Korinti ayidaana 3

1O bi niŋini maa ti n kpalimina, ka o bi tiri ba sebi gbana wusira ya ti yaniŋisa seema a n be, koo, ya gba ya sebi gbana wusira ti yaniŋisa seema a n be, a maa seema seesi n kpabira. 2A kpali bo, ti sufusi niŋi ti baŋŋi maa, nivudamta nyaara ya yaniŋisa, ka n ŋa wusira ti gba yaniŋisa. 3Ka ya yaniŋisa maa wusira maa, ya n paara Yeesu Kristu zu, seema ti n daa n wusi ya la, a ni seema Naawun sii n tira. O bi niŋi ma seema ba n sebira gbana, koo, seema Naawunni n daa n zaali o zaaligusi la, ama ya sufusi niŋi ya kpabira ya niŋina n ŋa. 4M yelini n ŋa, a kpali bo, Yeesu Kristu ti ti mari tama, a yi Naawun saani. 5O bi niŋi maa tirima n taasi, koo, a mari daama, ama Naawunni n taasira, 6ka loobi ti ti naag o sii wusira o yapaala. Yapaala maa bi niŋi maa Naawun zaaligusi n kuura la, ama a niŋini Naawun sii yela, ka tira nyevuri. 7Saŋa la Naawunni daa n wusi Musa o zaaligusi, ka sebi a digili kugtintaa maa niŋi, ka Juusi dima daa n bi tee n nyaasira Musa nufusee, a kpali seema o n daa n nyagsira, halli nyagsirisim maa daa n ti baasira. Ya nyaasi, halli ka zaaligusi maa taasira kum, a taabu maa daa n ti Musa nufusee nyagsira ga. 8A zu, ti baŋŋi maa, Naawun sii, so n tira nyevuri la taabu ni mari daama gaari zaaligusi maa taabu. 9A kpali bo, yaso n ti niriba loobi nivusuma Naawun saani mari daama gaari yaso n ti niriba liira. 10O niŋini maa yaseesi n daa n mari daama lee n ka daama, a kpali bo, yapaala maa mari daama gaari a ga. 11Koo, ka yaseesi n baasira la taabu daa n mari daama, yaseesi n ka baasigu zaa mari daama gaari a ga. 12Tama maa ti n mari maa ti ti mari dabilim ga. 13O bi niŋi maa seema Musa n daa n pili o nufusee, Juusi dima ba da nyaara nyagsirisim maa n baasira la. 14Juusi dima maa daa n mari sufukpeeŋu. Halli ti yini zinni ba karimina Naawun zaaligusi maa, ka bi nyaara a gbina, a kpali bo, a gbina na pilini, ka Yeesu Kristu ko ni tee n piligi a. 15Lala n na, ka Juusi dima karimina yaseesi Musa n daa n sebi la, ba sufusi bi deegira a, 16ama ka niso n paara ti duuma zu, o ni baŋŋi a gbina nene. 17Ama ti duuma maa ni Naawun sii maa niŋini luŋko, ka seela zaa Naawun sii n be, zaaligusi maa ni yabeeri lee n ka daama. 18Ti zaa nyaara ti duuma maa daama nene, ka loobi n ŋmaantira u, a nye daama paasira. Wune ti duuma so n niŋi sii maa taasira.

will be added

X\