Korinti piiligu daana 7

1Pimpariŋa, m kpabira m sebi yaseesi ya n daa n sebi n boosi ma la. Ka daba bi naa poga, o veela. 2Ama, a kpali Sitaana ni ti o kpabira pogiba zu, o veela daba zaa o naag o poga, ka poga zaa o kulisi o sira. 3Cheli daba ni o poga ba doora, ba yindaana zaa ba da zagsira. 4A kpali bo, poga maa lee n ka o gbagba niŋa daama, ka pa o sira. O sira maa gba mi lee n ka o gbagba niŋa daama, ka pa o poga. 5A zu, ya da zagsira doobu maa, ka pa ya bayi maa zaa sagi ya da do daba ayi, ya ti togsira Naawun saani. A jemani ti gaari ya lee n do, Sitaana o da nye daama ti ya niŋina yabeeri, a kpali yuugirisim maa zu. 6Yela ŋa bi niŋi zaaligu. M yeli a ni, m moligi ya, ya da niŋina yabeeri. 7M sufu niŋi m kpabira daba zaa o niŋi dabkoori, a maa mani, ama Naawunni totira so zaa o torim. 8M ya n yeli ya ni dabkooba ni pogkooba yela, ni o veela ba da kulisira siriba, koo, a da naagira pogiba, seema ni be n ŋa. 9Ama, ka ba yi baŋŋi maa, ba ka kenyiti, o veela daba maa o naa poga, ka poga maa gba o kulisi, o so a n wumina ba. 10Ya seesi n mari pogiba, koo siriba, ti duuma ti ma yeli ya, ni daba o da kari o poga, ka poga o da zagsi o sira. Ama ka poga zagsi o sira, o da lee n kulisi yindaana, ama o ni tee n pori n gaari o sira maa dii. 12Ya seesi n che, mani n yeli ya, pa ti duuma, ka ya so zaa n mari pogso n bi paara Yeesu zu, ka o bi zagsi u, o gba o da kari u. 13Ka ya so zaa n mari siriso n bi paara Yeesu zu, ka o bi kari u, o gba o da zagsi u. 14A kpali bo, so n paara Yeesu zu la ni ti o sira, koo o poga, o nye tono Naawun saani. A koo, ka lala di bi niŋi, ba biisi di bi niŋi Naawun toori. 15Ama ka so n bi paara Yeesu zu la kpabira o kari o poga, koo o zagsi o sira, ya cheli o niŋi, a kpali bo, Naawunni kpabira ti ba niŋi, a ni niŋgbirimaasim. 16Poga, ka e n di n ti e sira nye moligirisim, e bi baŋŋi. Sira, ka e n di n ti e poga nye moligirisim, e gba bi baŋŋi. 17Chaachisi maa zaa puu n na ma wusira, ni seema ti duuma n totira so zaa o torim, a ni seema Naawunni n booli u, cheli o niŋina lala. 18Ka ti duuma booli ya yindaana, ka o yoori tee n ŋma, o bi tiri. Ama ka ti duuma lee n booli yindaana, ka o yoori na bi ŋma, o da ti ba ŋma u. 19A kpali bo, o bi tiri, ka ba ŋma e yoori, koo, ba bi ŋma. Yaso n tiri n niŋi ya paara Naawun zaaligusi la zu. 20Ya so zaa, seema o n daa n be, ka Naawunni booli u la, o ba lala. 21Halli ka ya seesi n daa n niŋi girunsi, ka Naawunni booli ya la, o bi tiri. Ama ka ya nye daama, ka ki lee n niŋi girunsi, ya niŋi lala. 22Ya nyaasi, giruŋso ti duuma n booli bi niŋi maa giruŋŋu o saani. Lala n na, niso zaa ti duuma n booli, ka o bi niŋi giruŋŋu, o niŋini maa giruŋŋu yi Yeesu Kristu saani. 23A kpali bo, Yeesu daa n kpi n ti da ya, a zu, ya da loobi n niŋi nisaaldima girunsi. 24M taaba, seema ya so zaa n daa n be, ka Naawunni booli u la, o ba niŋi lala, ka Naawunni o ba o saani. 25Ya so zaa n ka poga, koo sira, ti duuma na bi wusi ma seema m di n yeli. Ama m ni naa m feri yeli ya, a kpali Naawunni zo ma nimbaa, ma mari yeride. 26Ama m feya maa, a kpali namseesi ti n nyaara maa, so zaa o be seema o n be n ŋa. 27A zu, ka o mari poga, o da kpabira o kari u. Ka o bi lee n mari poga, o da kpabira yindaana. 28Ama, ka o naa poga, pa yabee n na. Lala n na, ka poga mi kulisi daba, pa yabee n na. Ama seesi n naagira pogiba, koo, a kulisira dabsi, ba ni nye nam durinye puwa, ka m bi kpabira ya nyaara nam maa. 29M taaba, m ya n yeli ya ni, ni saŋa maa lee n ka wogilim, ka ti duuma o lee n ta. A zu, a yi zinni, ya seesi n mari pogiba, ya niŋi maa seesi n bi mari. 30Ya seesi n kumina, ya niŋi maa seesi n bi kumina. Ya seesi n laara, ya niŋi maa seesi n bi laara. Ya seesi n daara, ya niŋi maa ya n bi su a. 31Ya seesi baga n ba durinye puu niŋi, ya niŋi maa ya baga ka o niŋi. A kpali bo, durinye ŋa ni baasi. 32M bi kpabira bunso zaa yela kagili ya. Ya nyaasi. Dabso n ka poga, o yi kpabira ti duuma yela, seema o n di n niŋi, a peri u. 33Ama dabso n mari poga, durinye yela n tiri u paasi, seema o n di n niŋi n peri o poga. 34A zu, o sufu bi za ziluŋko. Ama pogkoori, koo suŋguri, o baga ba ti duuma niŋi, seema o yaniŋisa ni o feri zaa di n tee n peri u. Ama pogso n mari sira, durinye yela n tiri u, seema o n di n niŋi n peri o sira. 35M bi yeli n ŋa, m ti zaali zaaligu, ama m kpabirini m moligi ya, ya niŋina yasuma, ka kpabira ti duuma yela koluŋko. 36Ka dabso bii n niŋi suŋguri, ka paa sira, ka daba maa fe maa, o bi veela o kari u yi kulisigu niŋi, ya cheli o niŋi seema o n kpabira maa, bii maa o kulisi. Pa yabee n na. 37Ama ka dabso bii n niŋi suŋguri, ka daba maa ŋme o sufu o bii maa o da kulisi, ka o na bi ti so zaa noori, ka mi mari daama o niŋi seema o n kpabira la, o niŋina nene. 38A zu, dabso n ti o bii kulisi la niŋi nene, ama so n bi ti o bii kulisi niŋi nene gaari u. 39Poga zaa ka daama o zagsi o sira, a ti paa o sira maa kum daari. Ka o sira ti kpi, o mari daama o lee n kulisi dabso o n kpabira, ama daba maa o paara Yeesu zu. 40Ama m fe maa, ka o bi lee n kulisi n so, o ni mari sufupeeli gaari so n kulisi. Ka m fe maa, Naawun sii mi kpabira lala.

will be added

X\