Korinti ayidaana 12

1To, halli ka a ka tono, m ni lee n kpalimi, a yeli seema ti duuma n daa n ti ma zaasi zaasima, a nye yela. 2Lala n na, yuma pii ni anaasi la m baŋŋi maa, Yeesu Kristu nyaaŋpaara daa n du n gaa Alizaana, ama o sii ko, koo, o niŋa zaa m bi baŋŋi, ama Naawunni n baŋŋi, ka yela maa niŋi yamonsi. 4Niŋi n na, o daa n wumi yaseesi n ka yelibu, seema nisaala n ki tee n yeli. 5Qama yela mari kpaliminisim, ama m ki naa m yela kpalimina, ka pa m pugirisim ko. 6Ama ka m di kpabira m kpalimina, m di ki niŋi zoliga, a kpali bo, m di n yetira yamonsi. Ama m ki kpalimi, so zaa o nye ma, ka wumi, a ŋme o sufu, a baŋŋi seema ni be. 7Ama zaasimseesi Naawunni n daa n ti ma zaasira ga la, o bi kpabira a ti m kpalimina. A zu beerim daa n ti ba m niŋa niŋi, a niŋi maa Sitaana malaki n buura ma, m da kpalimina. 8Buta zaa m suusi ti duuma beerim maa yela, ni o nyisi a, 9ama o yeli ma, ni barikaso o n naa n tira ma sagsiya, a kpali bo, o kpeeŋu mari daama, a yi nisaaldima pugirisim niŋi. A zu m niŋi siriya yetira m pugirisim yela, Yeesu Kristu kpeeŋu o ba m niŋi. 10Lala n na, ka m pugiya, koo, niriba tuura ma, koo, ma beligira, koo, a nyaara nam, m sufu peligiya, a kpali bo, ka pugirisim ba niŋi, kpeeŋu gba mi ba niŋi. 11Ni togsira n ŋa, zoltiri n na, ama yarima n bobi ma, ma niŋi n ŋa, a kpali bo, o veela ya n kpeesira ma, ama ya bi kpeesira ma. Halli ka m ka tono gba, niseesi n cherigira m wusigu maa ka tono gaari ma. 12Ama ni daa n ba ya saani, m daa n tumina yatintaasi ni mamaachi yela, a ni kenyiti, a maa niso n niŋi Naawun tumu yamonsi, 13ka daa n nyaasira ya, a maa chaachisi maa zaa, ama m bi yeli ya ya nyisi ligiri ti ma. Ka lala bi veela, ya che n paŋŋi ma. 14Pimpariŋa m ya n tani ya saani butadaana, ama m bi kpabira m deegira ya bini, a kpali bo, yarima n na ma kpabira, pa ya bini. O niŋini maa seema biisi n dira ba badima kapitesi, ama badima bi dira ba biisi kapitesi. 15Lala n na, ma kpabira m tumi n beligi n tira ya, ya ti nye tono Naawun saani. Ama ka m kpabira ya ga, o veela ya gba ya kpabira ma. 16Ama ya seesi yetira, ni halli ka m daa n bi deegira ya bini, m daa n yomsi ya nye tono. 17Ya nyaasi, ni daa n tumi niriba ya saani, ba luŋko zaa daa n bi puni ya. 18Lala n na ma daa n tumi Tito ni o todaana ya saani, ka o bi niŋi ya yabee zaa, a kpali bo, m ni nu mari sufuluŋko, ka tumina tumluŋko. 19Ti taaba, ya da feera maa, ti n moligira ti maŋsi, a yi ya saani, ama seema Naawunni ni Yeesu Kristu n kpabira la ti togsira, a ti moligira ya gba. 20Ama m feera maa, ka m pa ti ta ya saani, ya ki ba seema ni kpabira, ka m gba ki ba seema ya gba n kpabira. A kpali bo, m bi kpabira ya zabira, koo, a mari pubeerim, koo, a jeera suuri, koo, a mari miiri, koo, a tuura taaba, koo, a zuura taaba nyaana, koo, a poo, koo, a ka naŋgbanluŋko. 21Lala zu, ka m pa ti ta ya saani, m fe maa, Naawunni ni ti m mari sufusaaŋu, a kpali seesi n daa n niŋi yabeeri ga, ka na bi dee ba saamiya la.

will be added

X\