Korinti ayidaana 7

1Ti taaba, a kpali Naawunni n daa n ti ti noya ŋa, ti da niŋina yabee zaa, koo, a feera feribee zaa, ka zora Naawunni dabeem, a niŋina yasuma zaa. 2Ti taaba, ya niŋi aniya kpabira ti. Ti na bi niŋi ya yindaana zaa yabee, koo, a yomsi ya. 3M bi yetira n ŋa, ya ti mari vi, ama seema ni daa n yeli, ti kpabira ya ga, halli nyevuri, koo kum. 4Ya nyaasi, m niŋi ya tama ga, ka lee n kpeesira ya ga. Halli ka ti nyaara nam la, m dirini meesim, ka m puu peligi ga. 5Ti n daa n gaa Masidoona paaligu, ti daa n bi tee n vuusi, a kpali bo, seela zaa ti daa n nyaara nam, halli seesi zabira ti, ka dabeem mi gbaa ti. 6Ama Naawunni so n duusira namnyaariba zuuri ti Tito tuusi ti, a duusi ti zuuri. 7O n daa n tuusi ti maa, o mi yeli ti ya yela, ni ya duusi o gba zu, ka kpabira ti, ka mari sufusaaŋu, a kpali seema ya n daa n taasi ti sufusaaŋu la zu, ka mi tumina ma ga. A zu, m sufu peligi ga. 8Ya nyaasi, gbaŋso ni daa n sebi n ti ya la daa n ti ya mari sufusaaŋu, ka mi saami m gbagba sufu. Ama o bi lee n tiri ma, a kpali bo, o saami ya sufusi beela ko, 9ka ti ya dee ya saamiya, ka lala ti m sufu maa ma. A kpali bo, Naawunni n taasi sufusaaŋu maa zu, gbaŋŋu maa bi niŋi ya yabee zaa. 10Yamonsi, ka Naawunni n taasira sufusaaŋu, o yi ti niriba ba dee ba saamiya, a nye moligirisim, a ni sufumaagirisim. Ama sufusaanso Naawunni n bi taasira tira kum. 11Ama ya nyaasi sufusaanso Naawunni n ti ya mari la, a ni seema a n ti ya niŋi aniya, a chisira ya noori, ka je suuri niŋi ya zuuri, a ni dabeem, ka kpabira m yela, ka tumina nene, ka darigi nivubee maa tubiri. A yi yela ŋa zaa, ya wusini maa, ya n bi niŋi yabee. 12Ka gbaŋso ni daa n sebi n ti ya la, pa yabeniŋina maa zu, koo so saani o n niŋi yabee maa zu, ma sebi u, ama ya ti baŋŋi maa seema ya n kpabira ti, a yi Naawun saani. 13Ka lala ti ti sufusi peligi. Ka Tito mi sufupeeli paasi ti sufupeeli maa, a kpali bo, ya ti o sufu za ziluŋko. 14Ka yaseesi zaa ni daa n naa n kpeesira ya o saani la loobi yamonsi, ka bi ti ma mari vi, a maa seema yaseesi zaa ti n daa n yeli ya la gba niŋi yamonsi. 15Ka Tito mi kpabira ya yela ga, a kpali o teesira seema ya n daa n wumi o noori, ka deeg u jilimatiri. 16Ka m gba puu peligi ga, a kpali seema m ni tee n niŋi ya yeride, a yi yaso zaa niŋi.

will be added

X\