Korinti piiligu daana 11

1Ya pontira ma seema m gbagba n pontira Yeesu Kristu n ŋa. 2M taaba, m kpeesira ya ni, a kpali ya yi teesira m yela, ka niŋina seema ni daa n ti wusira ya la. 3M kpabira ya baŋŋi maa, daba zaa zudaana n niŋi Yeesu Kristu, ka poga zudaana mi niŋi o sira, ka Yeesu Kristu zudaana mi niŋi Naawunni. 4Daba zaa n pili zupiligu, ka togsira Naawun saani, koo, a wusira Naawun yela yi fenni o zudaana maa. 5Koo, ka poga zaa bi bobi zuboowa, ka togsira Naawun saani, koo, a wusira Naawun yela, o yi fenni o zudaana, o niŋini maa niso n puni o zu. 6Ama ka poga zaa zagsi zuboowa bobirisim maa, ya cheli ba ŋma o zukoba basi. Ama ka o bi veela o n ŋma o zukoba n ŋa, koo, a puni a, o bobi o zuboowa. 7Bunso zu a n bi daga daba n pinna zupiligu la n ŋa, daba maa niŋini maa Naawunni, ka ti Naawun yuuri duura. Lala n na, poga mi ti o sira yuuri duura. 8A kpali bo, kusu zaa Naawunni daa n bi naa poga seela maali daba, o daa n naani daba seela maali poga. 9O mi daa n bi maali daba ti poga, o daa n maalini poga ti daba. 10N ŋa ni malakisi zu, o veela poga n bobira o zuboowa, a wusira maa, o sira mari daama o saani. 11Ama o piiligu Naawunni daa n maali bunso zaa, ka naa daba seela maali poga, ka pogiba gba mi lee n dogira dabsi. A zu, a yi niseesi n paara ti duuma zu, ka daba ka niŋi, poga gba mi lee n ka niŋi. Ka poga mi ka niŋi, daba gba mi lee n ka niŋi. 13Ya gbagba ya feera feri, o daga poga n togsira Naawun saani, ka bi bobi o zuboowa? 14Ya nyaasi, ka daba mari zukobiwogila, o meeri bi veela durinye puwa. 15Ama ka poga mari zukobiwogila, lala veela. A niŋini maa o zuboowa. 16Ama so zaa n kpabira o di yela ŋa amore, cheli o baŋŋi maa, tirima ni Naawun chaachisi dima ki sagi ba cherigira a. 17M ya n yeli ya ni yayindaana, ka m ki tee n kpeesi ya. A kpali bo, ka ya laŋsira, ya bi moligira taaba, ya niŋina yabeeri. 18Ya nyaasi, m wumini maa, ka ya yi ti laŋsi maa chaachi dima, ya yi barigini, ka m fe maa, a seesi niŋini yamonsi. 19Ama naŋgbana ayi ni ba niŋi, a ti ya baŋŋi niseesi n mari yamonsi. 20Ya n laŋsira maa, ka ya dira, ya bi totira ya bindira, ama so zaa dira o gbagba bindira, a zu, kom mari seesi, ka seesi mi kuuna. Lala n na, ya bi di n teesira ti duuma kum maa yela. 22Ya mari yiyasi, seela ya ni tee n di, ka ŋu. A zu, ya da nyaasira Naawun chaachi dima jaga, koo, a ti vi gbaagira seesi n bi mari bini. Lala bi veela, m ki kpeesi ya. 23M daa n tee n wusi ya yaseesi ti duuma Yeesu n daa n wusi ma, ni jemanso ba n daa n ya n gbaag u la, o daa n naa paanu, 24ka kpeesi Naawunni, ka ŋma u, ka yeli, Ya ŋobira a. A niŋini m niŋa n ti ya nye barika. Ya niŋina n ŋa, a teesira ma. 25Lala n na, ka ba di n baasi, Yeesu lee n naa kopu, ka yeli, Kopu ŋa niŋini seema Naawunni ni nisaaldima n loobi naŋgbanlunko, a kpali m zeem zu. Ya yi dee kopu ŋa ŋuura, a teesira ma. 26Lala n na, m taaba, jemanso zaa ya n ŋobira paanu ŋa, ka dee kopu ŋa ŋuura, ya wusirini ti duuma kum maa yela, o pa lee n ti ta. 27A zu, so zaa n ŋobira paanu ŋa, koo, a dee kopu ŋa ŋuura, ka bi niŋina ti duuma jilima, o niŋi yabee, a nyaasira ti duuma niŋa ni zeem maa jaga. 28A zu, so zaa o niŋi o maŋŋa nyaasi poin, ka pa ŋobi paanu maa ni kopuso ba n ŋuura maa. 29A kpali bo, so zaa n bi niŋi ti duuma niŋa jilima, ka ŋobira paanu maa, koo, a naa kopu ŋa ŋuura la, o ni nye tubiri darigirisim. 30Lala zu ya nivudamta ka kpeeŋu, koo, a beera, ka seesi mi kpi. 31Ama ka so zaa niŋi o maŋŋa nyaasi nene, o ki nye tubiri darigirisim maa. 32Ama ka ti duuma pa ti darigira ti tuba, o wusira ti ni yam, ti da niŋi maa durinye dima n ya n we bugum zii la. 33A zu, m taaba, ya yi ti laŋsi n dira, ya gutira taaba. 34So zaa kom n mari, o di yiri poin, ya da laŋsi n niŋi yabee, a nye tubiri darigirisim maa. Yatogseesi n che la, ama m pa lee n ti ta ni.

will be added

X\