Niŋinisim 21

1Niŋi n na, ŋariŋu maa daa n naa ti gaari Kosi. A n kaa bee, o lee n naa ti gaari Aroodi. A n chee bee, o lee n naa ti gaari Patara, ti yi, 2ka nye ŋarintintaa yindaana n ya n gaari Foniisiya paaligu, ti kpe u gaari. 3Ti n wara la, ti nye Sayipira paaligu, ka saag u nuzaa zu, a gaari Taya n ba Siriya paaligu, ba wa ti nyisi ŋariŋu maa ziirisi. 4Nisaaniŋi ti wa ti kpabi Yeesu nyaaŋpaariba, ka di daba ayapoin ba saani. Ka Naawun sii ti nyaaŋpaariba maa kpaasi Pool tubiri, ni o da gaa Jiruusilim. 5Daba ayapoin maa n ti baasi, ti nyisigi n yi tiŋŋa maa, ka nyaaŋpaariba maa zaa ni ba pogiba ni ba biisi beeli ti gaari teeku noori, ti zaa gba tiŋŋa, a togsi Naawun saani, ka kali taaba, 6ka ti wa ti kpe ŋariŋu maa puu gaari, ka ba pori n kuli. 7Ti n wara la, ti paa Tolimeeya, ka wa ti puusi Yeesu nyaaŋpaariba, ka do ba saani dindaluŋko. 8A n kaa bee, ti lee n gaari Siiziriya, a wa ti kpe Filipi so n wusira Yeesu yela la yiri. O mi niŋini dabsi bayapoin la yindaana seesi chaachi dima n daa n nyisi ba totira ligiri la, 9ka o mari bipunsi banaasi, ba na bi kulisi, ka wusira Naawun yela. 10Ti n kpe o yiri la, ti wa ti ba niŋi daba ayi, ka Naawun chaame yindaana ba n boona Agaba yi Judiya sigi n ta. 11O n ti paa ti, o gaa Pool saani, a wa ti deeg o biŋkirisigu, a le o gbagba nuusi ni o noba, ka yeli, N ŋa n na Naawun sii yeli, ni Juusi dima n yi Jiruusilim ya n le dabso n su biŋkirisigaa, ka naag u ti balisi dima. 12Ti n wumi n ŋa, ti ni seesi n ba nisaaniŋi maa zaa suusi Pool, o da we Jiruusilim. 13Ka Pool yeli, Seema ya n kumi n saamina m sufu ŋa, lala veela? A kpali ti duuma Yeesu zu, m niŋini siriya m gaari Jiruusilim ba ti yo ma dii, koo, a ku ma. 14Ti n suusi u je, ti cheli, ka yeli, Seema Naawunni n kpabira, cheli a niŋi. 15Ti daba ayi daari maa n daa n ti paa, ti niŋi siriya, ka ti ni Siiziriya nyaaŋpaariba seesi du n gaari Jiruusilim. Ti n wa ti paa Jiruusilim, ba mari ti wa ti kpe ?meesim yiri, ti wa ti zi. Sayipira paaligu bii niŋi u, ka o daa n daŋŋi n paara Yeesu zu. 17Niŋi n na, Jiruusilim nyaaŋpaariba maa ti puusi ti ga. 18A n kaa bee, ti ni Pool we Jeemsi saani, ka chaachi yipaariba maa zaa ba niŋi, 19ti puusi ba, ka Pool yeli ba yaseesi zaa Naawunni n daa n ti o niŋi, a yi baligusi puu la. 20Ba n ti wumi yela maa, ba kpeesi Naawunni, ka yeli, Ti todaana Pool, niriba tusa n niŋi Juusi dima deeni Yeesu yela di, ka kpabira ba niŋina seema Musa n daa n wusi Juusi dima la, 21ka ba mi wumi e n wusira Juusi dima, a yi baligusi puwa, ni ba zagsi seema Musa n daa n wusi la, a da lee n ŋmaara yoya, ka da lee n pa ba yaa yela zu. 22A ti niŋi beela, ba ni wumi, ni e taya. Ama ka e bi niŋi seŋ maa ba sufu, lala veela? 23A zu, niŋi seema ti n ya n yeli i n ŋa. Dabsi banaasi n ba niŋi, ka ti Naawunni noori, 24e wa ti naag e zu paasi ba niŋi, e ni ba zaa dagiri basira, ka e ti ba ligiri, ba niŋi ba yela, ka puni ba zuuri. E niŋi n ŋa, Juusi dima zaa ni baŋŋi maa, seema ba n wumi maa niŋini jiri, ka e gbagba e niŋina seema Musa n daa n yeli Juusi dima ba n niŋina la. 25Ka baligusi n dee Yeesu yela la, ti daa n ŋmani gbaŋŋu tolimi ba, ni ba chisira bindira zaa ba n naa n ti wunasi ni bugasi, ka chisira zeem ni buŋkobseesi ba n bi korigi, ka ba da kpabira taaba pogiba ni siriba seema baliguseesi n kpabira la. 26Ba n ti togsi n baasi, Pool wa ti naag o zu paasi dabsi banaasi maa niŋi. A n kaa bee, ba zaa piili n niŋi siriya wa ti kpe Naawun dii laanta maa, a wa ti zaali buŋkobkuuriba maa dindaso ba dagiri basigu maa di n baasi, ba ku ba buŋkobiri ti Naawunni. 27A jemani maa Juusi dimseesi n yi Asiya paaligu daa n ba Jiruusilim, ka nye Pool yi Naawun dii laanta. Pool ni o taaba maa dagiri basigu maa daba ayapoin n ya n paa, Juusi dima maa dammi tiŋŋa maa, ba gbaa Pool, 28a tasi n yetira, Ya Juusi dima, ya wumi, dabaa niŋini yabee. Seela zaa o yi n wara, o yi wusini niriba ba zagsi ti Juusi dima yela, a ni Musa zaaligusi, a ni Naawun diyaa. Ka o mi lee n mari Giriiki dima kpe Naawun dii laanta ŋa, a dagira u. 29Ba yelini n ŋa, a kpali ba n nye Pool ni Tirofima, so n niŋi Afesu tiŋŋa biya, a yi Jiruusilim, ka fe maa, Pool mari u ni kpe Naawun dii laanta. 30Yatoga maa zu, tiŋŋa maa puu niriba zaa je suuri, ka chee n laŋsi n gbaa Pool, a ma n yi Naawun dii laanta puwa, ka yo o begunoya, 31a ya n ku u. Ama Aroom soojisi naaba wumi maa, tiŋŋa maa dima zaa zabira, 32o nye yoomyoom, a booli soojisi ni ba kpemba, ba chee n sigi n gaa nisaaniŋi. Zamu maa n ti nye soojisi naaba ni soojisi maa, ba cheli Pool buubu, 33ka soojisi naaba maa ti soojisi maa gbaa Pool, ka le u abanasi ayi, ka boosi, ?ani n na? Bo n na o niŋi? 34Zamu maa seesi tasi yayindaana, ka seesi mi tasi yindaana. Ba vu maa zu, soojisi naaba maa bi nye a yamonsi, o ti ba mari Pool gaari soojisi maa yiri. 35Ba n ya n wa ti du n kpe yiri maa, zamu maa je suuri ga, ka zabira, soojisi maa naa Pool wara. 36Ka zamu maa pa ba zu, a tasi n yetira, Ya ku u. 37Ba n ya n wa ti kpe yiri maa, Pool daa n naa Giriiki yatoga yeli soojisi naaba maa, Cheli m yeli i yayindaana. Soojisi naaba maa n ti wumi n ŋa, o yeli u, Ee, e wumini Giriiki yatoga. 38Poin ka e togsi Giriiki yatoga, m feni maa, e niŋini Yijipi daba so n daa n ti niriba laŋsi n zabi, ka mari zabazabiriba tusa anaasi gaari dalimpii paaligu la puu la. Nyini bi niŋi u? 39Pool yeli u, Akayi, m niŋini Juusi nira, a yi Taasa n ba Silisiya paaligu niŋi, m tiŋŋa maa yuuri duya ga. M suusira i ni, cheli m togsi zamu maa saani. 40Soojisi naaba maa sagi, ka Pool nyisigi n za darisi maa niŋi, ka naag o nuu niŋi zamu maa ba muuri. Ba n ti muuri, o naa Juusi dima yatoga yeli ba,

will be added

X\