Korinti ayidaana 10

1Mani Pool suusira ya ni bunso, a maa seema Yeesu Kristu n daa n ba boin, ka tira jilima la. M baŋŋi ba n yetira, ni ka m ba ya saani m bani boin, ama ka m ti yi ya saani m yi marini dabilim. 2Ama m suusira ya ni, ni ka m ti ta ya saani, ya da ti m mari dabilim, a maa seema m di n mari dabilim, a yi seesi n yetira, ni ti kpabira durinye yela la saani. 3Halli ka ti ba durinye puwa, ti bi zabira toowa maa durinye dima, 4a kpali bo, ti bi mari toowa bini maa durinye dima, ama Naawunni tira ti daama, ti ti katira ti dindima feri feera, a ni bunso zaa n tira niriba ba da baŋŋi Naawun yela, Yeesu Kristu o mari daama, a yi ya feri feera zaa niŋi. 6Ya n ti sagi n ŋa, ti ni niŋi siriya darigi so zaa n bi sagi la tubiri. 7Ya nyaasi yela ŋa nene, ka niso mari tama maa, o niŋini Kristu toori, ti gba mi niŋini. 8Halli ka m naa daamaso ti duuma n naa n ti ti la kpalimina beela, o ki ti vi mari ma, a kpali bo, daama maa bi saamina ya yela, ama o moligira ya. 9M bi kpabira m sebi gbana valisira ya, 10ka mi baŋŋi maa, nira ni yeli, ni m mari dabilim sebira, ama ka m ti ba ya saani, m ka kpeeŋu, ka bi togsira daamatiri. 11Ya cheli nira maa o baŋŋi maa, seema ti n sebira, a ni seema ti n niŋina, a yi ya saani, a zaa niŋini luŋko. 12O bi niŋi maa ti naa ti zuuri ŋmeŋsira seesi n kpeesira ba gbagba zuuri. Lala dima ka yam, a kpali bo, ba naa ba gbagba zuuri ŋmeŋsira taaba. 13Ama ti wune ki kpeesira ti zuuri ga, ama ti niŋina seema Naawunni n zaali ti, halli a ti ti tumina ya Korinti dima saani. 14O bi niŋi maa ti tumi n gaari seema Naawunni n zaali ti, ama wune Naawunni ti ti daŋŋi n mari Yeesu Kristu baarusuma ta ya saani. 15A zu, ti bi naa tumseesi Naawunni n bi zaali ti togsira, ama ti kpabira ya niŋi Yeesu yeride paasira, ti ti lee n nye daama tumina ya saani, 16ka gaari paaliguseesi n gali ya, a wa ti wusira Yeesu baarusuma, ti da nye kpeesigu, a yi tumso nivuyindaana n piili n tumi. 17Ama ya cheli so n kpeesira o kpeesira ti duuma. 18A kpali bo, niso n kpeesira o zu ki nye tono, ama niso ti duuma n kpeesira.

will be added

X\