Niŋinisim 7

1Niŋi n na, buŋkobkuuriba zudaana boosi Sitiivin, Yamonsi n na? 2Sitiivin yeli, M yidima ni m badima, ya wumi m saani. Kusu zaa ti yaa Ibrahim daa n ba Mesopoteema paaligu puwa, ka na bi we Haran tiŋŋa. 3O dindaso Naawunni n ba Alizaana puu la ta o saani, a ti yeli u, ni o cheli o baligu, ka nyisigi n gaari paaligu yinni seela wune Naawunni di n wusi u. 4A zu, Ibrahim nyisigi n yi Chaadii dima paaligu, a gaari Haran, a wa ti ba niŋi. O ba n ti kpi, Naawunni mari Ibrahim ta kpe paaligu, o ti ba niŋi, 5ama Naawunni bi naa kpe paaligu beela zaa ti u, o loobi n niŋi o kapite, o mari. A jemani maa Ibrahim daa n bi mari bii zaa, ka Naawunni ti u noori, ni o ya n naani kpe paaligu ti o yaŋsi. 6Ka Naawunni mi lee n yeli u, ni o yaŋsi ni loobi saamba, a yi paaligu yindaana, ka paaligu maa dima ba naa ba loobi girunsi, a namsi ba yuma kobsinaasi, 7ama o baasigu wune Naawunni ti darigi paaligu maa dima tuba, ka mari Ibrahim yaŋsi maa yi nisaaniŋi, a ta kpe, ba ti tumina wune Naawunni. 8A kpali Naawunni n ti Ibrahim noori maa zu, o mi yeli ba, ni ba ŋmaara yoya. Niŋi n na, Ibrahim dogi Isaaka, o daba anii daari ba ŋma o yoori. Ka Isaaka mi loobi nira dogi Yakubu, ka Yakubu mi loobi nira dogi ti yaadima pii ni bayi la. 9Niŋi n na, Yakubu biisi maa mari ba sunzo Yisifu, a zabira ŋuuri, a gbaag u koosi n ti Yijipi paaligu dima, 10ama ka Naawunni ba o saani, a nyisi u yi nam maa niŋi la. Dindaso ba mari Yisifu gaari Yijipi naaba ba n boona Faaro la saani, ka Naawunni naa barika ni yam ti Yisifu, naaba maa naag u loobi o paaligu nayinni, ka ti o nyaasira o yiri. 11Niŋi n na, kom li Yijipi paaligu ni ti kpe Keenim paaligu zaa, ba nyaara nam ga. Lala n na ti yaa Yakubu ni o biisi maa n daa n ba ti kpe Keenim paaligu puu la mi nyaara nam, 12ka Yakubu wumi, ni bindira ba Yijipi paaligu puwa, o tumi o biisi maa ba wa ti da. 13Ba n lee n ti gaari ba buyidaana, Yisifu naag o maŋŋa ti o beya ni o sunzo, ba baŋŋi u. Niŋi n na, naaba maa pa baŋŋi Yisifu dogim puu yela. 14Ka Yisifu ti ba wa ti mari o ni ba zaa ba Yakubu, ni o dogim puu zaa ta, ba zaa ba pisiyapoin ni banu. 15Lala n na Yakubu daa n we Yijipi paaligu, a wa ti kpi, ka o biisi n niŋi ti yaadima la gba kpi, 16ba naa ba kpiinsi maa ta ti kpe paaligu tiŋŋa yindaana ba n boona Sekim, a ti pi seela Ibrahim n daa n da yi Heemo dima saani la. 17Niŋi n na, a yi Yijipi paaligu puwa, ti yaadima daa n wasiya ga, a ti paa jemanso Naawunni n daa n ya n nyisi ba yi nisaaniŋi, ba ta kpe paaligu, seema Naawunni n daa n ti ti yaa Ibrahim noori la. 18A saŋa maa dabyindaana ba niŋi, ka di Yijipi paaligu naalim, ka mi bi baŋŋi Yisifu yela, 19ka yomsi ti yaadima, ka namsi ba, a ti ba naa ba bileesi yi n diŋina yaŋŋa, ni ba kpi. 20A jemani maa ba dogi Musa, o mi veela ga, ba naag u sogi dii puwa. A n ti niŋi o ŋmerisi ata, ba naag u yi yaŋŋa, a sogi n digili. 21Niŋi n na, naaba maa bipuŋŋu nye u, ka naag u wa ti guuli, o loobi o gbagba biya, 22ka ba wusi u Yijipi dima yam zaa, o loobi nivukarigu, ba wumina o noori, ka o niŋina yatintaasi. 23O n ti niŋi o yuma pisinaasi, o fe o sufu niŋi, o wa ti puusi o yidima, Yakubu yaŋsi, Juusi dima la. 24O n wara, o wa ti nye Yijipi daba n namsira Juusi daba, ka fa Juusi daba la basi, ka ŋme n ku Yijipi daba la, a kpali bo, o toori ka niŋi. 25O feni maa, o yidima ni baŋŋi maa, Naawunni ya n tini o nyisi ba yi ba girunsi tuma ŋa puwa. Ba mi bi baŋŋi. 26A n kaa bee, o lee n we niŋi, a wa ti nye Juusi dabsi bayi n zabira, o kpabira o maa ba sufusi, ba di taaba zoolima. A zu, o yeli ba, Dabsi, ya niŋini baligu luŋko, bo n na ya lee n zabira? 27So toori n ka niŋi la turi u basi, ka yeli u, E bi niŋi ti naaba ni seriyadira. 28Bo n na e ya n ti niŋi? E ya n ti ku ma ni, seema soosila e n ku Yijipi daba la? 29Musa n ti wumi n ŋa, o zo n gaari paaligu yindaana, ba n boona Midiya la, a wa ti zi niŋi n niŋi saana, ka naa poga dogi biduusi bayi. 30Dindaso, o n ti yi Yijipi paaligu maa, ka yuma pisinaasi ti gaari, o daa n ba dalimpii paaligu puwa, a leeli zotintaa ba n boona Sayinai la, ka nye tibila n leegira bugum, ka malaki ba bugum maa puwa. 31Musa n ti nye u, a tiri u, o vuu n leeli, o nyaasi. Niŋi n na, Naawun goo yi bugum maa niŋi, a yeli, 32Mani n niŋi Naawunni, so e yaadima Ibrahim ni Isaaka ni Yakubu zaa n daa n tumina la. Musa n wumi lala, o chirimina, ka ki lee n tee n nyaasi, a kpali dabeem zu. 33Naawunni lee n yeli u, Fugi e sabtaasi yi e noba, a kpali bo, seela e n za ŋa niŋini m tiŋsuŋŋu. 34Nyaasi, m nyeni seema Yijipi dima n namsira m niriba, Juusi dima, ba nyaara nam ga, ka m mi wumi seema ba n fomina. A zu, ma ta, a ya n ti nyisi ba, ka kpabira m tumi i, e gaari Yijipi paaligu. 35Lala n na ti yaadima Yakubu yaŋsi daa n zagsi Musa, a yeli, E n bi niŋi ti naaba ni seriyadira. Ama Naawunni tumi o malaki, a yi tibila maa niŋi, o ti naa naalim ti Musa, o nyisi ti yaadima maa zaa, a yi Yijipi paaligu puwa. 36Niŋi n na, Musa we Yijipi paaligu, a wa ti niŋi mamaachi yela ga, a yi nisaaniŋi ni teeku so ba n boona Teekuzee la, ka mari ti yaadima maa zaa yi paaligu maa puwa, ba di yuma pisinaasi, a yi dalimpii paaligu maa puwa. 37O mi yeli ba, ni dindaso Naawunni ni lee n nyisi chaame yinni yi ba puwa, seema o n nyisi wune Musa la. 38Musa ni ti yaadima maa zaa ni malaki so n daa n togsi o saani, a leeli zotintaa ba n boona Sayinai la daa n ba dalimpii paaligu maa puwa, ka Naawunni zaali Musa zaaligusi, o ti naa n ti ti. 39Ama ti yaadima maa muuri u, ka zagsi o yela deegirisim, ka kpabira ba sufusi niŋi ba niŋina seema Yijipi dima n niŋina la. 40A zu, ba yeli dabso ba n boona Aaron la, ni o maali buga ti ba, ba pa ti wara, ba naag a pa yiya. Ni Musa n mari ba yi Yijipi paaligu ta nisaaniŋi la, ba mi bi baŋŋi seela o n be. 41Niŋi n na, ba naa suga maali bugiri, o ŋmaani nagibila, ka ba maali maaligu ti u, a deemi deema, a kpali bugiri maa zu. 42Ama Naawunni zagsi ba, ka ti ba puusira ŋmeribiisi, ka o ti o chaamesi sebi buku niŋi, Juusi dima, yuma pisinaasi, a yi dalimpii paaligu la puwa, ya daa n kuura buqkobiri, ama pa mani Naawunni n na ya n daa n ku n tira. 43Ya daa n naa tanti dii bugiri, so ba n boona Molo la, a ni qmeribii bugiri ba n boona Arefa la, a ni wundamta ya me, a paasi n maana. A zu, m ni darigi ya tuba, a mari ya gaari paaligu yindaana ba n boona Babilo la. 44Niŋi n na, Sitiivin lee n yeli, Ti yaadima n daa n ba dalimpii paaligu maa puu la, Naawun tanti dii mi ba niqi. Poin, ka ba maali u, Naawunni wusi Musa seema ba n di n niqi n maali u. 45Ama Musa n ti kpi, Josuwa loobi zudaana, ka ti yaadima maa naa Naawun tanti dii maa ta kpe paaligu, ka Naawunni moligi ba, ba nyaqqi ba taaba baligusi kari ba gaari. Lala n na o daa n be, a ti paa naaba Dawuda jemani. 46Wune Dawuda daa n peri Naawunni so Yakubu n daa n tumina la ga, ka kpabira o me dii ti u, ama Naawunni bi sagi, 47ka ti Dawuda bii Sulimaana me dii maa ti u. 48Ama Naawunni kpeequ daana bi doora diseesi niriba n meera la puusi, a maa Naawunni n daa n taasi o chaame yeli, 49Saazu niqini m naalim kogu, ka tiqqa niqi m noba zaabu ziya. Ya ni tee n me dii ti ma, m do o puwa? 50Ya nyaasba baligusi kari ba gaari. Lala n na o daa n be, a ti paa nai, m gbagba n daa n maali bunso zaa ya n nyaara. 51Sitiivin yeli kisari maa, Ya mari zagsigu, a maa seema ya yaadima n daa n zagsira la. Ya sufu niqi ya bi kpabira ya wumina Naawun yela, ka mi zagsira seema Naawun sii n yetira. 52Kusu zaa ya yaadima daa n namsira Naawun chaamesi zaa, ka ku ba seesi n daa n wusi, ni Naawunni ni tumi o nivusuqqu o ta durinye qa puwa. Pimpariqa nivusuqqu maa taya, ya koosi u, ka ku u. 53Halli ka malakisi daa n wusi ya yaadima zaaliguseesi Naawunni n daa n zaali la, ka ya pa baqqi a, ya zagsi a niqinisim. 54Kisari maa n ti wumi Sitiivin n yeli n qa, ba je suuri ga niqi u. 55Ama Naawun sii ba Sitiivin saani, o nyaasi saa, ka nye Naawunni ni o daama, ka Yeesu mi za o nudii zu. 56Sitiivin yeli ba, Ya wumi, m nye saazu n yoo, ka nye Naawun Nisaala n za Naawun nudii zu. 57Kisari maa n wumi n qa, ba tasi n niqi u, ka zagsi o saani wuminisim, ka chee n ti gbaag u, 58a mari u yi tiqqa maa puwa, a wa ti lobi u kuga. Seesi n lobira kuga maa pirigi ba wajaasi, a digili dabso ba n boona Sool la saani. 59Ba na n lobira kuga maa, Sitiivin togsi Naawun saani yeli, M duuma Yeesu, dee m siya. 60Ka o gba tiqqa, ka tasi n yeli, M duuma, da darigi niribaa tuba, a kpali yabeegaa ba n niqina ma qa zu. O n togsi n qa baasi, o kpi.

will be added

X\