Korinti ayidaana 9

1O bi lee n tiri ma m sebi n yeli ya ligiri lobirisim maa yela, a kpali bo, m baŋŋi maa, ya niŋini siriya ya ti lobi n tira Naawun niriba n ba Judiya paaligu la, ka m tee n yeli chaachidima n ba Masidoona paaligu puu seema ya Giriiki paaligu dima n daa n niŋi siriya yumini la ya lobi ligiri maa, ka n ŋa duusi ba nivudamta zuuri. 3A zu n na, m ya n tumi ti taaba maa, seema ti n kpeesira ya maa o da ti niŋi putoom, ama ya niŋina siriya, a niŋina seema ni yetira la. 4Lala n na, ka Masidoona paaligu dima pa m zu ta ya saani, ba ni nye ya n niŋi siriya, ka ti ni ya zaa ki mari vi. 5A zu n na, ma ya n tumi ti taaba maa ba pa m yiya, a ti ya niŋi siriya, a yi ligiri maa yela, seema ya n daa n ti noori la, o da niŋi maa bobirisim, ama ya kiperi piini piibu. 6O niŋini maa, so n buri bumbura beela ni nye beela ko, ka so n buri a zoo ni nye ga. 7A zu so zaa o lobi ligiri seema o n ŋme o sufu, ama o da niŋi maa ba n bobira u, a kpali bo, Naawunni kpabira ba tira a, a ni pupeelim. 8Ka Naawunni ni tee n ti ya barika zaa, ya nye bunso zaa n tiri, ka lee n nye n paasi, a tumina tumsuma zaa. 9A maa seema ba n daa n sebi n digili Naawun buku puwa, ni nandaandima n na o tori n tira, ka o yasuma ni ba niŋi saŋa ni saŋa zaa. 10Naawunni so n naa bumbura tira kokpaariba, ka mi naa bindira tira niriba, wune ni ti ya bini karigi n wanna, ya loobi n niŋi yasuma paasi. 11Ka wune Naawunni ni ti ya nye bindaalim, ya ti mari bunye lobi ligiri maa, ka ligiri maa ti n ya n dee n mari maa ni ti nivudamta ba kpeesira Naawunni. 12A kpali bo, tuma ŋa ni moligi Naawun niriba, a yi ba nam niŋi, ka ti ba kpeesira wune Naawunni. 13Lala n na tuma ŋa ni ti Naawun yuuri o du, a kpali seema ya n paara Yeesu Kristu baarusuma zu, a ni seema ya n mari bunye moligira Naawun niriba. 14Ka ba ni kpabira ya yela, ka suusi Naawunni tira ya, a kpali seema Naawunni n ti ya barika ga ya lobira ligiri n ŋa. 15Ya cheli ti kpeesira Naawunni, a kpali piinitintaa so o n pi ti maa.

will be added

X\