Timoti piiligu daana 4

1Ama Naawun sii maa wusira maa, jemanso ni ta niseesi ba zagsi Yeesu Kristu yeride niŋinisim, ka paara jiri ni kikpaarigusi wusigu zu, 2a kpali niseesi n ŋmaara jiri, ka bi lee n kpabira yamonsi zaa la. 3Lala dima ni yeli ba da kulisira, koo, a naagira pogiba, koo, a dira bindiriseesi. Ama Naawunni maali a, ka ti niseesi n niŋina u yeride, ka baŋŋi yamonsi, ba dira a, a ni pupeelim. 4Nyaasi, bunso zaa Naawunni n maali veela, niriba ba da zagsira a, ama ba deegira a, a ni kpeesigu. 5Lala n na, a kpali Naawun n taasi a, ka ba naag a kpeesira u la zu, a zaa veela. 6Ka e naa yela ŋa wusira e taaba, e ni tumina Yeesu Kristu nene, ka mari daama, a kpali e n paara wusigusuma maa zu. 7Ama e cheli yaseesi n niŋi zoltiri, ka bi petira Naawunni la, ka niŋina o kiperi. 8Nyaasi, so n tumi n nyaara kpeeŋu o mari tono, ama so n paara Naawun zu nyaara tono ga, a kpali bo, o nyaara tono durinye puwa, ama ka o lee n ti kpi, o lee n nye tono Alizaana puwa. 9N ŋa niŋini yamonsi, ka o veela niriba deegira a nene. 10Lala zu, ti moo nufu tumina Naawunni, a ti nyaara yaseesi o n yeli la. Wune n mari daama, ka moligira niriba zaa, ama o moligira seesi zaa n deeg o yela la gaari seesi zaa n che. 11Nyaasi, yi wusira yela ŋa, 12ama halli ka e n niŋi bipolli ŋa, da ti niso zaa nyaasi i jaga. Ama, seema e n togsira, ka niŋina, yi wusira seesi n paara Naawun zu seema n veela, ni ba kpabira niriba, a ni yeride, a ni yasuma. 13Niŋi aniya a karimi Naawun buku tira ba, ka duusira ba zuuri, ka wusira ba, m pa ti ta. 14Ka daamaso e n mari, a yi jemanso kpemba n daa n naa ba nuusi pa e niŋi, ka Naawun chaame togsi n ti i la, da zagsi a niŋinisim. 15Moo nufu niŋina yela ŋa zaa, so zaa ba nye seema e n loobira daamadaana. 16Nyaasira e maŋŋa, a ni e wusigu. Yi niŋina n ŋa, a ti moligi e maŋŋa, a ni niseesi e n wusira maa.

will be added

X\