Korinti piiligu daana 4

1Ya nyaasi, tirima n wusira ya la, ti niŋini Yeesu Kristu tumtuminiba, ka wusira Naawun yaseesi nisaaldima n bi baŋŋi. 2Ka tumtuminiso n mari daama, a yi o yidaana saani, o tiriya o da mari birikonsi zaa. 3Ama o bi tiri ma seema ya ni nisaaldima zaa n yetira m yela, ka ma wune bi dira m maŋŋa seriya, 4a kpali bo, ma wune fe maa, m bi li. Ama m feri maa bi tiri, a kpali bo, ti duuma ni di m seriya. 5A la zu, ya da dira taaba seriya, ama jemani maa ti paa, ti duuma o ta, a pa ti di ti seriya. O ni wusi yaseesi n sogi pimpariŋa, a ni so zaa feri feera. Ka Naawunni ni kpeesi niseesi zaa n bi li. 6M taaba, yaso ni yeli n ŋa, mani Pool ni Apolosi n na ma togsi n ŋmeŋsi, a wusira ya, ya deeg a di, ka niŋina seema kusu zaa ba n daa n sebi n digili, ni ya da kpalimi n kpabira nivuluŋko, ka chisira luŋko. 7So zaa o da feera maa, o gaarini o taaba, a kpali bo, Naawunni n ti u bunso zaa o n mari, a zu, o da kpalimina. 8Ya feera maa, ya sali n mari bunso zaa, ka feera maa, ya sali n loobi bindaandima, ka feera maa, ti nyaaŋa n na ya loobi maa nadima. Ama a bi niŋi yamonsi. M kpabira ya di niŋi maa nadima, ti ni ya zaa ti niŋi maa nadima. 9O niŋini maa Naawunni ti ti o tumusi maa yuya sigi n gaari so zaa, a maa niseesi ba n ya n ku, nisaaldima ni malakisi nufu niŋi. 10A kpali Yeesu Kristu zu ti niŋini maa zolisi, ama ya ki sagi n pa n ŋa. Ti ka kpeeŋu, ka ya wune mari kpeeŋu. Ya yuya duura, ka ti wune yuya sigira. 11A ti yini zinni, kom ni konyuuri gbaa ti, ka ti wajaasi kpiira, ka ba buura ti, ka ti chaŋina tiŋsi, 12ka yi tumi n beligira. Halli ka ba tuura ti, ti suusi Naawunni tira ba. Ba n namsira ti, ti dira kenyiti. 13Ba n zabira ti, ti maagira ba sufusi. Ka pimpariŋa ti niŋini maa durinye sagiri. 14M bi sebi n ŋa ti ya, m ti vi gbaa ya. M sebini n ŋa, a kpali ya niŋini maa m biisi, ka ma kpabira ya, ka kpaasira ya tuba. 15Halli ya mari nivudamta n wusira ya Yeesu Kristu yela, m ko niŋi maa ya ba, a kpali bo, mani n daa n piili n wusira ya Yeesu Kristu baarusuma yela. 16A zu, ma yetira ya, ya niŋina seema ni niŋina. 17Pimpariŋa m tumini Timoti o ta ya saani, a ti teesi ya seema ni tumina Yeesu Kristu, ka wusira chaachi dima seela zaa la. Wune n niŋi maa m bikpabirigu, ka tumina ti duuma nene. 18Ya nyaasi, a kpali m na n bi lee n ta ya saani zu, ya seesi kpalimina. 19A che daba ayi, ka ti duuma sagiya, m ni lee n ta ya saani, a ti nyaasi ya seesi n togsi n kpalimina la nye, ba mari daama? 20Naawun naalim yela bi niŋi yatoga, ama daama. 21Wumbo n na ya kpabira, m ti darigi ya tuba, koo, m ti ti ya jilima, ka ba niŋi boin?

will be added

X\