Korinti ayidaana 4

1Ya nyaasi, Naawunni zo m nimbaa, a zaali tuma ŋa ti ma, a zu m ki zagsi a. 2M mi ki lee n sagi n niŋi yabee, koo, a cherigi Naawun yela, koo, a niŋi bunso zaa di n ti yomsira niriba ba paara m zu. Ama m togsira yamonsi niriba nufu niŋi, a ti ba feera feri paara m zu, Naawun nufu niŋi. 3Ama seesi ki tee n dee baarusuma ni wusira la, a kpali bo, ba ya n weni bugum ziya. Ama ba ko n bi wumina a, 4a kpali bo, durinye yela kpabirisim ti ba ki tee n deeg a, ba da baŋŋi baarusumseesi n wusira Yeesu Kristu so n ŋmaani Naawunni la daama yamonsi. 5Ya nyaasi, pa ti gbagba yela n na ti wusira, ama Yeesu Kristu yela, ni wune n niŋi duuma, ka ti tumina ya, a kpali o zu. 6Bunso zaa piiligu, wune Naawunni daa n yeli, Cheli paaligu nyaŋŋi ligu. Ka o mi ti paaligu ba ti sufusi niŋi, ti ti baŋŋi o gba daama, a yi Yeesu Kristu niŋi. 7Ya nyaasi, ti niŋasi niŋini maa duguri, seesi saaminisim n ka toom, ka Naawunni ti ti baŋŋi o daama ŋa. N ŋa wusira maa, daama maa bi niŋi ti daama, ama wune Naawunni daama. 8Ti wune nyaara nam ga, ama a na bi nyaŋŋi ti. Ti ba toom puwa, ka na bi zagsi. 9Ba namsira ti ga, ama Naawunni ba ti saani. Ba zabira ti ni, ka na bi ku ti. 10Lala n na, jemanso zaa ti n ba durinye ŋa puwa, ti nyaara nam, a maa seema ba n daa n niŋi n ku Yeesu la. Yeesu zu n na ti nyaara nam maa, niriba ba ti nye Yeesu nyevuri, a yi ti niŋasi niŋi. 12N ŋa gbinni n niŋi maa, ti n nyaara nam ga, ka n ŋa ti ya nyaara nyevuri. 13Ya nyaasi, kusu zaa Naawun chaame yindaana daa n yeli, ni o deeni yela di, ka yetira a yela. Lala n na, ti gba niŋi Naawunni yeride, a deeg o yela di, ka yetira a yela. 14Ka ti mi baŋŋi maa, Naawunni so n daa n nyisigi Yeesu, a yi kum puu la ni lee n nyisigi ti, ti ti paa Yeesu, o mari ti ni ya zaa ti gaari Naawun saani. 15Ka namseesi zaa ti n nyaara maa, ya zu n na ti nyaara a, Naawunni o ti nivudamta barika, ba loobi n kpeesira u, ka tira u jilima. 16A la zu, ti ki zagsi ti duuma. Halli ka ti kogira, ti siisi yi nyaara kpeeŋu taaru zaa, 17ka namseesi ti n nyaara bi zoo, ka niŋina ti ni siriya, ti ti ba Alizaana, a dira o meesim ni daama ga, seesi n ka ŋmeŋsigu zaa. 18Ama ti wune bi kpabira durinye ŋa bini, ama binseesi nisaaldima n ki tee n nye. A kpali bo, durinye bini mari a baasigu, ama binseesi nisaaldima n ki tee n nye la ka baasigu zaa.

will be added

X\