Niŋinisim 14

1Ba n wa ti paa Ikoniyo, ba bayi maa zaa daa n wa ti kpe Juusi dima laŋsigu dii, a wa ti wusi ba, ka ba nivudamta, Juusi dima ni baliguseesi dee ba yela di. 2Ama Juusi dima seesi n bi dee ba yela maa nyisigi baligusi sufusi, ba je suuri niŋi seesi n dee la. 3A zu, Pool ni Baanaba yuu niŋi ga, a naa dabilim togsira duuma yasuma, ka o ti ba niŋina mamaachi yela ni tumtintaasi. 4Ka tiŋŋa maa niriba barigi buyi zu, seesi dee Juusi dima yela, ka seesi mi dee tumusi bayi maa yela. 5Dindaso Juusi dima ni baligusi, kpemba ni niriba to jina ba namsi Pool ni Baanaba, a lobi ba kuga, ba kpi. 6Pool ni Baanaba n ti wumi yela maa, ba zo n gaa paaligu yindaana ba n boona Likooniya, a wa ti togsi Yeesu yela, a yi o tiŋsi puwa. Tiŋsi maa ba n we maa ayi niŋini Lisita ni Daabi. 8Ba n daa n wa ti paa Lisita, ba daa n nye dabyindaana n niŋi boobi zi, a yi o dogim daari zaa, 9ka Pool togsira, o wumina. Niŋi n na, Pool loobi n nyaasira u, ka pa baŋŋi maa, o niŋina Naawunni yeride zu, o ni tee n tibi u, 10ka tasi n yeli u, ni o nyisigi n za o noba niŋi. Daba maa gbari n nyisigi, ka chaŋina. 11Zamusi maa n nye yaso Pool n niŋi maa, ba tasi n togsi ba Likooniya yatoga niŋi, a yetira, ni Naawunni loobini nisaaldima, a sigi n ta ba saani. 12A zu, ba digili Baanaba yuuri ni Zuusi, ka Pool mini n togsira ga la ba digili u Haami. 13Niŋi n na, a yi tiŋŋa maa begunoori yaŋŋa, dikarigu ba niŋi, seela ba yi n maali maaligu ti so ba n boona Zuusi la. Dii maa buŋkobkuura n ti nye yaso n niŋi n ŋa, o kpabira o ni niriba maa ba maali maaligu ti Pool ni Baanaba, o naa nagidaasi ni moori ni tiisi puumasi, a gaari tiŋŋa maa begunoori maa wa ti maali. 14Tumusi maa, Baanaba ni Pool, n wa ti wumi n ŋa, ba chee ba bimpinna, ka chee n jebi zamu maa niŋi, a tasi n yetira, 15Wula? Ti gba niŋini nisaaldima seema ya n be ŋa. Ti tani ti ti wusi ya, ya da lee n maana maaligu zaa, ka tumina Naawunni so n niŋi yamonsi, ka daa n maali saazu ni tiŋŋa ni teeku ni bunso zaa n ba a niŋi la. 16Saŋa la o daa n yi tini balisi ba niŋina seema ba n kpabira ba niŋi, 17ka moligira ba, a ti saa o ta, ba nye bindira di n pitira, a ni pupeelim, ba baŋŋi o n ba niŋi. 18Halli ba n yeli yela ŋa zaa, beela n che, ka ba di kari ba je, a yi maaligu maa niŋi. 19A n niŋi daba ayi, Juusi dima n yi Ikoniyo ni Antiyo n ba Pisidiya paaligu puu la ta nisaaniŋi, ka loobi nisaaniŋi dima sufusi, ba paasi ba niŋi, a lobi Pool kuga. Ba n lobi Pool kuga, ka fe maa, o kpini, ba vebi u yi tiŋŋa maa puwa, a wa ti basi. 20Ka Yeesu nyaaŋpaariba wa ti poli n jili u, o nyisigi, ka lee n kpe tiŋŋa maa puwa. A n kaa bee, o ni Baanaba yi n gaa Daabi, 21a wa ti togsira Yeesu yela nisaaniŋi, ka nivudamta loobi Yeesu nyaaŋpaariba. Niŋi n na, ba daa n pori n gaari Lisita ni Ikoniyo ni Antiyo, 22a wa ti duusi nyaaŋpaariba la n ba nisaaniŋi maa zuuri, ni ba mari dabilim, ka da zagsi Yeesu yeride niŋinisim, ka lee n yeli ba, ni ba ni nye nam poin, ka kpe Naawun naalim puwa. 23Tiŋsi maa zaa Pool ni Baanaba le noori, ka nyisi chaachisi maa yipaariba, ka suusi Naawunni o nyaasira niriba zaa n niŋina u yeride la. 24?ama n ti niŋi, ba yi Antiyo, a chaŋŋi n yi Pisidiya paaligu gaari Pamfiliya paaligu puwa, 25a wa ti paa Paaga, ka wusi Yeesu yela nisaaniŋi, ka lee n sigi n gaa Ataliya n leeli teeku, 26a wa ti kpe ŋarintintaa gaari Antiyo n ba Siriya paaligu puwa, seela chaachi dima n daa n suusi Naawunni, o nyaasira ba, ka ba daa n yi n wa ti niŋi yaso n niŋi la. 27Ba n wa ti paa niŋi, ba laŋsi chaachi dima maa zaa, ka yeli ba seema zaa Naawunni n paasi ba, ba niŋi, a ni seema Naawunni n taasi baliguseesi deeg o yela di. 28Ka ba yuu nyaaŋpaariba maa saani.

will be added

X\