Korinti ayidaana 11

1M taaba, m kpabira m togsi zoltiri beela, ya wumi. 2A kpali bo, Naawunni ti ma kpabira ya yela ga, ka seema ba n naa pogipaali ti o sira, lala n na ma daa n kpabira ya niŋi nivusuma loobi Kristu toori. 3Ama, a maa seema waafu n daa n yomsi Hauwa la, m fe maa, seesi ni yomsi ya, ya da lee n tumina Yeesu Kristu nene. 4A kpali bo, ka niseesi daa n ti cherigi Yeesu yela wusi ya, ya daa n dee ba yela yoom. Ba mi daa n ti ya siso ni baarusuma so ti n daa n bi naa n ti ya la, ka ya deeg a. 5M fe maa, niriba maa bi tumina Naawunni gaari ma. 6Halli ka m bi togsira nene, m mari baŋinisim ga, a maa seema ti n daa n wusira ya yela zaa nene la. 7Ya nyaasi, ni daa n wusira ya Naawun baarusuma la, m daa n bi deegira ya ligiri. Lala n na ma daa n bi ti m yuuri du, ama ya yuya. Lala bi veela? 8Ya lee n nyaasi, ni daa n ba ya saani, ka bi mari bunso zaa, m daa n bi bobira ya so zaa, ama Yeesu nyaaŋpaariba n yi Masidoona paaligu daa n moligira ma. O niŋini maa, m zu ligiri yi ba saani, a ti tumina ya. Lala n na ma daa n bi saami ya ligiri, ka ki sagi n saami a. 10Yamonsi, Kristu zu, m ki sagi n dee ya ligiri, a kpali bo, m kpabira m yetira, ni m bi saami ya Giriiki paaligu dima ligiri zaa. 11A kpali bo, m kpabira ya, a maa seema Naawunni n baŋŋi. 12Ama yaso zaa ni niŋina, m ni lee n niŋina a, niriba maa ba da nye daama kpalimi n yetira, ni ti ni ba zaa tumina tumtumluŋko. 13A kpali bo, ba bi niŋi Kristu tumusi, ama jiri ŋmaariba, a yomsira niriba yetira maa, ba niŋini Kristu tumusi. 14Sitaana n na ba tumina, ka ba niŋina seema ba yidaana maa n niŋina. Wune n yomsi niriba yetira maa, o niŋini Naawun malaki. A zu n na o tumtuminiba maa mi yomsi n yetira, ni ba tumina tumsuma. Ama a baasigu ba ni nye ba tuma maa tubiri darigirisim. 16Ya lee n nyaasi, ka da feera maa, m zoligini. Ama halli ka ya feera maa, m zoligini, ya wumi m yela, ka m kpalimi beela. 17Ti duuma bi ti ma daama m togsira n ŋa, ama m ya n kpalimini, a maa zoliga. 18Nivudamta naa durinye yela kpalimina, a zu, m gba ni kpalimi. 19Ka ya wune, a kpali ya n mari yam la zu, ya yi wumina zolisi yela, a ni pupeelim. 20Ya lee n nyaasi, halli ka nira ti ya loobi girunsi, koo, a bobira ya, koo, a yomsira ya, koo, a ti o yuuri du, koo, a lobi ya nimpegu, ya bi katira u. 21Ama ti wune, ti ki sagi n niŋi ya lala. Koo, ka nira kpeesira o maŋŋa, m ni tee n kpeesi m maŋŋa gaari u, ama zoltiri n na. 22Halli ka o yetira maa, o niŋini Juusi daba, m gba niŋini. Koo, o yetira maa, o niŋini Ibrahim yaŋŋu, m gba niŋini. 23Koo, o yetira maa, o tumina Yeesu Kristu, m tumi n gaari u, ama n ŋa kpaliminisim niŋini zoltiri. Halli lala m tumina Kristu ga, ka ba daa n yoora ma dii ga, koo, a buura ma ga, koo, m yi ya n kpi. 24Lala n na Juusi dima daa n feebi ma bupisita ni awai, ka niŋi n ŋa bunu zu. 25Ka niriba naa daari bu ma buta zu, ka lobi ma kuga buluŋko. M buta zu zaa ŋarima muri ma, a niŋi teeku puwa, ka dindaluŋko, yiiŋu ni wuntooŋu, m pa daa niŋi dolisira teeku. 26M yi chaŋina, ka ba toom puwa, a kpali moga koom, koo tayugsi, koo Juusi dima, koo baligusi, koo tiŋsi dima, koo dalimpii paaligu, koo teeku koom, koo yomsiriba. 27Lala n na ma tumi n nyaara nam ga, a koŋina gbeem ga, a ni kom ni konyuuri, ka waari kuura ma, ka m bi mari bimpinna. 28A ni yela ŋa zaa, m yi nyaasira chaachisi maa zaa, ka ba yela tiri ma ga. 29A kpali bo, ka ba yindaana zaa sufu saamiya, m gba sufu n saami. Koo, ka yindaana niŋi yabee, yela maa damtira m sufu. 30A zu n na, ka m yetira m yela, m ni yeli seema m pugirisim n be. 31Ka Naawunni, so n niŋi ti duuma Yeesu ba, ka ni nye kpeesigu saŋa ni saŋa zaa la, wune n baŋŋi maa, m bi ŋmaara jiri. 32Ya nyaasi, ni daa n ba Damasika tiŋŋa puwa, ba naaba maa, so ba n boona Areta la daa n ti tiŋŋa maa gomina ti ba nyaasira tiŋŋa maa begsi zaa, ba ti gbaa ma, 33ama m zodima mari ma gaari tiŋŋa maa gondaa tokiro, ma yi n kpe pee puwa, ka ba ti o sigi tiŋŋa, ma yi n zo n gaari.

will be added

X\