Jon piiligu daana 5

1So zaa n baŋŋi maa, Yeesu niŋini Kristu niŋini Naawun biya, ka so zaa n kpabira bii maa ba, kpabirini bii maa. 2Ka Naawunni kpabirisim niŋini maa ti paara o zaaligusi la zu, ka zaaligusi maa paarisim ka toom. A zu, ka ti kpabira Naawunni, ka paara o zaaligusi la zu, ti baŋŋi maa, ti kpabirini o biisi. 4So zaa n niŋi Naawun biya niŋinini Naawunni yeride, ka yeride niŋinisim maa ti o nyaŋina durinye yela. 5Ya nyaasi. So n nyaŋina durinye ŋa yela la niŋini so n mari tama maa, Yeesu niŋi Naawun biya. 6Wune Yeesu Kristu daa n ta, ka ba su u koom, ka seesi ku u. Pa koom suubu ko n na, ama koom suubu, a ni kuubu la. 7Ka Naawun sii niŋi o dansiya, ka yi yetira yamonsi. 8Lala n na yela ata ba niŋi. A niŋini Naawun siya, a ni koom maa suubu, a ni o kum, ka a zaa sagi n pa taaba wusira Yeesu yela. 9Ya nyaasi, ka niriba niŋi dansiyasi, ka yetira yaso, ti niŋina ba yeride. Ama ka Naawunni yetira yaso, o yetigu maa mari daama gaari niriba yela, ka o tee n yeli o bii yela. 10So zaa n niŋina bii maa yeride mari tama, a yi o sufu niŋi. Ama seesi zaa n bi niŋina Naawunni yeride, ba loobi u maa jiriŋmaara, a kpali seema ba n bi deeg o bii maa yaseesi o n yeli la. 11Yela maa n ŋa, ni o tumi o bii maa, niriba ba nye nyevuriso n ka baasigu la. 12So zaa n dee o bii maa deeni nyevuri maa. Ama so zaa n bi dee bii maa ka nyevuri maa. 13M sebini yela ŋa ti ya seesi n niŋina Naawun bii yeride la, ya ti mari tama maa, ya mari nyevuriso n ka baasigu la. 14Ka ti mi mari tama maa, Naawunni ni wumi ti suusigu, ama ti suusigu maa o niŋi maa o kiperi. 15A zu, ka ti baŋŋi maa, o wumina ti suusigu zaa la, ti baŋŋi maa, ti ni nye ti suusigu maa. 16Ya nyaasi, ka so zaa nye o todaana n niŋina yabeso n bi tira nira koŋina nyevuri maa, o suusi Naawunni ti u, ka Naawunni ni ti u nyevuri maa. Ama yabeeri ba niŋi, ka ni tee n ti niriba ba koŋŋi nyevuri maa. M bi yetira, ni ya suusira Naawunni ti yabeniŋiniba ŋa. 17Yabeeri zaa bi petira Naawunni, ama a seesi bi tira nivu koŋina nyevuri maa. 18Ti baŋiya maa, so zaa n niŋi Naawun biya, bi niŋina yabeeri, a kpali bo, Naawun bii Yeesu nyaasira u ni nene, ka Sitaana ki tee n niŋi u seŋ. 19Ti baŋiya maa, ti niŋini Naawun toori, ama niriba zaa n che maa, Sitaana mari daama ba saani. 20Ka ti lee n baŋŋi maa, Naawun bii Yeesu daa n ti yoo ti nufu, ti pa baŋŋi so n niŋi Naawunni yamonsi. Ti wune paarini o zu, a ni o bii Yeesu Kristu zu. O ko n niŋi Naawunni, ka tira nyevuriso n ka baasigu la. 21M biisi, ya da maana buga.

will be added

X\