Jon atadaana 1

1M zo Gaya, mani kpeema maa puusira i, ka kpabira e yela ni yamonsi, 2ka suusira Naawunni o ti i zusuŋŋu, a ni alaanfiya. M baŋiya maa, ya paara Naawun zu nene, 3a kpali bo, ya taaba seesi daa n ta, ka yeli e yela seema e n kpabira yamonsi, ka paara a zu, ka lala ti m sufu peligi ga. 4Lala n na, ka ma wumi maa, m biisi paarini yamonsi la zu, bunso zaa ki tee n ti m sufu peligi, a gaari n ŋa. 5M zo, seema e n moligira saamba seesi n paara Yeesu zu, a ni Yeesu nyaaŋpaariba zaa la, e niŋina nene ga. 6Ka ba seesi ti yeli kpe chaachi dima seema e n kpabira e taaba. A zu, niŋi aniya moligira ba yi ba chaŋinisim puwa, seema n petira Naawunni. 7A kpali bo, Yeesu zu n na ba yi n chaŋina la, ka bi nyaara seŋ, a yi seesi n bi paara Naawun zu saani. 8A zu, o daga ti moligira ba, ti ni ba zaa ti ti tumina tumluŋko, a wusira Naawun yamonsi. 9M sebini gbaŋŋu ti e chaachi taaba, ama Dotirifi, so yi n kpabira o niŋi ba yipaara bi tira ti jilima. 10A zu, ka m pa taya, m ni yeli ya seema zaa o n niŋina, a yetira yabeeri ŋmeŋsira ma, ka mi niŋi yabeeri paasira, a kpali seema o n bi deegira ti taaba la. Ka seesi n kpabira ba deegira ba, o katira ba, a yi chaachi dima puwa. 11M zo, da niŋina yabeeri, ama yasuma. A kpali bo, so n niŋina yasuma niŋini Naawun toori, ama so n niŋina yabeeri na bi nye Naawunni. 12So zaa togsira Dimiitiriya yela, ni o niŋina yamonsi. Ka ti mi niŋi o dansiyasi, ka e baŋŋi maa, ti togsira yamonsi. 13Halli ka m na kpabira m yeli i yadamta, m ki sebi yeli i. 14Ama daba ayi m kpabira m nye i, ka togsi e saani. 15Ti taaba puusira i. Puusi e taaba zaa ti ti. Naawunni ti i niŋgbirimaasim.

will be added

X\