Korinti piiligu daana 3

1M taaba, ni daa n ba ya saani, m daa n bi wusira ya seema ni wusira seesi n mari Naawun sii la. M daa n wusira ya seema ni wusira durinye dima, koo seesi n dee Yeesu Kristu yela, ka na niŋini maa bileesi. 2Lala n na ya daa n bi karigi n paa bindira, a zu ma naa bisiri koom tira ya, halli a ti paa zinni ya na ki tee n di, 3a kpali ya na kpabira durinye yela. Halli ya mari pubeerim, ka dira amore, yela ŋa wusiya maa, ya na niŋini maa durinye dima. 4Ka ya seesi yetira, ni ya paara mani Pool la zu, ka seesi mi yetira ni ya paara Apolosi la zu, lala n na ya yi niŋina seema durinye dima n niŋina. 5Ya nyaasi Apolosi yela, a ni mani Pool yela. Ti niŋini tumtuminiba, a tumina seema Naawunni n zaali ti luŋko zaa, ka o daa n ti ya dee ti wusigu maa, a niŋina Yeesu yeride. 6O niŋini maa mani n daa n butira, ka Apolosi mi daa n ŋoo koom wutira a, ka Naawunni ti a karigira. 7So n butira, a ni so n wutira a koom maa bi tiri, Naawunni ko yela n tiri, a kpali bo, wune n ti a karigira. 8So n butira, a ni so n wutira a maa, ba zaa sagini, ka Naawunni ni yo ba samini, a kpali seema ba n tumi maa zu. 9Ti wune n niŋi Naawun tumtuminiba, ka yarima n niŋi maa Naawun pu, koo diso ba n me n tira Naawunni, seela ti n tumina. 10Mani n niŋi maa memeeriba zudaana, a kpali seema Naawunni n daa n ti ma baŋinisim, ka m daa n maali dii maa zii nene ga, ka seesi meera nisaaniŋi. Ya cheli ba dasi meebu maa niŋi. 11Zii maa n maali maa niŋini maa Yeesu Kristu, ka yindaana zaa ki tee n niŋi maa zii maa. 12Ka memeeriba maa seesi ni naa sugasi meera, seesi ni naa kugsuma, seesi ni naa daari, seesi ni naa moori, a meera zii maa niŋi. 13Jemani paaya, ka ti duuma dira niriba seriya, ba ni baŋŋi seema ba zaa n daa n niŋi n meera la, a kpali ba ni moo bugum kusi a, a nyaasi a nye, a dira? 14Niso n me, ka ba kusi a bugum, ka a bi di, o ni nye o laada. 15Niso n me, ka ba kusi a bugum, ka a di, o ki nye o laada, ama o gbagba ni nye moligirisim, a maa niso n kpe bugum niŋi, ka yi. 16Ya nyaasi, ya niŋini maa Naawun dii, ka Naawun sii ba ya niŋi. 17Ama ka so zaa ti ya niŋina yabeeri, Naawunni ni darigi o tubiri, a kpali bo, ya niŋini o toori. 18So zaa o da yomsira o maŋŋa. A zu, ka ya so zaa baŋŋi maa, o mari yam yi durinye puwa, cheli o loobi n niŋi maa zoliga, a yi durinye nufu niŋi, o ti loobi n mari Naawun yam. 19A kpali bo, Naawunni baŋŋi maa, nisaaldima yam niŋini zoltiri. Seema kusu zaa ba n daa n sebi n digili, ni Naawunni saamina yambaŋiniba yam yela. 20A ni, Ti duuma baŋŋi yambaŋiniba feri feera, ni a ki tee n niŋi seŋ. 21A zu, so zaa o da naa nisaaldima yaniŋisa kpalimina. Ya nyaasi, bunso zaa niŋini ya toori, 22halli mani Pool, koo Apolosi, koo Piita, koo durinye, koo nyevuri, koo kum, koo pimpariŋa yela, a ni yaseesi na n bi niŋi, a zaa niŋini ya toori, 23ka ya mi niŋi Yeesu Kristu toori, ka Yeesu Kristu mi niŋi Naawun toori.

will be added

X\