n qa, Seema ba n ya n ku pee, koo, a qmaasi o koba, o yi muurini, lala n na o gbagba muuri. 33Ba nyaasi u jaga, ka bi di o seriya ni yamonsi. Kum gbaag u durinye puwa, o bi mari biisi, o yuuri muri. 34Daba maa yeli Filipi, Yeli ma, chaame qa, o gbagba yela n na o togsira, bee, niso yela? 35Filipi yeli u, ni Yeesu yela n na chaame maa n daa n sebi n digili la, ka mi wusi u Yeesu yela. 36Ba n wara maa, ba wa ti paa koom, daba maa boosi u, Nyaasi koom, bo n ya n moqqi ma koom suubu? 38Ka yeli so n duusira maa o za. O za, ka ba sigi n gaa koom maa puwa, Filipi su u koom. 39Ba n ti yi koom maa puwa, Naawun sii ti Filipi gaari, ka che daba maa, o bi lee n nye u zaa, ka mi wara, a ni pupeelim. 40Niqi n na, Filipi paa Asado, ka togsi Yeesu yasuma, a yi tiqsi zaa, a wa ti paa Siiziriya.

will be added

X\