Niŋinisim 5

1A jemani maa dabyindaana daa n ba niŋi, ba boona u Ananaya. O ni o poga, Safaara, koosi ba mi tiŋŋa, 2ka Ananaya gbaa ligiri maa barigi, a naa seesi sogi, ka naa seesi n che, a wa ti ti tumusi maa, ka o poga mi baŋŋi seema o n niŋi maa. 3O n wa ti paa tumusi maa saani, Piita yeli u, Ananaya, wula n na e sagi Sitaana ba e sufu niŋi, a ti e kpabira e yomsi Naawun sii yeli, ni ligiri maa zaa n ŋa? 4Poin ka e koosi tiŋŋa maa, e buŋ n na. Koo, e n koosi u maa, e ni tee n naa ligiri maa niŋi bunso e n kpabira e niŋi. Wula n na e togsi n za e sufu niŋi e wa ti niŋi yabeegaa? Pa nisaaldima ko n na e ŋma jiri yeli, Naawunni n na e ŋma jiri yeli. 5Ananaya n wumi n ŋa, o fa n li, a kpi. Bipola nyisigi, a naa waje pili u, a wa ti pi. Ka seesi zaa n wumi yela maa, dabeem gbaa ba. 7A n ti niŋi beela, Ananaya poga ta nisaaniŋi, o mi bi baŋŋi o sira n kpi. 8Piita yeli u, Yeli ma, ya n koosi tiŋŋa maa, o ligiri ŋa? Poga maa mi yeli, O ligiri n na. 9Piita yeli u, Wula zu n na e ni e sira zaa to jina, ya ti niŋi Naawun sii nyaasi? Wumi, seesi n mari e sira wa ti pi la, barima n chenni la, ba mi ni lee n mari e gba gaari. 10A puli maa niŋi, o li tiŋŋa, a kpi. Bipola maa n ti kpe, ba nyeni o n kpi, ba naag u, a wa ti pi, a begi o sira. 11A zu, chaachi dima maa zaa, a ni nira zaa n wumi yela maa, dabeem gbaa ba. 12Qama n ti niŋi, tumusi maa daa n niŋi mamaachi yadamta, a yi niriba puwa, ka Yeesu nyaaŋpaariba zaa yi ti laŋsini taaba, a yi naaba Sulimaana kidede puwa. 13Ama seesi n bi dee Yeesu yela yi zorini dabeem ba n di n kpe nisaaniŋi paasi ba niŋi, ka nyaaŋpaariba maa yuya du, 14nivudamta, dabsi ni pogiba, mi paasi n deegira Yeesu yela. 15Ka niseesi n mari baaradima mari ba yi n digili soya, a yi zukogusi ni kalama niŋi, a koo, ka Piita chaŋina, o maasim ni li ba niŋi. 16Ka tiŋseesi n leeli Jiruusilim la dima mari ba baaradima ni kikpaarigusi dima, a ta Jiruusilim, ba zaa ba wa ti nye alaanfiya. 17Niŋi n na, buŋkobkuuriba maa zudaana ni Sajusii dima n ba o saani la daa n mari pubeerim, a kpali Yeesu tumusi la zu. 18A zu, ba ti ba gbaa tumusi maa yo dii. 19Dindaari maa yiiŋu Naawun malaki ti yoo dinoya maa, ka mari ba yi, a yeli ba, 20Ya wa ti za Naawun dii laanta, a naa Yeesu yela togsi n wusira niriba. Bee ti chee, ba kpe Naawun dii laanta wusira niriba. 21A jemani maa buŋkobkuuriba zudaana maa ni seesi n ba o saani la ta, ka booli satigu dima, a ni Juusi kpemba zaa, ba ti sari, ka tumi dabsi, ba wa ti nyisi tumusi maa ba n si n yo dii la ta. Ba we. 22Ba n wa ti paa dii maa, ba nye, ka dinoya maa zaa kparini, ka pirisisi maa ba n za n gu a. Niŋi n na, ba yoo dinoya maa, ka tumusi maa ka niŋi. Ba naa n pori n wa ti yeli, Ti n wa ti yoo dinoya maa, ti bi nye nira zaa. 24Naawun dii pirisisi zudaana ni buŋkobkuuriba kpemba maa n ti wumi yelaa, ka bi baŋŋi seela tumusi maa n be la, ba bi baŋŋi seema a n di n pa n ti niŋi. 25Niŋi n na, niso ti yeli ba, Ya nyaasi, dabseesi ya n si n yo dii la ba n za Naawun dii laanta wusira niriba. 26A zu, pirisisi zudaana maa ni o pirisisi we niŋi, a wa ti mari tumusi maa ta. Ba bi bobi ba ta, a kpali bo, ba zorini niriba dabeem, a koo, ba n di n lobi ba kuga zu. 27Ba n wa ti mari ba ta, ba ti ba za kisari maa yiya, ka buŋkobkuuriba zudaana maa yeli ba, 28Ti daa n kpaasi ya tuba yeli ya, ya da wusira niriba seema Yeesu n daa n wusira la, ka ya na wusira niriba yi Jiruusilim zaa n ŋa, ka yetira, ni tirima n taasi ba ku Yeesu la. 29Piita ni o taaba tumusi maa yeli, Ti n wumi n tira Naawunni n so, a gaari ti n wumi n tira niriba. 30Yarima n daa n ti ba kpa Yeesu tabi daa o kpi, ka Naawunni so ti yaadima n daa n tumina la nyisigi u, 31ka ti o zi o nudii zu, o niŋi niriba yipaara, a ni moligira, Juusi dima ba ti dee ba saamiya, Naawunni o che ba yabeeri paŋina ba. 32Naawunni mi naag o sii ti seesi n wumi n tira u la, ka ti ni sii maa zaa niŋi yela maa dansiyasi. 33Kisari maa n ti wumi n ŋa, ba je suuri ga, a ya n ku ba. 34Niŋi n na, dabyindaana nyisigi, ba boona u Gameeli, o mi niŋini Farisii daba, ka mi niŋi zaaliguwusira, ka niriba zaa niŋina u jilima. O za, ka yeli, Ya cheli tumusi maa, ba yi yaŋŋa beela. 35Ba n yi n baasi, o yeli, Juusi dima, ya dasi seema ya n ya n niŋina dabsaa. 36Kusu zaa dabso n daa n nyisigi, ba boona u Tuuda, ka yeli o marini kpeeŋu, ka dabsi kobsinaasi daa n pa o zu. A n ti niŋi daba ayi, niriba ku u, o nyaaŋpaariba maa zaa zo n borigi, ba mi bi nye yela zaa yi o niŋi. 37Dindaso, ka Tuuda n daa n kpi la, ka ba daa n kaana niriba la, dabyindaana daa n ba niŋi, ba boona u Juuda n yi Galili paaligu puwa, ka niriba paara o zu. A n ti niŋi daba ayi, niseesi ku u, o nyaaŋpaariba maa zaa zo n borigi. 38A la zu, m ya n yeli ya ni Yeesu nyaaŋpaariba maa yela, ya cheli ba boin, ka da niŋi ba yelli zaa. A kpali bo, ka nisaaldima n taasi yaseesi ba n niŋina maa, ba ni niŋi n je, ka baasi. 39Ama ka Naawunni n taasi, ya ki tee n kari ba, ka niriba ba nye ya n katira Naawun yela. 40Ba n wumi o yela maa baasi, ba booli tumusi maa ba lee n ta, ka ti ba feebi ba, ka yeli ba, ni ba da lee n togsira Yeesu yela, ka ti ba yi n gaari. 41Tumusi maa n ti yiira kisari maa puwa, ba sufusi peligi, a kpali bo, ba dagini nam nyaabu Yeesu zu la. 42Ka taaru zaa ba yi ba Naawun dii laanta ni ba yiya, a togsi n wusira Yeesu yela, ni wune niŋi Kristu maa.

will be added

X\