Piita piiligu daana 4

1Ya nyaasi. Seema Kristu n daa n nye nam, a yi durinye ŋa puu la, ya gba ya niŋi siriya nye nam. A kpali bo, seesi n nye nam ŋa bi lee n niŋina yabeeri. 2A zu, a ti paa ba kum daari, ba bi lee n niŋina nisaaldima kiperi, ama Naawun kiperi. 3Lala n na, ya gba ya da lee n niŋina yabeseesi baligusi n kpabira ba niŋina, halli taaba pogiba kpabirisim, koo dii saaminisim, koo daam kuunisim, koo wuna maaligu, so n bi petira Naawunni. 4Ba wune bi baŋŋi bunso zu ya n bi lee n paasi ba niŋina yabeeri ŋa. A zu, ba tuura ya. 5Ama Naawunni so n ya n di seesi n kpi, a ni seesi n mari nyevuri la seriya, o ni di ba gba seriya. 6A zu n na, ba daa n wusi seesi baarusuma maa, ka ba kpi, ka nye ba durinye ŋa puu yaniŋisa seriya diibu. Bunso zu ba n wusi ba la n ŋa, ba siisi, a ti ba niŋi, a maa Naawunni. 7Yela zaa baasigu paagira, a zu, ya moo nufu, ka dasi ya maŋsi niŋi, a suusira Naawunni. 8Ama a yi yela zaa niŋi, taaba kpabirisim n tiri ga, a yi ya saani, a kpali bo, ka ya kpabira taaba, ya ni che taaba yabeeri paŋina. 9Ka ya deegira taaba, a ni sufupeeli. 10Ka daamaso zaa Naawunni n ti ya so zaa ya naag a moligira taaba, ya ti niŋi maa seesi n dee barikaseesi Naawunni n tira ga la, a tumina nene. 11So zaa n togsira, o togsira seema Naawunni n ti o togsira. So n tumina o taaba, o yi naa kpeeŋso Naawunni n tira, a tumina tuma maa, Yeesu Kristu o ti Naawunni nye yuuri duubu, a yi yela zaa niŋi. Wune n mari yuuri duubu ni daama zaa, a wara saŋa ni saŋa zaa. 12M taaba, ya da ti namso ya n ya n nye pirigi ya, a maa o niŋi yapaali. Nam maa ni niŋi maa bugum, ka niŋi ya nyaasi. 13Ama ya mari sufupeeli, a kpali bo, namseesi Kristu n daa n nye la, ya gba ni nyaara a, ka a ni ti ya mari sufupeeli, a yi jemanso ya n di n nye o ni o daama. 14Lala n na, ka ba tuura ya, a kpali Kristu zu, o niŋini sufupeeli yela, a yi ya saani, a kpali bo, o wusira maa, Naawun siya, so n mari daama ga la ba ya puwa. 15Ama ya da niŋina yabeeri nyaara nam, halli kuubu, koo zuubu, koo nyaanzuubu. 16Ama ka so n nyaara nam, a kpali o n paara Yeesu Kristu zu, o da mari vi, ama o na paara, Naawun yuuri o du. 17Ya nyaasi. Niriba seriya diibu jemani maa paagira, ka Naawunni ni piili n di ti seesi n niŋi o niriba seriya. A zu, ti baŋiya maa, seesi n bi deeg o baarusuma maa ni nye tubiri darigirisim ga. 18A maa seema ba n daa n yeli, ni ka nivusuma moligirisim ba toom, yabeniŋiniba ni seesi n bi tira Naawunni jilima ki tee n nye. 19A zu, seesi n nyaara nam seema Naawunni n kpabira, ba moo nufu niŋina nene, ka niŋina u yeride maa o n di n moligi ba siisi. Wune n daa n maali durinye ŋa, ka mari yeride.

will be added

X\