Tesalonika ayidaana 2

1Ti taaba, ti ya n yeli ya ni ti duuma Yeesu Kristu taabu yela, a ni seema ti n di n laŋsi n tuusi u, ama o na bi ta. A zu, ka bunso zaa, halli zaasim, koo yatoga, koo gbaŋso ba n daa n sebi n ti ya, ka yomsi n yetira ni mani n sebi la, ka o wusira maa, ti duuma tee n ta, ya da deeg a di, koo, a ti ya sufusi damtira. 3Ya da ti so zaa yomsira ya n ŋa. A kpali bo, nivudamta ni zagsi Yeesu yela, ka dabso o ta, poin ka Yeesu taabu daari maa o paa. Daba maa ni niŋi yabeniŋina, ka ya n gaari bugum ziya, 4ka zabira bunso zaa niriba n boona naawunni, koo buga, o ti dee ziya, a yi Naawun dii, a yetira maa o niŋini Naawunni. 5Ya teesi, Ni daa n ba ya saani, m daa n wusi ya yela ŋa zaa, 6ka ya baŋŋi yaso n bi ti daba maa ta pimpariŋa. Ama o jemani ti paa, o ni ta. 7Pimpariŋa seesi n niŋina yabeeri ba niŋi, ama ba sogi n niŋina a. A kpali bo, yindaana ti yabeeri bi zoogira, ka o ni niŋina n ŋa, ama o pa ti ka niŋi. 8A jemani maa dabso n ya n niŋina yabeeri ga la ni ta, ama ti duuma Yeesu gba ni ta, ka ti o noori sauwa ku u. 9Ya nyaasi, Sitaana ni ti yabeniŋina maa o ta n ŋa, ka ti u daama ga, o niŋina mamaachi yela, a ni yabeeri, a yomsira niseesi n ya n we bugum ziya. A kpali bo, ba ki kpabira ba dee yamonsi, a ti nye moligirisim. 11A zu n na Naawunni ni sagi ba nye yomsigu, a niŋina jiri yeride. 12Lala n na seesi zaa n bi dee yamonsi, ka kpabira yabeeri la ni nye tubiri darigirisim. 13Ti taaba, ti duuma Yeesu kpabira ya, o daga ti yi kpeesira Naawunni tira ya. A kpali bo, o daa n nyisi ya, a yi piiligu, o sii ti ya loobi o toori, a nye moligirisim, ka dee yamonsi. 14O ti n ŋa niŋi, a kpali seema o n daa n ti ti wusi ya Yeesu baarusuma la, ka ti ya nye daamaso ti duuma Yeesu Kristu n mari la. 15A zu, ti taaba, ya niŋi aniya mari kenyiti, ka da zagsira yaseesi ti n daa n wusi ya, koo, a sebi n ti ya la. 16Ti duuma Yeesu Kristu, a ni ti ba Naawunni, so n kpabira ti ga, ka ti ti barika ti mari tama ga, a ni meesim, a wara saŋa ni saŋa zaa la, 17ba duusira ya zuuri, ka ti ya niŋina yasuma zaa, ka wusira a.

will be added

X\