LOOKILERA’N 15

1Go’t gugu ɓaa, m’an nyantɔje ke rang ke bò ke dum kum kem̂ danran’t. M’an dooge ke danrán ji sejimute uwei nyantosowurge ji sejimute ji de’t ndai. E ngei nyantosowurge ke Nube à ra se dooge le tɔl’n tà wong le’n. 2Taɓai, m’an mann ba-bò ke unju nyang-nyang a, por ndɔbe danné batat-batat a tɔ. M’an njé ke ndɔ ke têti rɔ dan, se nyan ke dooge tɔli ndajii nin a, se kɔr nyan ke ɔje dè ri dan nè nga a tɔ. Dooge nè ndai dè ba-bò ke unju nyang-nyang’t nè nga. Ei uwei kundu-jêng ke Nube ade de ji de’t ndai. 3Ei ɔsi pa le Moise ɓer kule le Nube a, le Ngonn bate a tɔ, edi nè: «Kuwe-ɓee Nube ke njètɔgmong, nyange malang ke i ra nga ei nyange ke bò-bò ke dum kum! Ngar le girkoje dooge malang, rebe nyange lei ke ɔje nga ei se dè naje’n a, se go rebe’n kuwe a tɔ. 4Kuwe-ɓee! ké nan à nal kile koje éké nal kile riɓar dè ri’t nga wa? Oiyo, i kuwe se kari bere luk-luk á i tò se ninni, girkoje dooge se dè ɓee-dè ɓee malang à reei ndɔ karé kɔsi keje de nang non-in’t ɗɔyi nin tede nyanrage lei ke se dè naje’n tooi nata ndái-ndái tàkum de’t.» 5Go nyange’t nè nga, m’an gile kei kubu le Nube ke tò se ninn’n danrán teen tà’n. Sanduk mann-ra le Nube tò kem̂é. 6M’an dooge ke danrán ji sejimute uwei nyantosowurge ji sejimute ji de’t, undei loo teei gile kei’t le Nube ke tò se ninn’n nga. Dooge ke danrán nè nga tulei kubu ke nda ke unju nyang-nyang ndai. Taɓai, ei tɔi kàde de se ndar ke dé ra se nar-ɔr njanm-njanm. 7Nyankundege ke sɔ nè nga, è ke karé dann de’t ade dooge ke danrán ke ji sejimute bai nyankuje-mesege ji sejimute ke ra se nar-ɔr. Wong le Nube ke Njèndi kumgajer sár se non nga rusu kem̂ baige nè nga neĵ-neĵ. 8Ndubra se tɔgmong le Nube adi sà por utu dè gile kei ke tò se ninn’n nga lêt. Doo karé bè géa asekum kaw gile kei ke tò se ninn’n le Nube nga lé sár kade nyantosowurge ke ji sejimute le dooge ke danrán ke ji sejimute rai dooge ɔri son’n njêt ɓita.

will be added

X\