Timoti ayidaana 2

1A zu, m bii Timoti, Naawunni ti i daama, a yi Yeesu Kristu niŋi. 2Ka yaseesi zaa ni daa n wusi i nivudamta nufu niŋi la, naag a wusi niseesi e n niŋi yeride, ba mi wusira ba taaba. 3Nyaasi, ka soojisi tumina ba tuma, ba bi lee n tumina tumyindaana, a kpali bo, ba kpabira a petira so n nyisi ba la. A zu, e gba e tumi Yeesu Kristu nyaara nam, a maa seema soojiseesi n tumina nene. 5Lee n nyaasi, ka niso cheegira, o ti di o taaba, ba ki sagi n yeli maa, o di ba, ama o pani cheegirisim zaaligusi maa zu. 6Lala n na, kokpaariso n moo nufu koora, o daga o nye piiligu bindira maa. 7A zu, feera yela ŋa feri, ka ti duuma ni ti e mari a zaa baŋinisim. 8Teesira Yeesu Kristu yela. Wune n daa n niŋi naaba Dawuda yaŋŋu la, ka nyisigi kum puwa, seema ni wusira. 9A kpali o baarusuma wusigu maa zu, ma nyaara nam, ba le ma abanasi, a maa yabeniŋina, ama ba ki tee n le Naawun wusigu maa. 10A zu, halli ka ma nyaara nam, m ni mari kenyiti, a ti moligira niseesi Naawunni n daa n nyisi la, ba nye moligirisim, a ba Alizaana saŋa ni saŋa zaa, a kpali Yeesu Kristu zu. 11Yamonsi n na, ni 12Koo, ka ti nyaara nam, a ni kenyiti, ti ni nu ni mari daama. Ama, ka ti zagsi u, o gba ni zagsi ti. 13Ama, halli ka ti cherigiya, ka bi lee n niŋina u yeride, ŋu wune ki cherigi, a kpali bo, o ki tee n zagsi o maŋŋa. 14Teesira e taaba yela ŋa, ka naa ti duuma daama yeli ba, ni ba da naa yatoga gbina dira amore. N ŋa amore diibu bi moligira seesi n wumina, ama a saamina ba yela. 15Moo nufu tumina seema n petira Naawunni, a maa tumtuminiso n tumina nene, ka ka vi, ka yi wusira Naawun yamonsi nene. 16Da togsira jagajaga, a kpali bo, a yi taasira niriba zagsira Naawun yela, ba loobi n niŋina yabeeri, a maa nantari n loobira takulli. Ba bayi n niŋi Hameniya ni Fileta, 18ka zagsi Naawun yamonsi, a yetira, ni niriba kum puu nyisigirisim tee n gali. Lala n na, ba ti seesi zagsira Yeesu yeride niŋinisim. 19Ama Naawun yamonsi ka cherigirisim, ka ti baŋiya maa, a niŋi yamonsi, a kpali bo, yinni, Ti duuma baŋŋi seesi zaa n niŋi o toori. Ayi, Seesi zaa n yetira, ni ba paarini ti duuma zu, ba da niŋina yabeeri. 20Nyaasi, a yi natintaa yiri, sugasi bini ni katisasi ni ŋmama ni laasi zaa ba niŋi. A seesi mari jilima, ka seesi ka jilima. 21Lala n na, ka niso zaa zagsi yabeeri, ka niŋi siriya niŋina yasuma, o niŋini maa binseesi n mari jilima la, ka ba naag a zaali naaba maa. 22A zu, da kpabira yabeseesi bipola n kpabira, ama kpabira yasuma, a ni yeride niŋinisim, a ni niriba kpabirisim, a ni niŋgbirimaasim, a maa seesi n suusira ti duuma, a ni sufupeeli. 23Ka da kpabira zoltiri amore diibu, a kpali bo, e baŋiya maa, a taasirini zabiri. 24Ka so zaa n tumina ti duuma, o da zabira, ama o tira niso zaa jilima, ka wusira nene, ka mari kenyiti, 25ka naa jilimatiri wusira seesi n bi paara ti wusigu zu. A koo Naawunni di n ti ba dee n saamiya, ka ti baŋŋi yamonsi. 26Lala n na, ba n di n nye yam ni daama zo, a yi Sitaana saani, so n kpabira o gbaa ba, ba tumina u la.

will be added

X\