Niŋinisim 10

1Niŋi n na, a yi Siiziriya, dabyindaana daa n ba niŋi, ba boona u Koniiliya, o mi niŋini soojisi kpeema, ka o ni o soojisi maa yi Itali paaligu. 2O gbagba mi kpabira Naawun yela, ka o ni o yidima maa zaa zora Naawunni dabeem, a nye ligiri tira nandaandima, ka yi togsira Naawun saani. 3Dindaso, wuluŋgauwa, o zaasi zaasim, a nye malaki n ti kpe, ka yeli, Koniiliya. 4Koniiliya nyaasi u, a ni dabeem, ka yeli, M duuma, wula? Malaki maa yeli, Naawunni baŋŋi seema e n togsira o saani, ka naa ligiri tira nandaandima la. 5A zu, m yetira i, e tumi dabsi, ba gaa Jopa, a wa ti booli Simon, so ba n boona Piita la, 6o ba Simon so n niŋi gbanzaba la yiri n leeli teeku la. 7Malaki maa n ti gaari, Koniiliya booli o tumtuminiba bayi, a ni soojiseesi n ba o yiri la yindaana, so n zora Naawunni dabeem, 8ka yeli ba yela maa zaa, ka tumi ba ba gaa Jopa. 9A n kaa bee wuntooŋu, dabsi bata maa daa n paagira Jopa, ka Piita ba tiŋŋa maa puwa, ka du pii zu, a togsira Naawun saani, 10ka kom wa ti gbaag u, o kpabira bunso o di. Ba na n dugira bindira maa, o zaasi zaasim, 11ka nye saazu n yoo, ba gbaa wajetintaa naŋgbanpiima anaasi, a naa n sigi tiŋŋa. 12Waje maa puwa, buŋkobiri ni tiŋvuurigusi ni niinsi zaa baligu ba niŋi. 13O wumi goo n yeli u, Piita nyisigi n ku n ŋobi. 14Piita yeli, M duuma, akayi, m na bi di bunso zaa Juusi dima n chisira. 15Goo maa lee n yeli, Da chisira bunso zaa Naawunni n naa n ti i, e di. 16Yela maa niŋini lala buta, ka waje maa lee n du saazu. 17A n ti baasi, Piita na ba pii maa zu, ka biina o zaasim maa gbinni, ka dabsi bata maa boosi yiri maa yela, a ta o dinoori, 18a ti booli ba boosi n nye, Simon la ba n boona Piita maa ba niŋi? 19Piita na n biina zaasim maa gbinni la, Naawun sii yeli u, Nye dabsi bata n kpabira i, m gbagba n tumi ba, 20sigima, ya gaari, ka da ti e weebu maa tiri i. 21Niŋi n na, Piita sigi n gaari dabsi bata maa saani, a wa ti yeli, Mani n na ya kpabira, bo zu ya ta? 22Ba yeli, Koniiliya, so n niŋi soojisi kpeema la, ka niŋi nivusuŋŋu, a zora Naawunni dabeem, ka Juusi dima zaa togsira o yasuma yela, o nye Naawun malaki. Malaki maa yeli u, ni o tumi ti, ti ti booli i, e ta o yiri, o wumi seema zaa e n ya n yeli. 23A zu, Piita mari ba kpe o yiri. A n kaa bee, o ni ba daa n nyisigi n gaari, ka Yeesu nyaaŋpaariba maa n ba Jopa puu la seesi paa ba gaari. 24Bee yinni n lee n chee, ba paagira Siiziriya, Koniiliya laŋsi o niriba ni o zodima, a nyaasira ba soori. 25Piita n ti kpe, Koniiliya tuusi u, a do tiŋŋa puusi u. 26Piita lali u saa, ka yeli, Nyisigi n za, m gba niŋini nisaala. 27Ka Piita ni Koniiliya togsi n kpe dii, Piita wa ti nye nivudamta n laŋsi n zi, 28ka yeli ba, Ya baŋŋi maa, a kpali Juusi Naawun yela zu, ba chisirini ba taaba balisi zaa puusigu, ama daari la Naawunni wusi ma, m da chisira niso zaa puusigu, 29a zu, ya n booli ma la, m bi zagsi, ka ta. Bo zu n na ya booli ma? 30Koniiliya yeli, Dantanyaaŋa la, o wuluŋgauwa, jemanso seesi yi n togsira Naawun saani la, m daa n ba m dii, a togsira Naawun saani, ka nye daba n za m yiya, a pili bimpinna, a nyelisira, 31ka o yeli ma, Koniiliya, Naawunni wumi e n togsira o saani, ka naa bini tira nandaandima. 32A zu, booli Simon, so ba n boona Piita la, a yi Jopa puwa, o bani Simon gbanzaba yiri n leeli teeku la. 33A puli maa niŋi, m daa n tumi dabsi, ba wa ti booli i, e mi mari jilima ta. Pimpariŋa ti zaa ti laŋsi Naawun nufu niŋi, ti ti wumi yaseesi o n ya n ti e yeli. 34Piita yeli, Yamonsi, m ti baŋini maa, Naawunni bi gamsira baligusi. 35Ama baligusi zaa puwa, seesi zaa n zora u dabeem, ka niŋina yasuma, barima n petira u. 36Wune n daa n ti Yeesu Kristu, so n niŋi so zaa duuma, o ta Juusi dima saani, a ti wusi ba seema ba ni niŋi n nye sufu maagirisim. 37Pimpariŋa ya baŋŋi yaseesi n daa n niŋi, a yi Galili paaligu poin, ka yi Judiya paaligu zaa, seema Jon Baatisi n daa n wusira niriba, ka su ba koom, 38a ni seema Naawunni n naag o sii ni kpeeŋu ti Yeesu n yi Nazire tiŋŋa puwa, o gaa n chaŋina, a niŋina yasuma, ka kari kikpaarigusi zaa basira, a kpali Naawunni n ba o saani la zu. 39Ka yaseesi zaa o n daa n niŋi, a yi Jiruusilim tiŋŋa puu ni Juusi dima paaligu zaa la, ti mi niŋi a zaa dansiyasi. Ka ba kpa u tabi daa, o kpi. 40O daba ata daari, Naawunni nyisigi u, a yi kum puwa, ka naag u wusi niseesi, 41seesi zaa o n kpabira ba loobi yela maa dansiyasi. Naawunni n ti nyisigi u kum puu la, ti seesi ni nu n di, ka ŋu, ti loobi o yela maa dansiyasi, 42ka o yeli ti, ni ti wusi niriba, ni wune n niŋi so Naawunni n nyisi, o ti niŋi kpiinsi ni nisaaldima seriyadira la. 43Ya nyaasi, Naawun chaamesi zaa gba daa n wusi, ni so zaa n niŋina Yeesu yeride, Naawunni ni naag o yabeeri che n paŋŋi u, a kpali Yeesu zu. 44Piita n daa n na togsira n ŋa, Naawun sii kpe seesi n wumina maa niŋi. 45Niseesi n pa Piita zu, a yi Jopa la niŋini seesi n ŋmaara yoya, ka dee Yeesu yela di. Ba n ti nye Naawun sii n kpe baliguseesi n bi ŋmaara yoya maa niŋi, ka ba togsira yatogseesi ba n bi wumina, a kpeesira Naawunni, a ku ba noya. Piita yeli ba, 47Naawunni naag o sii ti niribaa seema o n daa n naa n ti ti la, a zu, ka ti zagsi ba koom suubu, lala veela? 48Ka Piita yeli niriba maa, Ya cheli ti su ya koom, a kpali Yeesu yuuri zu. ?ama n ti niŋi, ba yeli Piita, ni o ba niŋi daba ayi.

will be added

X\