Jon piiligu daana 4

1M bikpabiriba, nivudamta yetira maa, ba mari Naawun siya, ka bi mari, ama ba chaŋŋi n wusira niriba. A zu, ya da niŋina wusiriba zaa yeride, ama ya niŋi ba nyaasira, a nye ba mari Naawun siya, koo, ba bi mari. 2Seema ya n baŋŋi Naawun sii n ŋa. So zaa n sagi n yetira, ni Naawunni daa n tumi Yeesu, o loobi nisaala ta durinye puu la marini Naawun siya. 3Ama so zaa n bi sagi n paara n ŋa zu bi mari Naawun sii maa, o marini Kristu dimma siya. Ba daa n yeli ya, ni dimma maa sii ni ta durinye puwa, o mi tee n ta. 4M biisi, ya wune niŋini Naawun toori, ka zagsira seesi n bi wusira nene la yela, a kpali bo, Naawun sii n ba ya niŋi la mari daama gaari Sitaana n ba durinye ŋa niriba niŋi. 5Wusiriba maa niŋini durinye ŋa toori, a togsira durinye ŋa yela, ka durinye niriba wumina. 6Ama ti wune niŋini Naawun toori, ka so zaa n baŋŋi Naawunni wumina ti yela, ama so zaa n bi niŋi Naawun toori bi wumina ti yela. N ŋa n na ti baŋŋi siso n mari yamonsi, a ni siso n ŋmaara jiri. 7M bikpabiriba, ya cheli ti kpabira taaba, a kpali bo, lala Naawunni kpabira. So zaa n kpabira o taaba ni Naawunni niŋini Naawun biya, ka baŋŋi Naawunni. 8Ama so zaa n bi kpabira o taaba ni Naawunni, bi baŋŋi u, a kpali bo, Naawunni n tira kpabirisim. 9Ti baŋiya maa, Naawunni kpabira ti, a kpali seema o n daa n tumi o biluŋko Yeesu ta durinye ŋa puwa, o ti ti nye nyevuri la. 10Ya nye seema kpabirisim maa n be. O bi niŋi maa tirima n kpabira Naawunni, ama wune n kpabira ti, ka daa n tumi o biya, o ti kpi n moligi ti, a yi ti yabeeri niŋi. 11M bikpabiriba, ya nyaasi seema Naawunni n kpabira ti, a zu, o daga ti gba n kpabira taaba. 12So zaa na bi nye Naawunni, ama ka ti kpabira taaba, Naawunni ba ti niŋi, ka ti ti kpabira taaba nene ga. 13Wune Naawunni ti ti o gbagba siya, a zu, ti mari tama maa, ti paarini o zu, ka o gba ba ti niŋi, 14ka ti nye o biya, ka wusira niriba, ni Naawunni daa n tumi u, o ti moligi durinye niriba. 15So zaa n yetira, ni Yeesu n niŋi Naawun biya, Naawunni bani o niŋi, ka o mi paara Naawun zu. 16Ka seema Naawunni n kpabira ti maa, ti baŋiya, ka niŋina u yeride. O ko n tira kpabirisim, ka so n kpabira o taaba ni Naawunni paarini Naawun zu, ka Naawunni ba o niŋi. 17Wune Naawunni ti ti kpabira taaba nene la ga, ti ti mari dabilim, a yi dindaso o n di n di so zaa seriya. Ka ti ni mari dabilim maa, a kpali bo, seema Yeesu n ba niŋi, ti mi ba niŋi durinye ŋa puwa. 18So n kpabira o taaba ni Naawunni bi zora dabeem, a kpali bo, kpabirisim maa katira dabeem. A zu, so n mari dabeem ka kpabirisim ga, ka feera maa o ni nye tubiri darigirisim. 19Ya nyaasi. Ti kpabira taaba, a kpali Naawunni daa n piili n kpabira ti. 20Ama ka so zaa n yetira, ni o kpabira Naawunni, ka bi kpabira o todaana, o ŋmaarini jiri, a kpali bo, so n bi kpabira o todaana, so o ni tee n nye, ki tee n kpabira Naawunni, so o n ki tee n nye. 21A zu n na Yeesu ti ti zaaligu ŋa, ni so n kpabira Naawunni, o mi kpabira o todaana.

will be added

X\