Korinti piiligu daana 15

1M taaba, m ya n teesi ya ni seema ni daa n wusira ya Yeesu baarusuma ya n daa n dee la. Lala n na, ka ya bi zagsi a, ya nyaara moligirisim, ama ya deeg a ni je. 3M daa n wusi ya yaseesi ni daa n nye la, ni yaso n tiri ga niŋini seema Yeesu Kristu n daa n kpi, o ti moligi ti yi ti yabeeri niŋi, seema kusu zaa ba n daa n sebi n digili Naawun buku niŋi poin. 4O n daa n kpi maa, ba pi u, ka o daba ata daari Naawun nyisigi u yi kum puwa, seema kusu zaa ba n daa n lee n sebi n digili Naawun buku niŋi. 5Niŋi n na, Piita daa n nye u, ka o nyaaŋpaariba pii ni bayi maa gba nye u. 6Ka dindaluŋko o nyaaŋpaariba gaari kobsinu gba daa n lee n nye u, ka ba nivudamta na bi kpi, ama ba seesi kpiya. 7A jemani maa Jeemsi mi nye u, ka tumusi maa zaa gba nye u. 8A baasigu, halli ka m daa n na bi deeg o yela, ma n nye u. 9Lala zu, mani n niŋi maa Naawun tumusi maa zaa biya, ka a kpali m daa n namsira chaachi dima ga, m bi daga ba boona ma Naawun tumu. 10Ama Naawunni daa n zo ma nimbaa, ka ti ma loobi n niŋi seema ni be n ŋa. O bi zo ma nimbaa la putoom, a kpali m tumi n gaari Naawun tumusi maa zaa. Ama pa m gbagba n tumina la, Naawun nimbaso o n daa n zo ma maa n ti ma tumina la. 11Halli mani, koo barima n daa n wusi ya, ti zaa wusira Yeesu yela ko, ka ya gba mi daa n deeg a di. 12Ya nyaasi. Ti yi wusira maa, Naawunni daa n nyisigi Yeesu Kristu, a yi kum puwa. A zu, wula n na niseesi n yetira, ni niriba ki nyisigi kum puwa? 13Ama ka lala di niŋi yamonsi, Yeesu Kristu gba daa n di bi nyisigi kum puwa. 14A zu n na, ka Yeesu Kristu daa n di bi nyisigi kum puu la, ti di wusira ya putoom, ka ya di deeg a putoom, 15ka ti di tulimi n wusira ya Naawun yela. A kpali bo, ka niriba di ki nyisigi kum puwa, Yeesu Kristu gba daa n di bi nyisigi, ka ti gba yetira, ni Naawunni daa n nyisigi u kum puu la. 17Lala n na, ka Yeesu Kristu daa n di bi nyisigi kum puu la, ya yeride niŋinisim di niŋini putoom, ka ya yabeeri di ka che n paŋinisim, 18ka niseesi n daa n dee Yeesu Kristu yela, ka kpi la di ki nye moligirisim. 19Lala n na, ka ti durinye puu nyevuri di ti baasi, ka ti di ki lee n nye tono Yeesu Kristu niŋi, niriba zaa di mari tono gaari ti durinye puwa. 20Ama Yeesu kum puu nyisigirisim yela niŋini yamonsi. A zu, seesi gba n kpi la ni nyisigi. 21Kusu zaa dabso ba n boona Adam la daa n ti nisaaldima zaa kpiira. Lala n na dabso ba n boona Yeesu Kristu la daa n ti nisaaldima nyisigira kum puwa, seesi zaa n deeg o yela la ba nyisigi, 23ama so zaa ni o ziya. Yeesu Kristu niŋi zudaana, ka tee n nyisigi. O lee n ti ta durinye puwa, seesi zaa n deeg o yela la ni nyisigi. 24A jemani maa ni niŋi durinye ŋa baasigu, Yeesu o nyaŋŋi nadima ni daamadima zaa, ka naag o naalim maa ti o ba Naawunni. 25Lala n na Yeesu Kristu ni di o naalim, o pa ti nyaŋŋi o dindima zaa, 26ka ti che dinluŋko n niŋi kum, ka o nyaŋŋi o gba. 27Lala Naawunni ni niŋi, seema kusu zaa o n daa n yeli, ni o n di n nyaŋŋi bunso zaa ti u. O gbinni niŋi maa Kristu ni di bunso zaa naam, ama Naawunni. 28A zu, ka Naawunni nyaŋŋi bunso zaa ti o bii Yeesu Kristu la, o bii maa ni ti u jilima, a paara o zu, Naawunni o niŋi so zaa zudaana. 29Ya lee n nyaasi. Ka niriba di ki nyisigi kum puwa, seesi n kpi, ka ba suura niseesi koom ti ba la ki di koom suubu maa tono. 30Koo, ka niriba di ki nyisigi kum puwa, namseesi ni nyaara, m ki di a tono. 31M taaba, taaru zaa m yi bani kum niŋi. N ŋa niŋi yamonsi, a maa seema ti duuma Yeesu Kristu n ti m puu peligi, a kpali ya zu. 32Ama ka niriba di ki nyisigi kum puwa, namso ni daa n nye, a yi Afesu tiŋŋa puwa, a kpali m wusigu maa zu, m ki di nam maa tono. A zu, ka niriba ki nyisigi kum puwa, ya cheli ti dira, ka ŋuura, a kpali soosa zu ti n di n kpi n basi. 33Ya da ti ba yomsira ya, a kpali bo, ka ya miina nivubeeri, ya ni niŋi nivubeeri. 34A zu, ya dee ya saamiya, ka da lee n niŋina yabeeri. O niŋini vi ya saani, a kpali ya seesi n bi baŋŋi Naawunni. 35Ya lee n nyaasi. Seesi ni boosi, Wula n na kpiinsi nyisigira? Koo, wula niŋa n na ba mari? 36Seesi n boosira n ŋa bi fe nene. Ya nyaasi. Ka niso buri bumbutigu, o yi pooni, ka bimpaali pusi. 37Ka bumburiso e n buri maa bi niŋi chiitiri gbagba, o niŋini bii ko, halli kazee, koo chiseesi. 38Ama Naawunni ti bumbura zaa loobi n karigira seema o n kpabira. 39Ya lee n nyaasi. Bunvuusa zaa valisi bi niŋi luŋko. Niriba valisi ni buŋkobiri valisi ni niinsi valisi ni koroto valisi zaa kurini taaba niŋi. 40Lala n na, binseesi n ba durinye puu ŋa mari a niŋasi, ka a kuri binseesi n ba saazu la niŋasi niŋi, ka a zaa mari a daama ni veelim. 41Lala n na, wuluŋu ni ŋmeriga ni ŋmeribiisi zaa mari a daama ni veelim, ka a zaa kuri taaba niŋi, ka ŋmeribiisi gba kuri taaba niŋi. 42N ŋa n na kum nyisigirisim maa ni be. Ba ti pi kpiinsi maa, a ni poo, ama ka ba ti nyisigi, ba lee n ka poogirisim. 43Kpiinsi maa yi ti pi, ba lee n ka veelim, ka lee n ka kpeeŋu, ama ka ba lee n ti nyisigi, ba mari veelim, a ni kpeeŋu. 44Ba yi ti pi kpiiŋu, o niŋini durinye ŋa puu niŋa, ama ka o lee n ti nyisigi, o niŋini Naawun zu niŋa. Lala n na durinye ŋa puu niŋasi ba niŋi, ka Naawun zu niŋasi gba mi ba niŋi. 45Kusu zaa ba daa n sebi n digili, ni dabsi zaa piiligudaana Adam daa n loobi n niŋi nisaala, ka vuusira. Ama Yeesu, so n niŋi maa Adam yindaana, wune n niŋi siso n tira nyevuri. 46Lala n na, durinye ŋa puu niŋasi daa n ta poin, ka pa ti Naawun zu niŋasi. 47Piiligu daba maa, tana n na Naawunni daa n naa n maali u, ama yindaana maa wune, o daa n yini Alizaana. 48Niseesi n ba durinye ŋa puu niŋini maa dabso Naawunni n daa n naa tana maali la. Ama seesi n ba Alizaana niŋini maa so n daa n yi Alizaana la. 49Ti zaa mari durinye ŋa puu niŋa, a maa daba maa, ka ti ni nye Naawun zu niŋa, a maa Yeesu n yi Alizaana la. 50M taaba, ya nyaasi, nisaaldima durinye niŋasi ki tee n kpe Naawun naalim puwa, a kpali bunso n mari baasigu la ki tee n paa bunso n ka baasigu maa. 51To, ya wumi yapaalaa. Ti zaa ki kpi, ama ti zaa ni cherigi. 52Cherigirisim maa jemani ti paa, ba ni pemsi kabilli, ka ki lee n tee n pemsi a zaa, ka seesi n kpi maa ni lee n nyisigi, ka ki lee n mari baasigu, ka ti zaa ni cherigi yoom, a maa ba kamsi nimbiri. 53Lala n na, o tiriya ti niŋasi n mari baasigu la, a loobi n niŋi seesi n ka baasigu la. Koo durinye puu niŋasi ŋa, a loobi n niŋi Naawun zu niŋasi maa. 54N ŋa ti niŋi, seema kusu zaa ba n daa n sebi n digili maa ni loobi yamonsi, ni Ba nyaŋini kum. 55A zu, kum ki lee n nyaŋŋi so zaa, koo, a lee n namsi so zaa. 56Kum nyeni o daama yi yabeeri niŋi, yabeeri mi nyeni o daama yi Naawun zaaligusi niŋi. 57Ama ya kpeesira Naawunni, a kpali o n ti ti nyaŋŋi kum, a yi ti duuma Yeesu Kristu niŋi la. 58A zu, m taaba, ya mari sufuluŋko, ka da zagsira, ka moo nufu tumina ti duuma tuma, a kpali ya n baŋŋi maa, ya bi tumina a putoom.

will be added

X\