Niŋinisim 13

1A yi Antiyo chaachi dima niŋi, Naawun chaamesi ni wusiriba daa n ba niŋi. Ba yuya n ŋa, Baanaba ni Simiyo so ba mini n boona Gbambiraa la, a ni Luukiya n yi Sariini, a ni Maneen n niŋi naaba Herodi zo, a ni Sool. 2Dindaso ba le noori, ka togsira Naawun saani, ka Naawun sii yeli ba, ni ba nyisi Baanaba ni Sool ti u, ba wa ti niŋi yaseesi o n yeli ba ba niŋi. 3Ba n le noori, ka togsi Naawun saani baasi, ba naa ba nuusi pa Baanaba ni Sool niŋi, ka ti ba yi n gaari. 4Lala n na, Naawun sii daa n ti Baanaba ni Sool yi, ka ba wa ti sigi n gaari Silusiya n leeli teeku, a wa ti kpe ŋarintintaa gaari Sayipira paaligu. 5Ba n wa ti paa, ba kpe Salami tiŋŋa puwa, a wa ti kpe ba Juusi dima laŋsigu diisi, a wusira Naawun yela, ka Jon Maaki paasi ba niŋi. 6Niŋi n na, ba chaŋŋi n kogsi paaligu maa zaa, a wa ti paa Pafo tiŋŋa, ka nye dabso n niŋina akiibisi. O niŋini Juusi nira, o yuuri n niŋi Baayeesu, o Giriiki tiri mini n niŋi Elima. O yi ŋmani jiri yetira, ni o niŋini Naawun chaame, o mi bi niŋi. 7Gomina maa mi ba nisaaniŋi, ba boona u Saajiya Poola, ka mari yam ga, ka niŋi akiibiniŋina maa zo. Dindaso o booli Baanaba ni Sool ba ti wusi u Naawun yela, 8ka akiibiniŋina maa ba niŋi, ka kpabira o kari Baanaba ni Sool, gomina maa o da dee Yeesu yela di. 9Ama Naawun sii ba Sool ba n boona Pool la niŋi ga, o nyaasira akiibiniŋina maa, 10ka yeli, Nyini n niŋi Sitaana biya, e bi kpabira yasuma, e yi yomsirini niriba, ka niŋina yabeeri, ka yi yetira, ni ti duuma yamonsi bi niŋi yamonsi. 11A zu, ti duuma ni darigi e tubiri, e ni loobi zooma daba ayi, ka ki lee n tee n nye wuluŋu. A puli maa niŋi, o nufu zoomi, o gaa n kpabira niriba, ba matira u daŋkpalli. 12Gomina maa n nye yaso n niŋi maa, o dee ba duuma yela di, a kpali bo, yela maa kuni o noori. 13?ama n ti baasi, Pool ni o taaba daa n kpe ŋarintintaa, a yi Pafo puwa, a gaari Paaga n ba Pamfiliya paaligu niŋi. Nisaaniŋi n na, Jon Maaki zagsi ba, ka pori n gaa Jiruusilim, 14ba mi we Antiyo yindaana n ba Pisidiya paaligu puwa. Juusi dima daborigu n ti paa, Pool ni Baanaba kpe laŋsigu dii wa ti zi, 15ka ba naa Musa zaaligusi buku ni Naawun chaame buku yindaana, a karimina. Ba n ti karimi n baasi, laŋsigu dii maa kpemba yeli Pool ni Baanaba, Ti yidima, ka ya mari yaso zaa ya n kpabira ya yeli ti, ya yeli ti. 16A zu, Pool nyisigi, a niŋi ba nuwa ba wumi n ti u, ka yeli, Juusi dima ni ya baliguseesi n zora Naawunni dabeem, ya wumi. 17Kusu zaa Naawunni so ti Juusi dima n tumina ŋa daa n nyisini ti yaadima, ka mari ba gaa Yijipi paaligu puwa, ba wa ti zoo. A n ti yuu, Naawunni naag o kpeeŋu mari ba yi nisaaniŋi, 18ka ba yuma pisinaasi, a yi dalimpii paaligu puwa, o guuna ba, 19ka saami balisi tirimbuyapoin, a yi Keenim paaligu puwa, ka naa paaligu maa ti ba, o loobi ba toori yuma kobsinaasi ni pisinu. 20Ba n ti nye zii zii la, Naawunni ti ba seriyadiriba, ba nyaasira ba, a ti paa jemanso Naawunni n nyisi o chaame Samiyu. 21A jemani maa n na, ti yaadima daa n kpabi naaba, ka Naawunni nyisi Sool o loobi ba naaba. O ba n niŋi Kisi, ka o Juusi dima baligu niŋi Benjami, ka o di naalim maa yuma pisinaasi. 22?ama n ti baasi, Naawunni lee n ti nyisi Sool, ka ti Dawuda di naalim, ka yeli Dawuda yela, ni wune Dawuda, Jesi biya, peri wune Naawunni ga, ka kpabira o niŋi o kiperi zaa. 23To, pimpariŋa, seema Naawunni n daa n ti noori kusu zaa la, o nyisini naaba maa yaŋsi yindaana ta Juusi dima saani, a ti moligi ba yi ba yabeeri tubiri darigirisim niŋi. O yaŋŋu maa mi yuuri niŋi Yeesu. 24Poin ka Yeesu ta, Jon Baatisi daa n yi wusini Juusi dima, ka yeli ba, ni ba zaa ba dee ba saamiya, ka o su ba koom. 25Jon n ti baasira yaso Naawunni n yeli o niŋi la, o yeli, ?ani ya feera maa, m niŋiya? M bi niŋi so Naawunni n daa n yeli o ya n nyisi la. A che daba ayi, ka dabyindaana o lee n ta, m bi daga m pirigi daba maa sabtaasi gba. 26Ka Pool lee n yeli, M yidima, Ibrahim yaŋsi, a ni ya baliguseesi n zora Naawunni dabeem la, Naawunni taasi ti baŋŋi seema o n nyisira niriba yi ba yabeeri niŋi. 27Ya nyaasi, Yeesu daa n ba niŋi, ka Jiruusilim dima ni ba kpemba daa n bi baŋŋi maa, Naawunni n tumi u. Daborigu zaa, a yi laŋsigu diisi zaa, niriba karimina Naawun chaamesi bukusi, ka Jiruusilim dima ni ba kpemba maa na bi baŋŋi a gbinni, ka di Yeesu seriya, seema kusu zaa chaamesi maa n daa n yeli ba ni niŋi la, a ti ba ku Yeesu. 28Halli ba bi nye Yeesu yaso zaa n daga ba n di n ku u, ba suusi gomina, so ba n boona Pailati la, ni o ti ba ku u. 29Niŋi n na, ba niŋi Yeesu seema zaa Naawun chaamesi n daa n yeli ba ni niŋi la, o kpi, ka ba wa ti yeeg u, a yi daa maa zu, a digili kaa puwa. 30O daba ata daari, Naawunni nyisigi u, a yi kum puwa, 31o daba ayi, o wa ti puusi seesi n daa n paag u, a yi Galili paaligu, a du n gaa Jiruusilim la, ka ba loobi o yela maa dansiyasi. 32Ka ti gba ta kpe ti ti yeli ya, ni yaseesi Naawunni n daa n ti ti yaadima noori, o ya n niŋi la, 33a niŋiya, a yi ti nufu niŋi, Naawunni nyisigi Yeesu. O niŋini maa seema ba n daa n sebi yiima ayidaana, a digili Naawun buku niŋi la, a yeli, Nyini n niŋi m biya, zinaa ma loobi e ba. 34Kusu zaa Naawunni mi daa n lee n yeli, ni o ni nyisigi dabso o n nyisi maa, a yi kum puwa, o niŋa o da poo. Seema o n yeli maa n ŋa, M ni ti ya barika ga, seesi ni daa n ti naaba Dawuda noori la. 35Ka naaba Dawuda daa n lee n yeli, o yiima yindaana niŋi, E ki ti e nivusuŋŋu niŋa o poo. 36Ama naaba Dawuda n daa n ba niŋi la, o daa n peri Naawunni ga, ka kpi, ba pi u o yaadima kaasi ziya, o poo. 37Ama Yeesu, so Naawunni n daa n nyisigi kum puu la, wune bi poo. 38A zu, m yidima, ya baŋŋi maa, a yi dabaa niŋi, ti wusira ya ni ya yabeeri zaa che n paŋinisim. 39Musa zaaligusi ki tee n nyisi niriba yi ba yabeeri niŋi, ama so n niŋina Yeesu yeride, Naawunni naag o yabeeri zaa che n paŋŋi u. 40Kusu zaa Naawun chaamesi daa n yeli, Ya nivunyaara, ya nyaasi, yela ni ku ya noya, ya kpi. A kpali bo, ya saŋa maa, m ni niŋi yaso, halli ka nira kpabira o nyisi o gbinni ti ya, ya ki dee. Ya dasi ya maŋsi niŋi maa, seema ba n yeli maa bi niŋi ya toori. 42Pool n ti togsi n baasi, o ni Baanaba yi, ka niriba maa yeli ba, ni daborigu so n lee n chena ba ta, a lee n ti wusi ba. 43A n ti niŋi beela, niriba maa zaa yi laŋsigu dii maa puwa, ka nivudamta n niŋi Juusi dima, a ni baliguseesi n puusira Naawunni seema Juusi dima n puusira la, ba pa Pool ni Baanaba zu, ka ba wusi ba, ka yeli ba, ni ba niŋina Naawunni yeride, ni o moligira ba. 44Daborigu n lee n ti paa, tiŋŋa maa puu dima gaalinga laŋsi, ba ti wumi Naawun yela maa. 45Juusi dima n ti nye zamusi maa laŋsi, ba mari pubeerim ga, a tuura Pool, ka zabira u, ni yaseesi o n ti yetira maa niŋini jiri. 46Ama Pool ni Baanaba naa dabilim, a togsi n yeli Juusi dima maa, Seema ti n daa n daŋŋi n wusi ya Naawun yela la, lala veela, ama ya zagsi, a wusira maa, ya bi daga ya n di n nye nyevuriso n ka baasigu la puwa. A zu, ti ni wa ti wusira baligusi, 47a maa seema ti duuma n daa n tumi ti, a yeli, M nyisi i ni, e tira baligusi paaligu, a wusira durinye zaa seema m di n niŋi n nyisi ba, a yi ba yabeeri niŋi. 48Baliguseesi n ba niŋi maa n ti wumi n ŋa, ba puusi peligi, ba kpeesira Naawun yela maa, ka ba seesi Naawunni n nyisi ba nye nyevuriso n ka baasigu la sagi n pa. 49Niŋi n na, duuma yela maa yaari paaligu maa zaa. 50Ama Juusi dima ti tiŋŋa maa kpemba ni pogkariseesi n puusira Naawunni seema Juusi dima n puusira la, ba namsi Pool ni Baanaba ga, ka kari ba, a yi paaligu maa niŋi. 51A zu, Pool ni Baanaba wa ti pirigi ba sabtaasi kpaasi a tana, a wusi niriba maa, ba baŋŋi ba n bi niŋi nene, ka mi wa ti gaari Ikoniyo tiŋŋa. 52Ka Naawun sii ba nyaaŋpaariba seesi n che maa saani, ba puusi peligi.

will be added

X\