Korinti piiligu daana 10

1M taaba, m ya n teesi ya ni bunso n daa n niŋi ti yaadima saani. Kusu zaa jemanso ba n daa n paara Musa zu la, Naawunni daa n ti sagbaŋŋu pili ba zaa, ka kasigi mogiri, ba zaa chaŋŋi n du duuri maa. 2Ka sagbaŋŋu maa ni mogiri maa yela niŋini maa Naawunni daa n su ba zaa koom, ba loobi Musa niriba. 3Ka Naawunni daa n naa bindira ni koom ti ba, a yi dalimpii paaligu puwa, ba zaa di, ka ŋu. Ka seela zaa ba n daa n wara maa, Yeesu Kristu daa n ba niŋi, a tira ba barika. 5Halli lala, ba nivudamta daa n bi petira Naawunni, a kpiira dalimpii paaligu maa puwa. 6Yela maa zaa yi wusi ti ni, ti da pa ti niŋina yabeeri seema kusu zaa ba n daa n niŋina maa. 7Lala n na, ti da maana buga seema ba seesi n daa n niŋina, a ni seema kusu zaa ba n daa n sebi n digili, ni niriba maa zi n dira, ka ŋuura daam ga, ka nyisigi n waara waa buga maa see. 8Koo, ti da kpabira taaba pogiba, seema ba seesi n daa n niŋina, ka dindaluŋko ba tusa pisiyi ni ata daa n kpi la. 9Koo, ti da lee n niŋi ti duuma Naawunni nyaasira, a maa seema ba seesi n daa n niŋina, ka waagi ti ku ba la. 10Koo, ti da lee n fomina, a maa seema ba seesi n daa n niŋina, ka malaki daa n ti ku ba la. 11Pimpariŋa yela zaa baasigu paagira, ka yaseesi n daa n niŋi ba maa, ba daa n sebi n digili, a ti wusi ti. 12A zu, niso zaa n fe maa, o zani nene, o dasi o maŋŋa niŋi o da li. 13Ya nyaasi, seema Sitaana n yomsira ya, ya niŋi yabeeri, pa ya ko n na o yomsira, niriba zaa n na o yomsira lala. Ama Naawunni ki zagsi o gbagba noori, a sagi Sitaana yomsira ya, a gaari seema ya n di n tee n niŋi n zagsi o yomsigu maa. A zu, ka Sitaana yomsira ya, Naawunni ni ti ya daama, ya da niŋi yabee. 14M taaba, m kpabira ya, ka bi kpabira ya niŋina yabeeri. A zu, ya da maana buga. 15Ya mari yam, ya feera o feri. 16Ya lee n nyaasi. Ti n laŋsi n teesira Yeesu kum yela, ti yi naani kopu ni daam, ka kpeesira Naawunni, ka ŋu, ka mi naa paanu ŋma, a ŋobi. Ti n ŋuura a maa, a niŋini maa Yeesu Kristu zeem, ka paanu maa mi niŋi maa Yeesu Kristu niŋa. 17Paanu maa niŋini luŋko, ka ti ŋma u. Lala n na ti zoo, ka mi niŋi niŋaluŋko, a kpali ti zaa n ŋobira paanuluŋko maa zu. 18Ya nyaasi seema Juusi dima yi n kuura buŋkobiri tira Naawunni, ka ŋobira ba toori. Ba seesi n ŋobira a maa niŋini Naawun toori. 19Ama a yi buga yela, m bi yetira, ni buŋkobseesi ba n naa n maana buga, koo, buga gbagba mari daama. 20M yetirini maa, ka niriba naa buŋkobiri maana buga, ba bi naa n tira Naawunni. Sitaana malakisi n na ba naa n tira, ka m bi kpabira ya niŋi Sitaana malakisi toori. 21A zu, ya ki tee n ŋu ti duuma toori, ka mi paara Sitaana malakisi zu. Lala n na, ya ki lee n tee n di ti duuma toori, ka maana buga. 22A kpali bo, ya bi kpabira ya nyisigi ti duuma suuri, ka bi mari daama gaari u. 23Yamonsi ti mari daama ti niŋi bunso zaa, ka da chisira a, ama a zaa ki tee n moligi ti. 24So zaa o da kpabira o kiperi ko, ama o taaba gba toori. 25Ya mari daama ya da valiga zaa, a yi daa puwa, ka da ti seema ba n ku a maa tiri ya. 26A kpali bo, durinye ŋa, a ni o bunso zaa niŋini ti duuma toori. 27A zu, ka so n bi paara Yeesu zu booli ya, ya ti di, ka ya kpabira ya gaari, ya we, ka di bunso zaa o n naa n ti ya, ka da ti seema ba n ku a maa tiri ya. 28Ama ka niso yeli, ni bindira ŋa niŋini buga toori, ya da dira a, so n yeli ya maa o baŋŋi bunso n veela. 29Koo, ka ya dira a, a ki tee n niŋi ya seŋ, ama ya da dira a, a kpali nivu maa zu. Ama ya seesi ni yeli, ni o bi veela yindaana feri feera wusira ya seema n veela ya niŋi. 30A kpali bo, ka ya yi kpeesini Naawunni ya bindira zu, ba ki tee n yeli, ni ya bi niŋina nene. 31O gbinni niŋi maa, ka ya dirini, koo, a ŋuura, koo, a niŋina bunso zaa, ya niŋina a, Naawun yuuri o du. 32Yela zaa n fenna niriba, halli Juusi dima, koo baligusi, koo seesi n paara Naawun zu, ya da niŋina a. 33Lala n na ma wune kpabira m yaniŋisa zaa petira niriba zaa, a gaari m gbagba kiperi, m ti moligira ba, ba nye moligirisim.

will be added

X\